LUKA 2:32 - Biblia Ilagho Jiboie Kwa Wandu Wose

³² Mwengere ghowilangalishira wandu wa mbari zima, na kwa wundu ghwa wubaa ghwa wandu wako Israeli.”

LUKA 2:32 Խաչաձեւ Հղումներ

ZABURI 85:9

Loli oko tayari kuwikira awo wimuobuagha, eri wubaa ghwake ghupate kudua isangenyi kodu.

ISAYA 11:10

Ituku ijo, uo mundu wa kivalwa cha Jese uchawuka kukaia alama kwa wandu. Wandu wa iro mbari wichamlola, na andu kwake kokaia kuchakaia kwa wubaa.

ISAYA 4:2

Ngelo iyo, lumbashu lwa BWANA luchakaia lughokie, luchue wubaa; na masighariko gha wandu wa Israeli wichaboilwa na kukukasa kwa mavalo gha isanga jawo.

ISAYA 45:25

Wandu wose wa kivalwa cha Israeli wiko andenyi yapo ini BWANA, wichasima na kupata wubaa.”

ISAYA 49:6

Uo BWANA waghamba, “Kazi ewunja kichuku cha Jakobo na kutumbanya masighariko gha Israeli ni ndinieri ee mdumiki wapo; nichakubonya kukaie mwengere kwa iro mbari ra wandu, eri kukia kwapo kupate kukuvikia kutua kwa ndoenyi.”

ISAYA 49:9

Kuchawizera wafungwa, ‘Choonyi shwa-shwa;’ na awo wiko kirenyi ‘Fumenyi worinyi.’ Wichakaia wikija na kughuda chienyi, wichawona malisho hata andu kuko kuduu mighondinyi,

ISAYA 51:4

“Nisikirenyi inyo wandu wapo, nideghienyi madu inyo mbari yapo; kwa kukaia sharia ichafuma kwapo, na hachi yapo ichakaia sa mwengere kwa wandu.

ISAYA 60:19

“Iruwa ndejichaakaia mwengere ghwako ngelo ya nadime, hata mori ndeghuchaakaia mwengere ghwako ngelo ya nakio anduangi; ela ini BWANA nichakaia mwengere ghwako ghwa kala na kala, na ini Mlungu wako nichakaia nuo wubaa ghwako.

ISAYA 9:2

Isanga ja kichuku cha Zebluni na Naftali weresumbukieghe ngelo rimu, ela ngelo ra kutua ra isanga iji jichakaia ja ishima kufuma mashariki ya Mediterania hata isanga jiko kimonu cha Jordani, hata Galilaya ya mbari zima.

JEREMIA 2:11

Mbari ingi jingi yaghalue milungu yaro, hata ngera si milungu ingi? Ela wandu wapo waindanishire wubaa ghawo kwa kilambo chisewirediagha fwaida ingi.

ZEKARIA 2:5

Kwa kukaia ini nichakaia wurigha ghwa modo mbai-mbai ya muzi, nani nichakaia wubaa ghwaro!”

MATHAYO 4:16

Wandu awo werekoghe kirenyi, waghuwona mwengere m'baa. Na kwa awo werekoghe isangenyi na kiju cha kifwa, mwengere ghwalangala kwawo.”

LUKA 2:10

Malaika ukawizera, “Msakeobua, angu namredia inyo malagho mecha gha kuboilwa kubaa kuchaakaia kwa wandu wose;

LUKA 2:31

uko korekuboisireghe worinyi imbiri ya wandu wose.

MABONYO GHA WADUMI 26:23

seji suti Kristo utiriro, na seji ukikaia wa imbiri kuruka kufuma kwa wafu, uchaawichilia Wayahudi na wandu wa mbari zima mwengere ghwa kukia.”

MABONYO GHA WADUMI 28:28

“Kwa huwu mumanye angu uku kukia kwa Mlungu kwaghenjerwa wandu wa mbari zima, nawo wichasikira.” [

1 WAKORINTHO 1:31

Kwa huwo, sa iji koni iandikilo, “Uo ukukasagha, ndekukase na Bwana.”

WUFUNUO 21:23

Na ugho muzi ndeghukunde mwengere ghwa iruwa hata ghwa mori, angu ugho wubaa ghwa Mlungu nigho mwengere ghwaro; na taa yaro ni uo Mwana wa Ng'ondi.