LUMBO 5:16 - Biblia Ilagho Jiboie Kwa Wandu Wose

¹⁶ Oosingwa ni malagho, nao ni mundu ukundikie. Uo nuo mkundwa wapo na mghenyi wapo, ee waka wa Jerusalemu.

LUMBO 5:16 Խաչաձեւ Հղումներ

2 SAMUELI 1:23

“Sauli na Jonathani werekoghe wakundwa wikundikie ndewitane jingi kufuma wiko moyo hata kifwa. Werekoghe wiangue kuchumba indu, werekoghe na ndighi kuchumba shimba.

ZABURI 119:103

Malagho ghako ghadanisingia nandighi! Ghanisingiagha kuchumba wuki.

ZABURI 148:13

Ndewijikase irina ja BWANA! Irina jake ni ibaa kuchumba ghose; wubaa ghwake ghwachumba ndoenyi na mlungunyi.

ZABURI 19:10

Ghakundikie kuchumba dhahabu, ee, kuchumba dhahabu ielie, ghasingie kuchumba wuki; wuki ghutonyagha kufuma kwa mando gha choki.

ZABURI 45:2

Oho kwaghokie kuchumba wandu wose; kwanekelo kudeda malagho gha mvono, kwa kukaia Mlungu wakurasimie matuku ghose.

ZABURI 89:6

Nani uko mlungunyi udimagha kufwananishwa na BWANA? Nani wa awo wiko mlungunyi ufwanane nao?

LUMBO 1:16

Nakumoni kwaghokie mkundwa wapo; kwaawuyaniboia loli loli. Nyasi mbishi richakaia wuli ghodu.

LUMBO 1:2

Ado ndakwanisusughaa na momu ghwako, kwa kukaia lukundo lwako lwaboie kuchumba divei.

LUMBO 1:5

Inyo waka wa Jerusalemu, ini ne wa chilu ela nifwano; neeka wa chilu sa hema ra Kedari, nighokie sa pazia ra hema ra Solomoni.

LUMBO 2:1

Ini ne mboi ya isakenyi ya Sharoni, ne mboi ya lili a vololonyi.

LUMBO 2:16

Mkundwa ni wapo, na ini ne wake; wadalisha iranu jake aghadi ya mboi.

LUMBO 2:3

Mkundwa wapo ukakaia aghadi ya wambenyu, ni sa mudi ghwa matunda ghadi na ghadi ya msidu. Naboilwa ni kusea kidombo kijunyi kwake; itunda jake jasingie nandighi.

LUMBO 4:3

Memu yako eeka sa uzi wa ngundu; yaghokie na ndighi ngelo kwawuyadeda. Madumbu ghako ghiang'ala-ng'ala nyuma ya pazia yako.

LUMBO 6:3

Uo ni mkundwa wapo, nani ne wake; wadalisha mfugho rake aghadi ya mboi ra lili.

LUMBO 7:9

Momu ghwako ghooka sa divei iboie kuchumba. Divei ndeimilike nicha kwa mkundwa wapo ikiidia momunyi na magheghonyi.

JEREMIA 15:16

Nereghiwonieghe malagho ghako ngaghija, ghikawuya iseko na kuboilwa ngolonyi kwapo; angu niwangilo kwa irina jako ee BWANA Mlungu wa majeshi.

JEREMIA 3:20

Ela kwa loli kwaleghie kukaia mloli kwapo kara kara na muka useko mloli kwa mumi ee Israeli.”

HOSEA 3:1

BWANA ukanizera, “Ghenda sena kuwonyera lukundo kwa uo muka wawuyabonya wulaki na mkundwa wake. Suti kumkunde sa iji koni ini niwikunde wandu wa Israeli, hata ngera waghalukie na kuitasa milungu mizima, na kukunda kufunya mikate ya zabibu riomie rikaie vizongona kwa milimu.”

WAGALATIA 2:20

Ini namerie kusulubishwa andwamweri na Kristo, na si ini ungi nawuyakaia moyo, ela Kristo nuo uko moyo andenyi kwapo; na uko kukaia moyo niko nako mumbinyi, naawuyakaia moyo kwa irumirio, ngimrumiria Mwana wa Mlungu, uo orenikundieghe na kukufunya uo moni kwa wundu ghwapo.

WAFILIPI 3:8

Nani loli navitala vilambo vose kukaia hasara kwa wundu ghwa ijo ilagho ibaa ja kummanya Kristo Jesu Bwana wapo; kwa wundu ghwake uo, nadaghie vilambo vose ngivitala sa mavi, eri nimpate Kristo.

JAKOBO 2:23

na maandiko ghikakatia agho ghighambagha, “Abrahamu oremrumirieghe Mlungu, na kwake ikatalwa kukaia hachi;” nao ukawangwa mghenyi wa Mlungu.

JAKOBO 4:4

Inyo walaki! Wele ndemmanyire kubonya wughenyi na wurumwengu ni wumaiza kwa Mlungu? Kwa huwu uhu ukundagha kukaia mghenyi wa wurumwengu wakubonya moni kukaia m'maiza wa Mlungu.