LUKA 24:46 - Biblia Ilagho Jiboie Kwa Wandu Wose

⁴⁶ Ukawizera, “Huwo niko iandikilo kukaia yamfwana Kristo utiriro, na ituku ja kadadu uruke kufuma kwa wafu.

LUKA 24:46 Խաչաձեւ Հղումներ

ISAYA 50:6

Nerefunyireghe mghongo ghwapo kwa awo wibulagha, na madumbu ghapo kwa awo wererikueghe sombe rapo hata serefueghe waya na kughuvisa wushu ghwapo kwa awo werenichueghe mada.

MATHAYO 26:24

Mwana wa Mdamu uaghenda sa iji koni Maandiko ghiandikilo aighu yake, ela ni bugha kwake uja mundu umfunyagha Mwana wa Mdamu; erekaiagha nicha ngera uo mundu nderevaloghe jingi.”

LUKA 24:44

Niko ukawizera, “Agha nigho malagho neremghorieghe iji nerekwanyeghe andwamweri nenyo, kukaia agho ghose ghereandikiloghe aighu yapo andenyi ya Sharia ra Musa, Maandiko gha walodi na Zaburi, suti ghikatisho.”

LUKA 24:7

angu ‘Suti Mwana wa Mdamu ufunyo mikonunyi kwa wandu wa kaung'a, usulubisho, na ituku ja kadadu urukisho sena.’”

JOHANE 20:9

Angu werekoghe wisetambukilo kande ni maa ndiko agho ghighambie angu suti uruke kufuma kwa wafu.

MABONYO GHA WADUMI 17:3

Ukawiwonyera loli seji erekoghe suti Kristo utiriro na kuruka kufuma kwa wafu ukighamba, “Uhu Jesu nawuyamchilia nuo Kristo.”

MABONYO GHA WADUMI 4:12

Hata ndekuwadie kukia kwa mzima ungi anduangi, angu ndekuwadie irina jingi izima wurumwengunyi kose, jinekelo wadamu jidimagha kudikira.”

1 PETRO 1:3

Mlungu ndekaso, uo Ndee Bwana odu Jesu Kristo. Kwa wughoma ghwake m'baa, isi derevaloghe wuwishi, dipate kukaia na isuwirio jiko moyo kwa chia ya uko kuruka kwa Jesu Kristo kufuma kwa wafu;