KUFUMA 8:14 - Biblia Ilagho Jiboie Kwa Wandu Wose

¹⁴ Wamisri wikavikwanya ivo vichula vitungu-vitungu, na isanga jose jikanuka shuu.

KUFUMA 8:14 Խաչաձեւ Հղումներ

1 WAZURI 18:26

Nao wikawada ija njau werenekeloghe, wikaiboisa; wikamlomba Baali hata dime ghadi wikighamba, “Ee Baali, kuditumbulie.” Ela ndekorekoghe na lwaka, hata mndungi nderetumbulieghe anduangi. Wikaramarama mbai mbai ya iyo madhabahu wereibonyereghe.

1 WAZURI 18:29

Wikakema na kudeda hata ngelo efunya kizongona cha nakenyi, ela ndekorekoghe na lwaka hata mndungi nderetumbulieghe anduangi.

KUFUMA 7:21

Samaki rerekoghe andenyi ya moda ghwa Naili rikafwa, moda ghukanuka hata Wamisri wikalemwa ni kunywa machi gha moda ghwa Naili; korekoghe na bagha andu kose isanga ja Misri.

KUFUMA 8:13

BWANA ukabonya sa iji koni Musa oremlombieghe; vichula vose verekoghe nyumbenyi, shighadinyi na mbuwenyi, vikafwa.

KUFUMA 8:15

Ela iji Farao orewonieghe angu maza rakaia baa, ukaikurisha ngolo yake sa iji koni BWANA oreghorieghe; hata nderewisikireghe Musa na Haruni anduangi.

KUFUMA 8:24

BWANA ukabonya wokoni; ukareda izungu ja izi nyingi nyumbenyi kwa Farao, na nyumbenyi kwa wadumiki wake, na andenyi ya isanga jose ja Misri, na ijo isanga jikanonwa ni izi.

KUFUMA 9:11

Awo waghanga ndeweredimieghe kukaia kimusi imbiri ya Musa kwa wundu ghwa iro mbama, angu iro mbama rerewibukieghe chiaimweri na Wamisri wose.

ISAYA 19:11

Vilongozi va muzi ghwa Soani wakaia wakelu nandighi, na wanjama wa mzuri wafunya mawoni gha wukelu. Kudima wada kumzera mzuri, “Ini ne mwana wa mundu uwadie hikima, mwana wa wazuri wa kala?”

ISAYA 34:2

BWANA wabonya machu aighu ya mbari rose ra wandu na aighu ya majeshi ghawo ghose; nao wawitanyire wipate kubwaghwa.

EZEKIELI 39:11

“Ituku ijo, nichamneka Gogu andu komrikia andenyi ya Israeli, aja Vololo ya Wacharo, noko cha mashariki ya baharinyi. Andu aho kuchabwagha chia ya wacharo, kwa kukaia Gogu na izungu ja wandu wake wicharikwa aho; nako kuchawangwa Vololo ya Ijeshi ja Gogu.

JOELI 2:20

Nichajiinja ijeshi ja zighe rifumie kaskazinyi, nani nichawinga rimu cha kireti. Ifungu ja imbiri jichangia Bahari ya Chumbi, na ifungu ja nyuma jichangia Bahari ya Mediterania. Gharia raro richanuka. Nichawitotesha kwa wundu ghwa agho ghose wim'bonyere.