LUKA 1:32 - Biblia Ilagho Jiboie Kwa Wandu Wose

³² Uchakaia m'baa, nao uchawangwa Mwana wa Uo-Uko-Aighu-Nandighi; na Bwana Mlungu uchamneka kifumbi cha nguma cha ndee Daudi.

LUKA 1:32 Խաչաձեւ Հղումներ

2 SAMUELI 7:16

Nyumba yako na wuzuri ghwako ghuchamangishwa putu imbiri kwapo ini kwa kala; na kifumbi chako cha nguma nichachimangisha kwa kala na kala.’”

ZABURI 132:11

BWANA, korem'bonyereghe Daudi ilaghiro ja loli, kusedimagha kujiinja: “Nichammbika umu wa kivalwa chako aighu ya kifumbi chako cha nguma.

ZABURI 132:12

Wana wako wikajiwadia ilaghano japo na memu yapo nichaawifundisha, wana wawo wori wichakaia aighu ya kifumbi chako cha nguma wulalo ghwako kwa kala na kala.”

ISAYA 16:5

Niko icho kifumbi cha nguma chichamangishwa kwa lukundo lukatie, na umu wa kivalwa cha Daudi uko mloli uchachiseria, uo utanyagha ukilola hachi, nao ndemukagha kubonya hachi.)

JEREMIA 17:25

niko wazuri weseria kifumbi cha nguma cha Daudi wichangia wikiidiria ihi mbenge ya ughu muzi, wikijoka magare na farasi, awo chiaimweri na wabaa wawo, na wandu wa Juda na awo wikaiagha Jerusalemu; na muzi ughu ghuchakailwa ni wandu kwa kala na kala.

JEREMIA 22:2

“Sikira ilagho ja BWANA ee Mzuri wa Juda, kuseagha kidombo aighu ya kifumbi cha nguma cha Daudi; oho, na wadumiki wako, na wandu wako wingiriagha iri mbenge;

DANIELI 2:44

Matuku gha awo wazuri, Mlungu wa mlungunyi uchawika wuzuri ghusechaanonwa jingi, hata nguma raro nderichaasighilwa mndungi. Wuzuri ugho ghuchachikanya-chikanya agha mawuzuri ghose, na kughimeria; nagho ghuchadua kwa kala na kala.

MATHAYO 1:1

Jesu Kristo orekoghe wa kivalwa cha Daudi, kivalwa cha Abrahamu. Huwu niko kivalwa chake cherekoghe:

MATHAYO 12:42

“Malkia wa kusinyi uchawuka andwamweri na kivalwa ichi kutanyonyi, nao uchachitanya kukaia chakosere. Angu uo orechieghe kufuma kula, kusikira malagho gha hikima ya Solomoni. Na aha jeko ilagho ibaa kuchumba Solomoni.

MATHAYO 28:18

Jesu ukawichea ukawizera, “Namerie kunekwa nguma rose mlungunyi na ndoenyi.

MATHAYO 3:11

Ini nam'baputiza kwa machi kuwonyera angu mwahea. Ela uo uchagha nyuma yapo oko nandighi kunichumba ini; hata ini sifwane kumdukia vadu vake. Uo ucham'baputiza kwa Roho Mweli na modo.

MARKO 14:61

Ela uo ukanyama kima, hata nderetumbulieghe ilagho jingi anduangi. Mkohani M'baa ukamkotia kawi, “Welee, oho nuo Kristo, Mwana wake uja Mrasimilwa, anguwada?”

MARKO 5:7

ukakema na lwaka lubaa ukighamba, “Nawadieki kwako Jesu Mwana wa Mlungu Uko-Aighu-Nandighi? Nakuvoya kwa irina ja Mlungu, kusakenitirira!”

LUKA 1:15

angu uchakaia m'baa imbiri ya Bwana, ndechaanywa divei hata kilambo chingi chewongera anduangi. Uchachulwa ni Roho Mweli kufuma kifunyi kwa mae,

LUKA 1:35

Malaika ukamzera, “Roho Mweli uchakuchea aighu kwako, nandighi ra Uo-Uko-Aighu-Nandighi richakaia aighu kwako; kwa huwu mwana uchaavalwa uchawangwa Mweli Mwana wa Mlungu.

LUKA 1:76

Na oho, mwanwapo, kuchawangwa mlodi wa Uo-Uko-Aighu-Nandighi, angu kuchamkiria Bwana kum'boisira chia yake;

LUKA 3:16

Johane ukawitumbulia wose ukawizera, “Ini nam'baputiza kwa machi, ela umu oko uchagha uko nandighi kunichumba ini, nisefwane hata kufungua kamba ra vadu vake; uo ucham'baputiza kwa Roho Mweli na modo.

LUKA 6:35

Ela wikundenyi wamaiza wenyu, na kuwibonyera nicha; mkopeshe, ela msesuwirie kuwunjirwa kindo chingi; niko mafungu ghenyu ghichaakaia mabaa, sena mchakaia wana wa Uo-Uko-Aighu-Nandighi; angu uo moni ni mucha hata kwa awo wisewadie chawucha ingi na kwa wachoyo.

JOHANE 12:34

Nao ijo izungu jikamtumbulia, “Isi daghorelwa ni Sharia edu angu Kristo uchadua kwa kala na kala. Yakaia wada oho kughora, ‘Suti Mwana wa Mdamu ujoso aighu?’ Uo Mwana wa Mdamu nani?”

JOHANE 6:69

Isi darumirie, sena dacheemanya angu oho nuo uja Mweli wa Mlungu.”

MABONYO GHA WADUMI 16:17

Ukamnugha Paulo andwamweri nesi ukighora kwa lwaka lubaa, “Wandu awa ni wadumiki wa Mlungu Uko Aighu Na Ndighi, nawo wamchilia malagho gha kukia.”

MABONYO GHA WADUMI 2:30

Uo moni angu orekoghe mlodi, nao ukimanya seji Mlungu orem'bonyereghe ighemi, angu uchamsera kidombo mndumu wa kivalwa chake kifumbinyi chake cha nguma,

MABONYO GHA WADUMI 2:36

“Kwa huwu Waisraeli wose ndewimanye loli, uhu Jesu moremsulubishireghe, Mlungu wam'bonya ukaie Bwana na Kristo wori.”

MABONYO GHA WADUMI 7:48

“Elaima Uo-Uko-Aighu-Nandighi ndekaiagha andenyi ya nyumba ribonyero ni mikonu anduangi sa iji koni mlodi wawuyaghamba,

WAROMA 1:4

na kwa chia ya wueli ghwake ghwa wulungu, orewonyeroghe kukaia Mwana wa Mlungu kwa ndighi mbaa, kwa uko kurukishwa kwake kufuma kwa wafu, uo Jesu Kristo Bwana odu.

WUFUNUO 3:7

“Na uo malaika wa ikanisa ja Filadelfia kumuandikie huwu: ‘Agha ni malagho gha uo Mweli, uo mloli, uo uko na ugho mfunguo ghwa Daudi; uo ukarughua, mndungi ndedimagha kurugha; ukarugha, mndungi ndedimagha kurughua anduangi.