LUKA 12:1 - Biblia Ilagho Jiboie Kwa Wandu Wose

¹ Ngelo iyo, iji maelfu mengi gha wandu gherekwanyikieghe, hata wikakaia wikiwadiana weni na weni, Jesu ukazoya kuwighoria wanughi wake imbiri ukighamba, “Mkulindie na chachu ya Mafarisayo nayo ni kuja kuwi.

LUKA 12:1 Խաչաձեւ Հղումներ

2 WAZURI 7:17

Mzuri okolee wammbika uja m'baa ozighana maza ra mzuri ukaie mlindiri wa mbenge. Niko wandu wikammbadia aho mbengenyi hata ukafwa; kunughana na ilagho jereghoreloghe ni mlodi Elisha, ingelo mzuri oreserieghe cha kwake.

AYUBU 20:5

Kukaia mundu mmbiwi wadaboilwa kwa ngelo vui; kuboilwa kwa mundu usene kuobua kwa Mlungu ni kwa ngelo vui.

AYUBU 27:8

Mundu usemwichi Mlungu usuwiria kii ukainjwa ni Mlungu? Mlungu ukainja irangi jake-lee usuwiria kii?

AYUBU 36:13

“Wandu wisemuichi Mlungu, wadakaia na machu, hata ukeduawineka ikabo, ndewilombagha wutesia.

ISAYA 33:14

Wakaung'a wikaiagha Sioni wiasughusika kwa wowa, awo wandu wisemuobuagha Mlungu wakaia na wowa wikighamba, “Nani udimagha kukaia kimusi kwa kutanya kwa Mlungu kuko sa modo ghubirie? Nani aghadi kodu udimagha kukaianya na modo ghwa kala na kala?”

LUKA 11:44

Ni bugha konyu angu mwafwanana na makaburi ghisewonekagha na wandu wadaghiwadia wisemanyagha.”

LUKA 12:56

Inyo waji-kuwi, mwaichi kutambua vimu kwa kuzighana ndoenyi na mlungunyi, kwaki sena mlemwagha ni kutambua maza ra ngelo iri?”

LUKA 5:1

Nao iji orekoghe kimusi mbai mbai ya ndiwa ya Genesareti, wandu wengi wikacha na kumtindiria wikikunda kujisikira ilagho ja Mlungu.

LUKA 5:15

Ela wuvoro ghwa Jesu ghukachurikia kuera isanga jose; na izungu ibaa ja wandu jikamkwanyikia kumsikiria na kuboiswa makongo ghawo.

LUKA 6:17

Nao iji Jesu wasea kufuma mghondinyi andwamweri nawo, ukakaia kimusi andu kwa wurindi chiaimweri na wanughi wake wengi; na izungu ja wandu wifumie Judea yose, Jerusalemu, na pwani ya Tiro na Sidoni, werechieghe kumsikira na kuboiswa makongo ghawo;

MABONYO GHA WADUMI 21:20

Nawo iji wasikira wikamkasa Mlungu. Niko wikamzera, “Kwawona mwanidu seji maelfu gha Wayahudi wirumirie; na wose waawuyafunga ndighi kuiwadia Sharia;

1 WAKORINTHO 15:3

Angu neremredieghe ilagho ijeni ibaa ijo nerejiwusireghe; kukaia, Kristo orefueghe kwa wundu ghwa kaung'a redu karakara na Maandiko,

WAEBRANIA 12:22

Ela inyo mwaghuvikia Mghondi ghwa Sioni, na muzi ghwa Mlungu uko moyo, Jerusalemu ghwa mlungunyi, na weke malaika wisetalikagha wakwanyika kwa kuboilwa;

JAKOBO 3:17

Ela hikima ifumagha mlungunyi, imbiri yaelie, sena ni ya sere, na ya wumboa; iseng'etere, ichue wughoma, na matunda mecha, ndeiwadie ngera, hata kusowa wuloli.

1 PETRO 2:1

Kwa wundu ugho, injenyi na mbai wuwiwi ghose, wukalo ghose, kusowa wuloli, iriso, na kuzighiria kose.