KUFUMA 9:16 - Biblia Ilagho Jiboie Kwa Wandu Wose

¹⁶ ela neekusigha moyo tu nipate kuwonyera ndighi rapo, eri irina japo jipate kughorwa ndoenyi kose.

KUFUMA 9:16 Խաչաձեւ Հղումներ

2 SAMUELI 7:23

Ni mbari iyao ndoenyi iko sa wandu wako Israeli, awo koreghendieghe kuwikombua wikaie wandu wako, eri kukupatire kumoni irina, na kuwibonyera maza ra mashiniko; kwa kuwinga imbiri kwawo mbari chiaimweri na milungu yawo?

2 WAZURI 19:35

Kio chija, malaika wa BWANA ukaida na kubwagha Waashuru elfu ighana na mirongo wunyanya na isanu werekoghe kambinyi. Hata iji wandu wawuka nakesho kio, wikawona wandu wose wafue.

1 MALAGHO GHA NGELO 16:24

Ereshenyi wubaa ghwake aghadi ya mbari zima, na kazi rake ra mashiniko aghadi ya wandu wose.

NEHEMIA 9:10

Korewonyereghe weke mwakilimbiti na mashiniko kwa mzuri na wadumiki wake wose, na wandu wose wa isanga jake, angu koremanyireghe seji wiwikorongie wandu wako. Kukakubonyera kumoni irina, sa iji koni jiko idime.

ZABURI 106:8

Ela orewikirieghe sa iji koni orelaghirieghe; upate kuwonyera ndighi rake mbaa.

ZABURI 64:9

Wandu wose wichaobua; wichaja malagho gha kazi ra Mlungu, na kuririkanya agho ubonyere kwa wundenyi.

ZABURI 76:10

Loli wandu wibirie nandighi wichakukasa, na awo wifufunukagha machu ghako wichakukwanyikia.

KUFUMA 14:17

Nicharikurisha ngolo ra Wamisri, wipate kuwinugha, nani nichapata kukaswa aghadi ya Farao na majeshi ghake ghose; magare ghake na wajoki farasi wake.

KUFUMA 14:4

Nani nichaikurisha ngolo ya Farao, nao uchamnugha. Na wusimi ghwapo aighu ya Farao na majeshi ghake ghuchaniredia wubaa; niko Wamisri wichamanya kukaia Ini ne BWANA.” Nao Waisraeli wikabonya sa iji koni wereghoreloghe.

KUFUMA 18:11

Idana namanya angu BWANA ni m'baa kuchumba milungu yose, angu orekirieghe wandu kufuma mikonunyi kwa Wamisri, iji werekoghe wikiwikoronga.”

KUFUMA 9:15

Wei nedeghorua mkonu ghwapo kukukaba oho na wandu wako kwa saka ya ngawawi, kumangu ndekuko ndoenyi;

KUFUMA 9:17

Kwaduagha kukikujosa aighu ya wandu wapo, hata ndekukunde kuwisigha wighende.

MAKATANISHO 16:4

BWANA oobonya maza rose kukatisha makusudi ghake, hata wawiwi weewikwa kwa ituku ja wasi.

JEREMIA 32:20

oho korewonyereghe alama na mashiniko andenyi ya isanga ja Misri, na hata idime kwawuyawonyera kwa wadamu wose; kukamanyika seji iko idime.

EZEKIELI 39:21

BWANA waghamba, “Nichawonyera wubaa ghwapo aghadi ya iro mbari ra wandu, naro rose richawona kutanya kwapo seji nabonya, na seji nawikaba.

MALAKI 1:11

Wandu kufuma wurumwengu ghwa ii chia, hata kutua kwa wurumwengu ija chia wanineka ishima. Waawuyafunya na kukora vizongona virumirikiagha kwapo, kwa kukaia wawuyanitala.

MALAKI 1:14

Wawasirwa njowe uo mundu unifunyira kizongona chizamie ingelo uko na nyamandu iboie oreilaghirieghe kwa kukaia ini ne Mzuri m'baa, na wandu wa mbari rose wadaniobua ini.”

MITALO 14:21

ela loli sa iji ini niko moyo, na sa iji ndoenyi kuchaachulwa ni wubaa ghwapo,

WAROMA 9:17

Angu Maandiko ghaghora huwu kwa Farao, “Nakuwikie kukaie m'baa, kwa wundu ghwa kuriwonyera ndighi rapo kwako; eri irina japo jieresho ndoenyi kose.”

WAROMA 9:22

Ni huwo koni ikaie kwa Mlungu. Odekunda kuwonyera machu ghake, na kubonya ndighi rake rimanyike. Ela orekoghe na irumaghio ibaa, ukirumaghianya na waja werewikiloghe kwa wundu ghwa machu ghake; awo weretanyiroghe wipate kutoteshwa.

JOSHUA 4:24

eri wandu wose wa ndoenyi wipate kumanya kukaia ndighi ra BWANA reko aeni; nenyo mpate kumuobua BWANA Mlungu onyu kwa kala na kala.”

1 PETRO 2:19

Angu mundu wadakaswa, ikakaia warumaghia iji watirirwa kuseko na hachi kwa wundu ghwa Mlungu.

1 PETRO 2:8

Na sena, “Ni igho jichaawikuwara wandu, na lwala luchaawighusha.” Wakuwa, angu wisejisikiragha ijo ilagho; sa iji koni werewikiloghe wikaie.

JUDA 1:4

Angu weko wandu wamu wikungirie kwa kiviso, nawo ni wandu werewikiloghe kokala kwa wundu ghwa kutanywa uku; wandu wisene kuobua kwa Mlungu, awo wighughaluagha ugho mvono ghwa Mlungu odu kukaia wuwiwi, na kumkana uo uko Mzuri ueka, na Bwana odu Jesu Kristo.

1 SAMUELI 4:8

Dapatwa ni mashaka! Nani uchaadikira na ihi milungu iko na ndighi huwu? Ihi milungu niyo cheni erewikabieghe Wamisri kwa kula kichuku cha saka aja kireti.