LUKA 21:37 - Biblia Ilagho Jiboie Kwa Wandu Wose

³⁷ Na kula ituku, Jesu orekoghe ukifundisha Hekalunyi, ela nakio orekoghe ukifuma kwendalala aighu ya Mghondi ghwa Mizeituni.

LUKA 21:37 Խաչաձեւ Հղումներ

ZEKARIA 14:4

Ituku ijo, BWANA uchakaia kimusi aighu ya Mghondi ghwa Mizeituni kulangaya cha mashariki ya Jerusalemu. Niko Mghondi ghwa Mizeituni ghuchawaghika vibelele viwi kufuma mashariki hata magharibi na vololo mbaa aghadi. Nusu imu ya mghondi ichakaia cha kaskazinyi, na nusu imu ichakaia cha kusinyi.

MATHAYO 21:1

Hata iji Jesu na wanughi wake werekoghe kaavui na Jerusalemu, wikavika Bethfage kwa Mghondi ghwa Mizeituni; niko Jesu ukawiduma wawi wa wanughi wake,

MATHAYO 21:17

Nao ukawisigha, ukafuma shighadi ya muzi ukaghenda Bethania ukalala aho.

MATHAYO 26:30

Nao wiendabora lumbo, wikafuma wikaghenda cha Mghondi ghwa Mizeituni.

MATHAYO 26:55

Ngelo ija cheni Jesu ukajizera jija izungu ja wandu, “Welee, mwaanichea na chufu na rungu kuniwada seji neeka kiting'a? Ituku ituku nerekoghe kidombo Hekalunyi ngifundisha, nenyo ndemoreniwadieghe anduangi.

MARKO 11:12

Niko nakesho yaro, iji wafuma Bethania, Jesu ukazughwa ni njala.

MARKO 11:19

Hata iji lwavika luma lwa kenyi, Jesu na wanughi wake wikafuma shighadi ya muzi.

MARKO 14:49

Ituku ituku nerekwanyeghe na inyo Hekalunyi ngifundisha, nenyo ndemoreniwadieghe anduangi, ela Maandiko suti ghikatisho.”

LUKA 19:29

Hata iji walighisa kuvika Bethfage na Bethania, kaavui na Mghondi ghwa Mizeituni, ukawiduma wanughi wake wawi

LUKA 19:37

Hata iji wavika kaavui na Jerusalemu, ija chia eseria Mghondi ghwa Mizeituni, izungu jose ja wanughi wikazoya kuboilwa na kumkasa Mlungu kwa lwaka lubaa kwa wundu ghwa iro maza mbaa wereriwonieghe;

LUKA 19:47

Nao kula ituku Jesu ukakaia ukifundisha Hekalunyi. Wakohani wabaa, walimu wa Sharia, na vilongozi va wandu wikakunda kum'bwagha.

LUKA 22:39

Nao Jesu ukafuma, na sa iji koni mzango ghwake ghorekoghe, ukaghenda cha Mghondi ghwa Mizeituni, na wanughi wake wikamnugha.

JOHANE 12:1

Matuku arandadu imbiri ya Pasaka, Jesu ukacha Bethania muzi ghwa Lazaro, uo oremrukishireghe kufuma kwa wafu.

JOHANE 18:2

Juda, uo mfunyi wake orekumanyireghe andu aja, angu kalazi koni Jesu orekwanyikieghe na wanughi wake aho.

MABONYO GHA WADUMI 1:12

Nao wadumi wikawuya Jerusalemu kufuma mghondinyi ghuwangwagha Mghondi ghwa Mizeituni, kaavui na Jerusalemu sa charo cha kilometa imweri.