LUKA 19:38 - Biblia Ilagho Jiboie Kwa Wandu Wose

³⁸ wikighamba, “Nderasimilo Mzuri uo uchagha kwa irina ja Bwana, sere ndeikaie mlungunyi, na wubaa mlungunyi aighu nandighi.”

LUKA 19:38 Խաչաձեւ Հղումներ

ZEKARIA 9:9

Zumenyi ee wandu wa Sioni! Kemenyi kwa kuboilwa inyo wandu wa Jerusalemu! Wonenyi mzuri onyu uamchea! Oko na wusimi m'baa; ela ni mmboa nao wajoka aighu ya punda; punda mtini, mwana wa punda.

MATHAYO 2:2

wikakotia, “Oko hao uja mwana uvalo mzuri wa Wayahudi? Angu nyerinyeri yake daiwonie kufuma chia ra mashariki, nesi dacha kumtasa.”

MATHAYO 21:9

Wandu werekoghe kiimbiri chiaimweri na waja werenughieghe na nyuma wikaghora kwa lwaka lubaa: “Hosana kwa Mwana wa Daudi, Warasimiwa uo uchagha kwa irina ja Bwana; Hosana aighu na ndighi.”

MATHAYO 25:34

Niko mzuri uchawizera waja wiko kwa mkonu ghwake ghwa kiwomi, ‘Choonyi inyo mrasimilwagha ni Aba, mmbuse ifwa ja wuzuri moreboisiroghe kufuma wurumwengu ghwazoya kuumbwa.

MATHAYO 25:40

Aho mzuri uchawitumbulia, ‘Namghoria loli, iji morewibonyereghe awo wanidu watini, modenibonyera ini moni.’

LUKA 13:35

Ola kwasighilwa nyumba yako. Nani namghoria loli, ndemchaaniwona, hata ituku jija mchaaghamba, ‘Warasimilwa uo uchagha kwa irina ja Bwana.’”

WAROMA 5:1

Idana angu dameria kutalwa kukaia na hachi kwa irumirio, deko na sere na Mlungu kwa chia ya Bwana odu Jesu Kristo.

WAEFESO 1:12

isi deresuwirieghe andenyi ya Kristo koimbiri, damerie kusaghulwa na kuwikwa dikaie moyo kwa wundu ghwa kughukasa ugho wubaa ghwake.

WAEFESO 1:6

upate kukaswa kwa wundu ghwa mvono ghwake ghwa wubaa, ugho oredinekieghe duu andenyi ya uo Mkundwa.

WAEFESO 3:10

ipate kukaia kwa chia ya ikanisa, hikima ya Mlungu iko kwa chia zima-zima, imanyike idana kwa wabaa na awo wiwadie ndighi wa malalo gha mlungunyi.

WAEFESO 3:21

kwake uo ndeghukaie wubaa andenyi ya ikanisa, na andenyi ya Kristo Jesu; kwa vivalwa vose kwa kala na kala. Amen.

WAKOLOSAI 1:20

na kwa chia ya uo Mwana, uvipatanishe vilambo vose na uo moni; ngera veeka ndoenyi, angu mlungunyi; na kubonya sere kwa chia ya bagha kwa kifwa cha msalaba ghwake.

1 TIMOTHEO 1:17

Idana kwa uo Mzuri wa ngelo rose, useidagha, usewonekagha, Mlungu uekeri, ndejikaie ishima na wubaa kwa kala na kala. Amen.

1 PETRO 1:12

Nawo wikafunukuilwa angu ndewerekoghe wikikudumikia weni; ela ni inyo, kwa iro maza rimerie kuereshwa konyu ni awo weremchilieghe Ilagho Jiboie, kwa chia ya Roho Mweli uo oredumiloghe kufuma mlungunyi; na iro maza, weke malaika wakunda nandighi kurizighana.