LUKA 13:34 - Biblia Ilagho Jiboie Kwa Wandu Wose

³⁴ “Ee Jerusalemu, Jerusalemu, kubwaghagha walodi na kuwilasa na magho awa widumwagha kwako, ni kalinga neretimieghe kuwikwanya wana wako sa iji nguku ikwanyagha vana vake aisi ya mawawa ghake kukalegha!

LUKA 13:34 Խաչաձեւ Հղումներ

NEHEMIA 9:26

“Ela hata huwo saki, wandu wako wikalegha kukusikira; wikaighalukia sharia yako nambai. Wikawibwagha walodi awo werewiwonyereghe, wikiwighoria wikughalukie oho. Wikakumenya oho ngelo kwa ngelo.

NEHEMIA 9:30

Korerumaghianyegha nawo mwaka kwa mwaka, kukawifuria walodi wako wiwiwonyere, ela wandu wako wikariwa madu, na oho kukawisigha wisimo ni wamaiza wawo.

ZABURI 149:2

Israeli ndeboilo ni Muumbi wake; wandu wa Sioni ndewimzumie Mzuri wawo.

ZABURI 17:8

Kunilindie karakara na mundu wa iriso, kunivise andenyi ya kiju cha mawawa ghako,

ZABURI 36:7

Lukundo lwako lukatie lwawadie zoghori mbaa saki ee Mlungu! Wadamu wadapata kiju chekimbiria aisi ya mawawa ghako.

ZABURI 57:1

Kuniwonie wughoma ee Mlungu, kuniwonie wughoma, angu nakukimbiria oho. Nichakuvisa aisi ya kiju cha mawawa ghako, hata icho kiremba chenona chaida.

ZABURI 81:13

Yakaiagha nicha saki ngera wandu wapo wadanisikira, na Israeli ubonye seji nikunde!

ZABURI 91:4

Uchakufinikira na mawawa ghake, nao uchakulindia kukaie banana. Wuloli ghwake ghuchakutesia na kukulindia.

ISAYA 30:15

Angu Bwana MLUNGU, uo Mweli wa Israeli waghambie huwu, “Mkanighalukia na kukusaghika na ini, mchakia; nenyo mchakia na kukaia banana.” Ela mwaleghie,

ISAYA 50:2

Kwaki mndungi userekoghe iji nerechieghe? Na kwaki mndungi useredikieghe iji nerewangieghe? Welee, ndighi rapo reepungua nisedimagha kukombua? Angu welee, siwadie ndighi rekira? Olenyi ngaikemia bahari yadaoma; nani nadaomera meda hata andu kwaro kuwuye ikara. Samaki raro rasowa machi naro rafwa kwa kau na kuwoa.

JEREMIA 2:30

Nawinekie wana wako adhabu, ela ndewicheetala kukuboisa weni. Mwawibwaghie walodi wenyu mmbeni, karakara na shimba ifondiagha.

JEREMIA 26:23

wikamfunya Uria aja Misri, wikamreda kwa Mzuri Jehoiakimu; nao ukam'bwagha kwa lufu na kughukumba mumbi ghwake andu korikia kwa wandu wa kawaida.)

JEREMIA 35:14

Malaghiro Jonadabu mwana wa Rekabu ulaghirie wana wake wisenyo divei, waghiwadie; nawo ndewinywagha divei hata linu, kwa kukaia wamsikire ndee. Ini naghorie nenyo sena na sena, ela ndemunisikire anduangi.

JEREMIA 35:17

Kwa huwo ini BWANA, Mlungu wa majeshi, Mlungu wa Israeli naghamba huwu, Olenyi nichawiredia wandu wa Juda, na wose wikaiagha Jerusalemu mawiwi ghose nighighorie aighu yawo; kwa kukaia naghorie nawo wikalegha kusikira, ngawiwanga nawo wikalegha kudika.”

JEREMIA 6:16

BWANA waghora huwu, “Kaienyi kimusi chienyi ra matano mzighane, mkotie iro chia ra kala, andu iyo chia ndicha iko; mpate kughenda nayo, na kuhora rohonyi konyu. Ela wikaghamba, ‘Isi ndedichaaghenda nayo anduangi.’

KILILO CHA JEREMIA 1:16

“Kwa wundu ugho naawuyalila; ndekuwadie mndungi onihoresha hata onikumba ngolo. M'maiza wanisima; wandu wapo ndewiwadie kindo chingi chasigharika.

KILILO CHA JEREMIA 4:13

Agha gheebonyeka kwa kukaia walodi wake wabonyere kaung'a, na wakohani wake wikabonya makosa ghiwishekerie wandu wa hachi kubwaghwa.

HOSEA 11:2

Seji koni nerekoghe ngimmbanga, niko orechurieghe kughenda kula nani. Wandu wapo wikam'bwaghia Baali vizongona, na kuifukiria milimu marumba.

HOSEA 11:7

Wandu wapo wachuria kughaluka na kunilegha. Wichalila kwa wundu ghwa ghongolo iko kwawo, ela ndekuwadie mndungi uchaaiinja kufuma kwawo.

JOELI 2:23

“Boilonyi inyo wandu wa Sioni, mumzumie BWANA, Mlungu onyu kwa agho um'bonyere. Wamnekie vua ya kwari na ya sumesu, wanyeshere vua sa iji koni orekoghe ukibonya imbiri.

ZEKARIA 1:4

Msekaie sa weke ndeyo widueghorelwa malagho ni walodi kokala seji nighorie wisebonye wuwiwi na kaung'a, ela ndeweresikireghe.

MATHAYO 22:3

ukawiduma wadumiki wake wiwiwange awo werekaribishiroghe kwa iyo karamu ya arusi, ela wikalegha kucha.

MATHAYO 22:6

Na waja weresigharikieghe, wikawiwada wadumiki wake, wikawibonya kiwiwi wikawibwagha.

LUKA 15:28

Nao ukajokwa ni machu ukalegha kungia mzinyi. Niko ndee ukafuma na kumvoya ungie.

LUKA 19:44

Nawo wichakutotesha putu, andwamweri na wana wako wiko andenyi ya wurigha ghwako; ndewichaasighara igho hata jimweri jiseinjiro andu kwaro, kwa kukaia ndekoremanyireghe ngelo Mlungu orechieghe kukukira anduangi.”

LUKA 23:28

Jesu ukaghaluka na nyuma ukawizera, “Inyo waka wa Jerusalemu, msakenililia ini, ela mkulilie mmbeni na wana wenyu.

MABONYO GHA WADUMI 7:52

Ni mlodi uao weke ndeyo wiseremtiririeghe? Sena wikawibwagha awo werezoeghe kueresha malagho gha kucha kwake Uja Mhachi uo moremfunyireghe na kum'bwagha.

MABONYO GHA WADUMI 7:59

Nawo wikimlasa Stefano na magho, ukalomba ukighamba, “Bwana Jesu, iwuse roho yapo.”

MABONYO GHA WADUMI 8:1

Na Sauli orekoghe ukirumiriana na kubwaghwa kwake. Ituku jija jeni, Ikanisa jerekoghe andenyi ya Jerusalemu, jikazoya kutirirwa nandighi loli-loli; na warumirii wikasaghisika Judea kose na Samaria, wikaasighwa wadumi weni.

WUKUMBUSO 32:29

Walemwa ni kutambua kwaki wisimilo; ndewidimagha kutambua niki chibonyekie.

WUKUMBUSO 5:29

Hee, na ngera wadakaia na iyo nia cheni eniobua na kuiwadia memu yapo kari kose, yadakaia nicha kwawo na kwa wana wawo kwa kala na kala.

WUFUNUO 11:8

Na gharia rawo richakaia a chienyi ya ugho muzi m'baa ghuwangwagha kiroho Sodoma na Misri, andu Bwana wawo oresulubishiroghe.

RUTHU 2:12

BWANA ndekulipe kwa wundu ghwa agho ghose kubonyere; ukulipe malipo ghikatie kufuma kwa BWANA Mlungu wa Israeli, uo kwacha kukusaghika nao.”