LUKA 12:37 - Biblia Ilagho Jiboie Kwa Wandu Wose

³⁷ Warasimilwa awa wadumiki bwana wawo uchaawikua wikicheresha, namghoria loli, uchakufunga uo moni, na kuwisera kidombo mezenyi upate kuwidumikia.

LUKA 12:37 Խաչաձեւ Հղումներ

ISAYA 62:5

Sa iji koni mdawana umlowuagha mwai, huwo koni wana wako wichawusa isanga jako; na sa iji koni bwana arusi uboilwagha ni mwai ulowolwagha, huwo koni Mlungu wako uchaboilwa ni oho.

JEREMIA 32:41

Nichaboilwa kuwibonyera mecha, nani nichawimangisha andenyi ya iji isanga, kwa ngolo yapo yose na kwa roho yapo yose.

ZEFANIA 3:17

BWANA, uo Mlungu wako oko andwamweri na oho; kudima kwake kuchakuredia wusimi. BWANA uchaboilwa ni oho, nao uchakuneka irangi iwishi kwa lukundo lwake. Uchaboilwa na kuzuma aighu yako kwa kubora,

MATHAYO 24:42

Kwa huwu chereshenyi, angu ndemmanyire ni ituku jiao Bwana onyu uchaacha anduangi.

LUKA 12:36

nenyo mkaie sa wandu wimmbeseragha bwana wawo uwuye kufuma arusinyi; hata iji wacha, na kukongoda mnyango, wimrughuye shwa-shwa.

LUKA 12:43

Warasimilwa uja mdumiki iji bwana wake wacha na kumkua ukibonya wokoni.

LUKA 17:8

Wulalo ghwa agho ndadamzera, ‘Niboisire vindo, sena kuro nicha kunidumikie, hata nimerie kuja na kunywa; niko konyuma oho kuje na kunywa.’

LUKA 21:36

Ela chereshenyi ngelo rose mkilomba, mpate kukaia nandighi rekia maza iri rose richagha, sena mdime kukaia kimusi imbiri ya Mwana wa Mdamu.”

LUKA 22:27

Angu aho m'baa ni uao? Ni uja uko kidombo kujenyi angu ni uja wawuyadumika? Si uja uko kidombo vindonyi anguwada? Ela ini neko aghadi konyu sa uja udumikagha.

JOHANE 12:26

Uo ose ukundagha kunidumikia, ni suti uninughe ini, na andu nichaakaia ini, nikokoni na mdumiki wapo uchaakaia wori; mndungi ukanidumikia, uo moni uchabonyerwa ishima ni Aba.”

1 WAKORINTHO 2:9

Ela sa iji koni iandikilo, “Maza mndungi usereriwonieghe na kurisikira hata kurighesha jingi, niro reni Mlungu uwiboisire awo wimkundagha.”

WAFILIPI 1:21

Angu kwapo ini kukaia moyo ni Kristo, na kufwa ni fwaida.

WAFILIPI 1:23

Naawuyasumbulwa ni maghesho awi-awi; nakunde niende kukanya na Kristo, angu ijo jachumbie ghose;

2 PETRO 1:11

na kwa chia ihi, mcharumirilwa putu kungia andenyi ya Wuzuri ghwa Bwana na Mkiri odu Jesu Kristo.

2 PETRO 3:14

Kwa huwo wakundwa, angu mwawuyawesera maza iri, fungenyi ndighi, mkulo ni Mlungu wandu msewadie iboli hata ikosa jingi; mko na sere.

WUFUNUO 14:13

Nani neresikireghe lwaka kufuma mlungunyi lukighamba, “Andika huwu: Warasimilwa wafu wifwagha wiko andenyi ya Bwana kufuma idana.” Roho nao waghamba, “Ee, warasimilwa nandighi, wipate kuhora nyuma ya kazi rawo; angu mabonyo ghawo ghawinugha.”

WUFUNUO 16:15

(“Ola niacha sa kitoi! Warasimilwa uo uchereshagha na kurilindia nguwo rake, usecheghenda duu na kuwoneka wuduu ghwake.”)

WUFUNUO 3:21

Uo usimagha, nichamrumiria kusea kidombo andwamweri nani kwa kifumbi chapo cha nguma seji koni ini neresimieghe na kusea kidombo andwamweri na Aba kwa kifumbi chake cha nguma.

WUFUNUO 7:17

Angu uo Mwana wa Ng'ondi uko aghadi ya icho kifumbi cha nguma, uchakaia mlisha wawo, nao uchawighenja kwa ndoria ra machi gha irangi na Mlungu uchawiaghia mbori rose mesonyi kwawo.”