LUKA 16:15 - Biblia Ilagho Jiboie Kwa Wandu Wose

¹⁵ Ela Jesu ukawizera, “Inyo moko wandu mkunekagha mmbeni hachi imbiri ya wandu, ela Mlungu warimanya ngolo renyu; angu icho chikaswagha imbiri ya wandu, chakaia chizamie imbiri ya Mlungu.

LUKA 16:15 Խաչաձեւ Հղումներ

1 MALAGHO GHA NGELO 29:17

Mlungu wapo naichi kukaia oho kwatimagha ngolo, na kuboilwa ni wandu wecha kwa ishima na kwa wucha ghwa ngolo nakufunyira vilambo ivi vose kwa ngolo, nani nawona wandu wako wiko aha wikikufunyira kwa ngolo na kuzuma.

2 MALAGHO GHA NGELO 6:30

kusikire kufuma mlungunyi andu kukaiagha, kufuye wughoma, na kumneka kula umu seji kumwichi ngolo yake kunughana na mabonyo ghake, (angu ni oho, oho kuekeri kuichi ngolo ra wadamu);

ZABURI 10:3

Mundu mmbiwi wadakukasa na bea ra ngolo yake, mundu wa choyo, wadamuewia na kumlegha BWANA.

ZABURI 49:13

Huwo niko ikaiagha kwa wandu wikurumirie weni; na awo wirumirianagha nawo kwa madedo ghawo.

ZABURI 49:18

Hata ngera orekuwonieghe moni kukaia mrasimilwa ingelo uko moyo, na kukumwa kwa agho wawuyabonya,

ZABURI 7:9

Ee Mlungu wa hachi, kuzighanagha nia na ngolo ra wandu; meria kiwiwi cha wandu wizamie, na kuwimangisha wahachi.

MAKATANISHO 16:5

BWANA wadazamilwa ni kula mundu ukujosagha moni; kwa loli ndechaasowa ikabo.

MAKATANISHO 20:6

Wandu wengi wadakunda kukuwonyera seji wiko waloli; ela nani udimagha kumpata mundu uko mloli?

MAKATANISHO 21:2

Kula mundu wadawona seji ooka nicha, ela BWANA wadapima ngolo.

JEREMIA 17:10

Ni ini BWANA nizighanagha nia na kuitima ngolo; nipate kumlipa kula mundu kara kara na chia rake, karakara na mabonyo ghake.”

MALAKI 3:15

Seji diwonie, wandu wikukasire niwo wawuyawona nicha. Wandu wawiwi ndewiwonagha nicha tu, ela hata iji wamtima Mlungu kwa uko kurumaghia kwake, wafufunuka wisepatiro ni ilagho jingi.’”

MATHAYO 23:5

Mabonyo ghawo ghose wadabonya wikikunda kuwonwa ni wandu, angu waghibonya mafindikio ghawo na hemu ra nguwo rawo rikaie mbaa;

MATHAYO 6:16

“Na inyo iji mwakafunga tumu, msakekaia na mawushu gha wasi sa awo waji-kuwi. Angu awo wadakucha mawushu ghawo kwa wasi wipate kuwonwa ni wandu seji wafunga. Namghoria loli, wameria kupata mafungu ghawo.

MATHAYO 6:2

Idana iji kwakafunya makuwio ghangi, kusakekuwonyera kumoni seji awo waji-kuwi wibonyagha sunagoginyi rawo, na chienyi; wikikunda kukaswa ni wandu. Namghoria loli, wameria kupata mafungu ghawo.

MATHAYO 6:5

“Idana iji mwakalomba, msakebonya sa awo waji-kuwi; angu awo wadakunda kulomba wikikaia kimusi sunagoginyi, na matanonyi gha chia wipate kuwonwa ni wandu. Namghoria loli, wameria kupata mafungu ghawo.

LUKA 10:29

Ela uo ukikunda kukuneka hachi ukamzera Jesu, “Mmbedu nani?”

LUKA 11:39

Nao Bwana ukamzera, “Inyo Mafarisayo, mwadaoghosha vikombe na sahani cha shighadi, ela nandenyi mwachua kusoka na wuwiwi ghose.

LUKA 18:11

Uja Mfarisayo ukakaia kimusi ukalomba ngolonyi kwake ukighamba, ‘Nakufunyira chawucha ee Mlungu, kwa kukaia ini siko sa wandu wazima, wa lwafuo, wawiwi, walaki, na hata sa uhu mmbwadi wushuru.

LUKA 18:14

Nao Jesu ukaghamba, “Namghoria, mmbwadi wushuru oreserieghe nyumbenyi kwake wanekwa hachi kuchumba Mfarisayo. Angu uhu ukujosagha moni, uchaserwa, na uhu ukuseragha moni, uchajoswa.”

LUKA 18:21

Nao ukaghamba, “Ihi yose naiwadie kufuma wanake ghwapo.”

LUKA 18:9

Jesu ukaghora mfwano ughu wori, kwa wandu werekurumirieghe weni kukaia wahachi na kuwimenya wambao.

LUKA 20:20

Kwa huwu wikakaia wikilola ngelo ifwane, wikammbikia washeki wemzighanira, wikubonyagha weni kukaia waloli kwa Jesu, wipate ilagho jingi kwake jemshitakia kwa wabaa wa serikali.

LUKA 20:47

nawo wawija waka wakiwa, na ichia wialomba malombi mengi gha mikalo. Awo wichapata kutanywa kubaa.”

JOHANE 2:25

Hata nderekundieghe mndungi umghorie maza ra wandu anduangi, angu oremanyireghe rose riko andenyi ya mdamu.

JOHANE 21:17

Jesu ukamkotia sena indo ja kadadu, “Wele Simoni mwana wa Johane, kwanikunde?” Petro ukangilwa ni wasi angu oremkotereghe indo ja kadadu, kwanikunde? Ukamzera, “Bwana oho kwavimanya vilambo vose, kwaichi angu nakukunde.” Jesu ukamzera, “Kuzighaneghee ng'ondi rapo.

MABONYO GHA WADUMI 1:18

Mundu uhu, oreghueghe mbuwa kwa pesa oreripatireghe kwa wuwiwi ghwake, ukaghwa kijimijimi na kubarika aghadi hata mawula ghake ghose ghikadika putu.

MABONYO GHA WADUMI 1:24

Nao wikalomba wikighamba, “Bwana, oho kumanyagha ngolo ra wandu wose, diwonyere ni uao aghadi ya awa wandu wawi kumsaghue

MABONYO GHA WADUMI 15:8

Na Mlungu uo umanyagha ngolo ra wandu, ukawishuhudia kwa kuwineka Roho Mweli karakara na isi.

WAROMA 3:20

Angu ndekuwadie mndungi uchaatalwa kukaia na hachi imbiri ya Mlungu kwa mabonyo gha Sharia anduangi kwa kukaia kumanya kaung'a koocha kwa chia ya Sharia.

WAROMA 8:27

Na Mlungu uo uzighanagha ngolo ra wandu wamanya seji Roho ukundagha, angu uo Roho wadawilombia waeli karakara na seji Mlungu ukundagha.

1 WAKORINTHO 4:5

Kwa huwo msaketanya imbiri ya ngelo, Bwana usechee; uo uchaariwika mwengerenyi maza rivisiro kirenyi idana, nao uchaifunukua mipango ya ngolo ra wandu. Niko kula mundu uchapata kukaswa kwake kufuma kwa Mlungu.

1 PETRO 3:4

ela kukaie kwa mundu uvisikie wa ngolonyi, uko na lulu isenonekagha ya roho ya wumboa, ihorie; nayo yawadie zoghori mbaa imbiri ya Mlungu.

1 PETRO 5:5

Wokoni na inyo muko watini mkuwike aisi ya waghosi. Inyo mmbose mkaie na wumboa kula mundu na mmbao; angu, “Mlungu wawitangala wang'eti, ela wawineka mvono awo wiko na wumboa.”

WUFUNUO 2:23

sena nichawibwagha wanughi wake. Na makanisa ghose ghichamanya angu ni ini nirizighanagha ngolo na maghesho gha wandu; nani nichamlipa kula umu onyu karakara na kazi rake.

1 SAMUELI 16:7

Ela BWANA ukamzera Samueli, “Kusezighane fwana yake angu wulacha ghwake; kwa kukaia uo nameria kumlegha. BWANA ndezighanagha seji mdamu uzighanagha, kwa kukaia mdamu wadazighana cha shighadi ela BWANA wadazighana cha ngolonyi.”