LUKA 21:19 - Biblia Ilagho Jiboie Kwa Wandu Wose

¹⁹ Kwa kurumaghia konyu, mchakira marangi ghenyu.

LUKA 21:19 Խաչաձեւ Հղումներ

ZABURI 37:7

Kaia kima kummbesere BWANA; kuseje wasi aighu ya wandu iji wakawona nicha, ngelo wakabonya mipango ya wuwiwi.

ZABURI 40:1

Neremmbesereghe BWANA kwa irumaghio unitesie, ukanideghia kudu kwake na kusikira kililo chapo.

HABAKUKI 3:16

Nasikire agho malagho, ngasughusika; na memu yapo ikasughusika kwa wowa. Maindi ghapo ghikateweleka, ngawoka kutighina. Nichaweseria mboaeri ituku jivike, ingelo Mlungu uchaawikaba wandu wawuyadikaba.

MATHAYO 10:22

Mchazamia wandu wose kwa wundu ghwa irina japo. Ela uo uchaarumaghia hata kutua, uchakia.

MATHAYO 24:13

Ela uo urumaghiagha hata kutua nuo moni uchaakia.

LUKA 8:15

Na iri ripotokie ndoe iwurue, ni sa wandu wijisikiragha ilagho na kujiwadia kwa ngolo ndicha esikira, nawo wadava matunda kwa kurumaghia.

WAROMA 15:4

Angu ijo jose jereandikiloghe kala, jedeandikwa jikaie mafundisho kodu; dipate kukaia na isuwirio kwa chia ya kurumaghia na kukumbwa ngolo ni agho Maandiko.

WAROMA 2:7

Awo wawuyabonya mecha kwa kurumaghia, wikilola wubaa na ishima, na kudua kwa kala, uchawineka irangi ja kala na kala.

WAROMA 5:3

Hata si ijo jeni jiekeri anduangi, ela daboilwa andenyi ya matiriro ghedu, dikimanya angu matiriro ghadareda irumaghio,

WAROMA 5:4

na irumaghio jadareda kumanga, na kumanga kwadareda isuwirio.

WAROMA 8:25

Ela ngera dasuwiria icho disewuechiwona, dachiweseria kwa kurumaghia.

1 WATHESALONIKE 1:3

Nesi dawuyaikumbuka imbiri ya Mlungu Aba odu, iyo kazi yenyu ya irumirio, na kufunga ndighi konyu kwa lukundo, na kumanga kwa isuwirio andenyi ya Bwana odu Jesu Kristo.

2 WATHESALONIKE 3:5

Uo Bwana nderighenje ngolo renyu ritambukilo ni lukundo lwa Mlungu, na uko kumanya kwa Kristo.

WAEBRANIA 10:36

Angu yakundikie mrumaghie, eri mpate kulubonya lukundo lwa Mlungu, na kupata icho mlaghirilo.

WAEBRANIA 6:11

Na isi dakunde kula umu onyu uwonyere kufunga ndighi uko koni, kwa kukatisha ijo isuwirio hata kutua.

WAEBRANIA 6:15

Na huwo, nyuma ya Abrahamu kurumaghia kwa wumboa, orejipatireghe ijo ilaghiro.

JAKOBO 1:3

angu mwamanya kutimwa kwa irumirio jenyu kuareda kumanga.

JAKOBO 1:4

Na uko kumanga kukaie kukate, nenyo mpate kukaia mkate putu, msesowagha kindo chingi.

2 PETRO 1:6

na aighu ya kumanya, mchurie kukumazira; na aighu ya kukumazira, mchurie kumanga; na aighu ya kumanga, mchurie kuobua kwa Mlungu;

WUFUNUO 1:9

Ini Johane mwanyinyu, mngara onyu andenyi ya Jesu, kwa agho matiriro, na ugho Wuzuri, na uko kurumaghia luma; nerekoghe andenyi ya kisiwa chiwangwagha Patimo, kwa wundu ghwa ijo ilagho ja Mlungu, na ugho wushuhuda ghwa Jesu.

WUFUNUO 13:10

Ikakaia mndungi wawikilo udwalo wunyika, uchadwalwa wunyika ngera mndungi wabwagha kwa lufu, uchabwaghwa kwa lufu. Aha niko jikundikie irumaghio na irumirio ja waeli.

WUFUNUO 14:12

Aha niko jikundikie irumaghio ja waeli, awo wiiwadiagha memu ya Mlungu na ijo irumirio ja Jesu.

WUFUNUO 3:10

Kwa kukaia kwajiwadie ijo ilagho ja kurumaghia luma kwapo, nani nichakulindia ngelo iyo ighucheagha wurumwengu ghose kuwitima awo wikaiagha ndoenyi.