KUFUMA 6:1 - Biblia Ilagho Jiboie Kwa Wandu Wose

¹ Ela BWANA ukamzera Musa, “Idana kuchawona seji nichaam'bonya Farao; angu nichamlazimisha uwifunye wandu wapo, ee nichamlazimisha uwiwinge wifume isangenyi jake.”

KUFUMA 6:1 Խաչաձեւ Հղումներ

2 WAZURI 7:19

uja m'baa ozighana maza ra mzuri odemzera mlodi Elisha, “Hata BWANA moni ukabonya mawingu ghidie viro sa vua inye sa idime jeni, loli idimika ilagho sa ijo jikaie?” Na mlodi ukamtumbulia, “Oho kuchawona na meso ghako, ela ndekuchaaja.”

2 WAZURI 7:2

Uja m'baa ozighana maza ra mzuri ukamzera mlodi Elisha, “Hata BWANA moni ukabonya mawingu ghidie viro sa vua idime jeni, loli idimika ilagho ijo jikaie?” Elisha ukatumbulia, “Ola kuchawona na meso ghako, ela ndekuchaaja.”

2 MALAGHO GHA NGELO 20:17

Inyo ndemchaalwa ughu wuda; wadenyi wulalo ghonyu, nenyo mchawona seji BWANA umnekagha wusimi ee wandu wa Juda na Jerusalemu. Msekambo ni chongo; wifumienyi kesho, na BWANA uchakaia andwamweri nenyo.”

ZABURI 12:5

BWANA waghamba, “Kwa kukaia wakiwa waawuyakorongwa, na awo wisowagha waawuyaruma, nichawuka idana, niwibonyere wulindiri ugho wighukunde.”

ZABURI 12:6

Malaghiro gha BWANA ni gha loli, gheeka sa feza ieleshero kwa modo mando mfungade.

ZABURI 136:12

kwa mkonu ghwake ghuwadie ndighi, lukundo lwake lukatie lwadua kwa kala.

ZABURI 89:13

Oho koko na kudima, mkonu ghwako ghwawadie ndighi, ugho mkonu ghwako ghwa kiwomi ghukumikie.

KUFUMA 11:1

Nao BWANA ukamzera Musa, “Jaasighwa ikabo jimweri tu nichaajireda kwa Farao na wandu wa Misri, niko aho uchaamlekeria mghende; ukakamlekeria mghende, uchammbinga mfume putu.

KUFUMA 12:31

Kio chija cheni, Farao ukawiwanga Musa na Haruni ukawizera, “Wukenyi mghende mfume kwa wandu wapo, inyo na Waisraeli wose. Ghendenyi mumdumikie BWANA seji mghambie.

KUFUMA 12:33

Nao Wamisri wikawishashira awo wandu wifume wighende, angu wereghambieghe, “Difwa diwose.”

KUFUMA 12:39

Wikaocha mikate isewadie chachu kwa ghuja mufu wereghudwaeghe Misri, angu werefunyiroghe kwa shwa-shwa, hata ndewerepatireghe wulalo ghobonya mufu ghwa chachu, angu kukuboisira vindo vingi anduangi.

KUFUMA 13:14

Matuku ghichagha, mwana wako wa womi ukakukotia kutambua kwaro agho mawiko, kuchamzera, ‘Derefunyiroghe wuzumbenyi Misri ni BWANA, kwa ndighi mbaa.

KUFUMA 13:16

Mawiko agha ghichakaia lukumbuso sa kilambo chifungilo kikoto na wushunyi kwako; kwa kukaia BWANA orekufunyireghe Misri kwa ndighi mbaa.”

KUFUMA 13:3

Musa ukawizera wandu, “Mjikumbuke ituku iji, ijo morefumieghe Misri, andu morekoghe wuzumbenyi. Kwa kukaia BWANA oremfunyireghe aho kwa ndighi rake mbaa. Msakeja mikate iko na chachu.

KUFUMA 13:9

Mawiko agha ghichakaia lukumbuso, sa kilambo chifungilo kikoto na wushunyi kwako; kupate kuiwadia Sharia ya BWANA, angu orekufunyireghe Misri kwa ndighi mbaa.

KUFUMA 14:13

Musa ukawizera awo wandu, “Msakeobua, mangenyi mmbone kukia kwa BWANA ucham'bonyera idime; kwa kukaia awa Wamisri muwiwonagha idime, ndemuchaawiwona sena anduangi.

KUFUMA 15:6

Mkonu ghwako ghwa kiwomi ee BWANA, ghoko na wubaa na kudima, mkonu ghwako ghwa kiwomi ee BWANA, ghwamfasha-fasha m'maiza.

KUFUMA 7:4

Farao ndechaamsikira anduangi; niko nichawikaba Wamisri kwa mkonu ghwapo ghwa ndighi; nani nichaghifunya majeshi ghapo, wandu wapo wana wa Israeli, wifume isanga ja Misri, kwa mabonyo mabaa gha kutanya.

KUFUMA 7:5

Niko Wamisri wichamanya angu ini ne BWANA, ngelo nichaaghorua mkonu ghwapo aighu ya Misri, na kuwifunya wandu wa Israeli kufuma kwawo.”

ISAYA 63:12

Uo kwa wubaa ghwake oremmbwadieghe Musa mkonu ghwa kiwomi, ukawagha machi na kumuisa; eri upate kuwika irina jake kwa kala na kala;

MITALO 11:23

BWANA ukamzera Musa, “Welee, ndighi ra BWANA reeka ndini? Idana kuchawona ngera malagho ghapo ndeghiwuyaa loli.”

MITALO 23:23

Angu ndekuwadie wusawi ghungi ghumloghagha Jakobo, hata ndekuwadie wulaghui ghungi ghoreda wuwiwi aighu ya Israeli anduangi. Na wandu wichaghora aighu ya Israeli, ‘Wonenyi seji Mlungu ubonyere.’

MABONYO GHA WADUMI 13:17

Mlungu wa awa wandu wa Israeli, orewisaghueghe weke aba, ukawibonya wikaie mbari mbaa iji werekoghe isanga ja Misri, na kwa ndighi mbaa ukawifunya aho;

WUKUMBUSO 32:39

“‘Ni ini, ini moni niko Mlungu; ndekuwadie mlungu ungi mzima wa loli. Nadabwagha na kukaisha moyo. Nadashoghonua na kuboisa; ndekuwadie mndungi udimagha kutangala agho nibonyagha.

WUKUMBUSO 4:34

Angu ghoko mlungu ghungi jingi ghutimie kughenda na kuwusa wandu kufuma kwa mbari imu wikaie kwa chia ya matimo, na weke mwakilimbiti, na mashiniko, na kwa wuda, na kwa mkonu ghwa wusimi ghuwadie ndighi, na maza reobosha karakara na seji BWANA Mlungu onyu orebonyereghe Misri kwa wundu ghonyu mkiwona?