KUFUMA 6:8 - Biblia Ilagho Jiboie Kwa Wandu Wose

⁸ Nani nichamreda kwa ijo isanga nereghemieghe kumneka Abrahamu, Isaaka na Jakobo jikaie ifwa jenyu. Ini ne BWANA.’”

KUFUMA 6:8 Խաչաձեւ Հղումներ

KUZOYA 14:22

Ela Abramu ukamzera mzuri wa Sodoma, “Naghema kwa BWANA MLUNGU Uo-Uko-Aighu-Nandighi, muumbi mlungunyi na ndoenyi,

KUZOYA 15:18

Ituku ijo BWANA ukabonya ilaghano na Abramu ukighamba, “Kivalwa chako nachineka isanga iji, kufuma Moda ghwa Misri hata moda ghuja m'baa ghwa Eufrate,

KUZOYA 26:3

Kaia aeni aha sa mghenyi nani nichakaia andwamweri na oho na kukurasimia; kwa kukaia masanga agha ghose nichakuneka oho na kivalwa chako, nani nichakatisha ighemi japo nijibonyere na ndeyo Abrahamu.

KUZOYA 28:13

Na BWANA ukakaia kimusi naighu yaro ukaghamba, “Ini ne BWANA, Mlungu wa ndeyo Abrahamu, na Mlungu wa Isaaka. Nichakuneka oho na kivalwa chako isanga iji kwawuyalala idana;

KUZOYA 35:12

Isanga neremnekieghe Abrahamu na Isaaka, nichakuneka oho na kivalwa chako wori.”

NEHEMIA 9:15

“Korewinekieghe vindo kufuma mlungunyi iji werekoghe njala; kukawifunyira machi ighonyi iji werekoghe kau. Kukawizera wijiwuse isanga korewilaghirieghe kuchawineka.

KUFUMA 13:5

BWANA ukameria kumreda isanga ja Wakanaani, Wahiti, Waamori, Wahivi, na Wajebusi, ijo orewighemieghe weke ndeyo kukaia uchawineka, isanga jinorie nandighi; mchakaia mkibonya wudumiki ughu andenyi ya ughu mori.

KUFUMA 32:13

Kumbuka wadumiki wako Abrahamu, Isaaka, na Jakobo; awo korewighemieghe kumoni kukighamba, ‘Nichachichuria kivalwa chako sa nyerinyeri ra mlungunyi, na iji isanga jose nerekulaghirieghe, nichajineka kivalwa chako, nawo wichakaia aho kwa kala.’”

KUFUMA 6:2

Nao Mlungu ukamzera Musa, “Ini ne BWANA.

KUFUMA 6:4

Wokoni nerebonyereghe ilaghano japo nawo, ja kuwineka isanga ja Kanaani, isanga werejikaieghe kiwughenyi.

KUFUMA 6:6

Kwa huwu kuwizere wandu wa Israeli, ‘Ini ne BWANA, nani nichamfunya mfume kwa iyo mizigo ya Wamisri, mfume wuzumbenyi ghwawo. Nichamkombua kwa mkonu ghughorokie ghwa ndighi, nani nichawitanya;

EZEKIELI 20:15

Aighu ya agho, nerewighemieghe ahoeni kireti kukaia, sichaawingira jija isanga nerewinekieghe, isanga jinorie nandighi, jiboie kuchumba masanga ghose,

EZEKIELI 20:23

Aighu ya agho, nerewighemieghe ahoeni kireti kukaia, nichawisaghisa aghadi ya iro mbari ra wandu na kuwisasara masangenyi;

EZEKIELI 20:28

Angu iji nerewiredieghe isanga nerewilaghirieghe kuwineka, werezoeghe kufunya vizongona vawo aighu ya kula mghondi wereghuwonieghe, na aisi ya kula mudi m'baa ghukambie, wikawusira machu ghapo wikifukira marumba aho, na kufunya vizongona venywa.

EZEKIELI 20:42

Nenyo mchamanya kukaia ini ne BWANA, ingelo nichaamreda andenyi ya isanga ja Israeli; ijo isanga nerewighemieghe weke ndeyo kukaia nichawineka.

EZEKIELI 36:7

Kwa wundu ugho ini Bwana MLUNGU; naghema kukaia iro mbari ra wandu risigharikie richapatwa ni wasi ghosholelwa wokoni.

EZEKIELI 47:14

Nerewighemieghe weke ndeyo kukaia nichawineka isanga iji jikaie ifwa jawo; kwa huwo kujiwaghe kara kara.

MITALO 10:29

Nao Musa ukamzera Hobabu mwana wa Reueli Mmidiani uo mghosi wa Musa, “Diaghenda andu BWANA ughambie uchadineka, nndoko dighendanye, nesi dichakubonyera nicha; BWANA wawilaghirie Waisraeli mecha.”

MITALO 11:12

Kwani ni ini niwirudishire awandu wose? Ni ini nerewivaeghe hata kunizere wei niwidukeghe laghenyi kwapo seji mleli udukagha mwana uongagha, na kuwighenja ijo isanga korelaghirieghe kuchawineka weke ndee?

MITALO 14:30

ndeuko mndungi uchaavika ijo isanga andu nerelaghirieghe mchakaia; ela Kalebu mwana wa Jefune na Joshua mwana wa Nuni weni.

MITALO 23:19

Mlungu si mdamu udimagha kughora tee, angu mwana wa mdamu udimagha kuhea. Wele ughora sena ulemo ni kubonya? Angu udede, sena ulemo ni kukatisha?

WUKUMBUSO 32:40

Loli sa iji koni ini niko Mlungu uko moyo, naghorua mkonu ghwapo na kughema,

WUKUMBUSO 4:31

Angu BWANA Mlungu wako ni Mlungu wa wughoma; ndechaakusigha hata kukutotesha angu kujiliwa ilaghano orejibonyereghe na weke ndeyo, ijo orejibonyereghe kwa ighemi.

JOSHUA 24:13

Neremnekieghe isanga mserejidumikieghe, na mizi msereiaghieghe; nenyo mwadakaia aho. Mwadaaja matunda gha mizabibu na gha mizeituni msereiwaeghe.’”

WUFUNUO 10:6

ukaghema kwa Mlungu ukaiagha moyo kwa kala na kala, uo oreumbieghe mlungunyi na vose viko andenyi yaro, ndoenyi na vose viko andenyi yaro, na bahari na vose viko andenyi yaro; kukaia, ndekuwuyakaia kuchelewa kungi sena.

1 SAMUELI 15:29

Sena Mlungu, uo uko Wubaa ghwa Israeli ndeghoragha tee hata ndeghalukagha sa mdamu anduangi.”