LUMBO 8:6 - Biblia Ilagho Jiboie Kwa Wandu Wose

⁶ Kusengire mndungi ngolonyi kwako ela ini niekeri; kusewadie ungi mkonunyi kwako ela ini niekeri; kwa kukaia lukundo lwawadie ndighi sa kifwa; iriso jaro jeeng'eta sa kaburi. Jadabusa modo kondenyi, na kukumba lumu lubirie.

LUMBO 8:6 Խաչաձեւ Հղումներ

1 MALAGHO GHA NGELO 11:18

Niko awo mang'oni adadu gha masikari wiwadie ndighi wikangia kambi ya Wafilisti na kudaya machi kiriwenyi cha Bethlehemu cherekoghe kaavui na mbenge, wikaghiduka na kumredia Daudi. Ela Daudi ndereghinyueghe; ukaghidia andonyi sa kizongona kwa BWANA,

ZABURI 120:4

Uchamneka ikabo jelaswa na mawanu ghikalie gha ing'oni, na maka gha modo ghwa mudi ghwa mretemu.

ZABURI 63:1

Ee Mlungu, oho ko Mlungu wapo, nani nakaia na bea na oho. Nakaia na kau mbaa na oho, karakara na isanga jiomie jisewadie machi.

ZABURI 84:2

Nakunde na ndighi kukaia aho! Neko na bea ekaia andu kukaiagha BWANA. Nicham'boria Mlungu uko moyo kwa kuboilwa kubaa.

KUFUMA 28:21

Aighu ya agho magho gha zoghori ikumi na awi, kuchakota marina ikumi na awi gha wana wa Israeli; ghipate kuwonyera mbari ikumi na iwi ra Israeli.

MAKATANISHO 25:22

angu kuchakaia kwamfusha waya nandighi; na BWANA uchakulipa.

MAKATANISHO 6:34

Iriso jichawusira lubio lwa mumi na ndighi; ukakalipia kisasi, ndena wughoma.

LUMBO 5:8

Inyo waka wa Jerusalemu, namvoya; mkammbona mkundwa wapo, mumzere nabwaghwa ni lukundo.

ISAYA 49:16

Ola nameria kukuandika aighu ya lui lwa mkonu ghwapo, na mawurigha ghako naawuyaghizighana ngelo rose.

JEREMIA 22:24

BWANA waghamba, “Sa iji koni nikaiagha moyo, hata ngera Jehoiakini mwana wa Jehoiakimu, mzuri wa Juda odeeka sa pete ya muhuri chalenyi chapo cha mkonu ghwa kiwomi, nadamfunya noko

HAGAI 2:23

Ituku ijo ee Zerubabeli mwana wa Shealtieli, mdumiki wapo, nichakubonya oho kukaie mzuri kwa nguma yapo, kwa kukaia ni oho nikusaghue.” BWANA wa majeshi waghamba.

ZEKARIA 3:9

Naawuyawika igho jiko na chuwaru mfungade imbiri ya Joshua; nichakota mbari aghadi yaro, nani nichainja kaung'a ya isanga iji kwa ituku jimweri.

MITALO 25:11

“Finehasi mwana wa Eleazari wawae mkohani Haruni, wahoresha machu ghapo aighu ya wandu wa Israeli, kwa kulegharumaghia ugho wutasi ghwa milungu mizima iseko ini, nisechewimeria wandu wa Israeli.

MITALO 5:14

Mumi ukamgheshera mkake kiwiwi, kwa wundu ghwa kukaia na iriso nao, yadimika mkake ndekulushire, na mumi wakola wamgheshera kiwiwi;

MABONYO GHA WADUMI 20:24

Ela ini sitalie irangi japo kukaia kindo chingi kwapo anduangi, ikakaia tu nadima kuimeria kazi na wudumiki Bwana Jesu uninekie ghojishuhudia Ilagho Jiboie ja mvono ghwa Mlungu.

MABONYO GHA WADUMI 21:13

Niko Paulo ukatumbulia, “Kwaki munibwaghagha ngolo na uko kulila konyu? Ini neko tayari, si uko kufungwa koni, ela hata na kufwa aho Jerusalemu kwa wundu ghwa irina ja Bwana Jesu.”

WAROMA 12:20

Wulalo ghwaro, seji Maandiko ghighambagha, “M'maiza wako ukazughwa, mneke vindo; ngera waoma, mneke machi; angu kwa kubonya huwo, uchawona waya m'baa sa maka gha modo chongonyi kwake.”

2 WAKORINTHO 11:2

Neko na iriso ja Kimlungu kwa wundu ghonyu, angu inyo mooka sa mwai uelie nimkumbie wulanga, nipate kumreda kwa mumi wake umweri, uo Kristo.

WUKUMBUSO 32:21

Waniredie machu kwa wundu ghwa milungu yawo, wanibonyere nikaie na iriso kwa iyo milungu iseko milungu ingi loli. Kwa huwo nichawibonya wiwawo ni ngolo kwa kutumia mbari imu; nichawibonya wiwado ni iriso kwa kutumia mbari ya makelu.

2 TIMOTHEO 2:19

Ela msingi ghwa Mlungu ghwamange, nagho ghwawadie mhuri ughu: “Bwana wawimanya awo wiko wake,” sena, “Uo ose ujighoragha irina ja Bwana, suti utane na wuwiwi.”

WUFUNUO 12:11

Nawo wedemsima kwa iyo bagha ya Mwana wa Ng'ondi, na kwa ilagho ja wushuhuda ghwawo; angu ndewereghikundieghe marangi ghawo hata kifwa.