KUFUMA 9:23 - Biblia Ilagho Jiboie Kwa Wandu Wose

²³ Niko Musa ukaghorua zobo yake nokoighu, na BWANA ukareda lukuwa na vua ya magho, na luhehia lukaikaba ndoe. BWANA ukanyesha vua mbaa ya magho aighu ya isanga ja Misri;

KUFUMA 9:23 Խաչաձեւ Հղումներ

KUZOYA 19:24

Nao BWANA ukanyesha aighu ya Sodoma na Gomora kibiriti na modo ghubirie kufuma mlungunyi,

AYUBU 37:13

Mlungu wadanyesha vua kuinyoshera ndoe; wadima kuinyesha kwa kukaba wandu, angu kwa kuwonyera lukundo lwake.

ZABURI 147:17

Wadanyesha vua ya magho sa kokoto; nani udimagha kurumaghia mbeo yake?

ZABURI 148:8

Luhehia na vua ya magho, theluji na ikungughu, na mbeo ya kiremba ikatishagha malaghiro ghake.

ZABURI 18:13

Niko BWANA ukadeda sa lukuwa mawingunyi, Uo-Uko-Aighu-Nandighi ukafunya lwaka; kukanya vua ya magho, na luhehia.

ZABURI 29:3

Lwaka lwa BWANA lwasikirika machinyi, Mlungu wa wubaa wakaba lukuwa, aighu ya machi mengi.

ZABURI 77:18

Lukuwa lorekabieghe andenyi ya kikulughulu, chuhehia rako rikang'ala-ng'ala wurumwengunyi; ndoenyi kukanyavurika na kusughusika.

KUFUMA 19:16

Nao ituku ja kadadu luma lwa nakesho, korekoghe chukuwa na chuhehia, na iwingu jikambie kira jikacha mghondinyi; lwaka lubaa lwa tarumbeta lukasikirika, na wandu wose werekoghe kambinyi wikasughusika kwa wowa.

KUFUMA 20:18

Nao iji wandu weresikireghe chukuwa na kuwona chuhehia, na kusikira lwaka lwa tarumbeta, na kuwona ugho mosi ghorefukiagha mghondinyi, wikaobua na kusughusika, wikakaia kula;

KUFUMA 9:18

Ola kesho, ngelo sa ii cheni ii, nichanyesha vua mbaa ya magho, jingi isewonekie isanga ja Misri.

KUFUMA 9:24

korekoghe na luhehia lorekoghe lukikaba tulituli andenyi ya vua mbaa ya magho, isewonekie jingi andenyi ya isanga jose ja Misri.

ISAYA 30:30

BWANA uchabonya lwaka lwake lwa nguma lusikirike, na ndighi ya ikabo ja machu ghake iwoneke; kuchakaia na lumu lwa modo lukumbagha andenyi ya iwingu ibaa chiaimweri na kiremba na vua ya magho.

EZEKIELI 38:22

Nichamtanya kwa saka izamie, na kubwagha; nani nichamnyeshera vua ya magho chiaimweri na masikari ghake, na wandu wengi wikwanye; vua ya magho mbaa, na modo na kibiriti.

JOSHUA 10:11

Na iji werekoghe wikiwikimbia Waisraeli, wikisea mshoromoto ghwa Beth-horoni, BWANA ukawinyeshera vua ya magho mabaa chienyi kufuma mlungunyi hata kuvikia Azeka; nawo wikafwa. Awo werebwaghiloghe ni vua ya magho, werekoghe wengi kuchumba awo werebwaghiloghe kwa lufu ni Waisraeli.

WUFUNUO 16:18

Kukakaia kukaba chuhehia, na chwaka, na mirurumo ya chukuwa, na msughusiko m'baa ghwa ndoe na jingi ghuserekoghe huwo kufuma wandu wizoe kukaia ndoenyi; msughusiko ugho ghorekoghe m'baa na ndighi.

WUFUNUO 16:21

Na vua mbaa ya magho ikanya aighu ya wandu; kula igho jiko na wulemeri sa ghwa kilo mirongo misanu kufuma mlungunyi; hata wikamuewia Mlungu kwa wundu ghwa ijo ikabo ja vua ya magho. Ikabo ijo, jerekoghe jeobosha na ndighi.

WUFUNUO 8:7

Uo malaika wa imbiri ukaikaba tarumbeta yake, kukakaia na vua ya magho na modo, viranganyiro na bagha, na ifungu ja kadadu ja ndoenyi jikakorwa, ifungu ja kadadu ja midi jikakorwa, na nyasi mbishi rose rikakorwa.