LUKA 7:14 - Biblia Ilagho Jiboie Kwa Wandu Wose

¹⁴ Ukacha ukaiwada jeneza, na awo wandu wereidukieghe wikadunga maghu. Jesu ukaghamba, “Mdawana, nakuzera wuka!”

LUKA 7:14 Խաչաձեւ Հղումներ

1 WAZURI 17:21

Ukakughorua aighu ya uja mwana mando adadu ukimkemia Bwana na kughamba, “Ee BWANA Mlungu wapo, mmbunjire u mwana roho yake.”

1 WAZURI 17:22

Nao BWANA ukasikira malombi gha Elija, na roho ya uja mwana ikammburia, ukazoya kusoda.

AYUBU 14:12

ni huwo koni mundu ukafwa usechaawuka sena; hata mlungunyi kuide ndewuyaawuka, na mndungi ndedimagha kummbusira anduangi.

AYUBU 14:14

Mundu ukafwa-lee, uwuyakaia moyo sena? Matuku ghose gha wudumiki ghwapo ghukurie, nichaweseria hata nivikie kufungulwa.

ZABURI 33:9

Iji oreghorieghe, wurumwengu ghorebonyekieghe; ukafunya momu, ghukamangishwa.

ISAYA 26:19

Wafu wako wichakaia moyo, mimbi yawo icharuka. Inyo wandu mkaiagha makaburinyi; wukenyi mmbore kwa kuboilwa! Kwa kukaia mami ghako BWANA ni gha mwengere; nagho kuchawinyeshera awo wafu wifue kokala.

MARKO 5:41

Nao ukammbwada mkonu, ukamzera, “Talitha Kum” kutambua kwaro, “Mnjighe, nakuzera wuka.”

LUKA 7:13

Bwana uendawona uja muka, ukangilwa ni wughoma m'baa, ukamzera, “Leka lila.”

LUKA 7:15

Nao uo orekoghe ufue, ukawuka ukazoya kudeda. Na Jesu ukamneka mae.

LUKA 7:17

Nao sare yake ikaera isanga jose ja Judea na mbai-mbai yaro.

JOHANE 11:25

Jesu ukamzera, “Ini nuo uko kuruka na irangi. Uo unirumiriagha ini, hata ngera wafwa, uchakaia moyo;

JOHANE 5:21

Angu sa iji koni Aba urukishagha wafu na kuwineka irangi, huwo koni Mwana wadawineka irangi awo uwikundagha.

JOHANE 5:25

Namghoria loli, ngelo iacha, hata idana eko, iji wafu wichaalusikira lwaka lwa Mwana wa Mlungu, na awo wilusikiragha, wichakaia moyo.

WAROMA 4:17

seji iandikilo, “Nakubonya kukaie ndee wa mbari nyingi.” Kwa huwo, ijo ilaghiro jaboie imbiri ya Mlungu, uo orerumiriloghe ni Abrahamu; uo Mlungu urukishagha wafu, na kuvibonya vilambo viserekoghe vipate kukaia.

WAEFESO 5:12

Angu ni waya hata kurighora iro maza wiribonyagha kivisonyi.