KUFUMA 5:6 - Biblia Ilagho Jiboie Kwa Wandu Wose

⁶ Ituku jija jeni Farao ukawilaghira wazighaniri wa wandu na wanyapara wawo ukighamba,

KUFUMA 5:6 Խաչաձեւ Հղումներ

2 MALAGHO GHA NGELO 26:11

Aighu ya agho, Uzia orekoghe na ijeshi ja masikari jikate wuda jiwaghilo vipughi kunughana na mtalo ghorebonyeroghe ni muandiki Jeili na Maaseia m'baa wa kazi, wikiwonyerwa ni Hanania umu wa vilongozi va wuda va mzuri.

KUFUMA 1:11

Kwa huwo Wamisri wikawiwikia wanyapara wiwikoronge kwa kazi rikurie; Waisraeli wikamuaghia mzuri mizi ya nganya rewika viro, Pithomu na Ramesesi.

KUFUMA 3:7

Niko BWANA ukaghamba, “Namerie kuwona seji wandu wapo wawuyakorongwa andenyi ya isanga ja Misri; nasikire kililo chawo kwa wundu ghwa wanyapara wawo. Naichi wasi ghwawo,

KUFUMA 5:10

Niko awo wazighaniri wa wandu na wanyapara wa wandu wa Israeli wikafuma na kuwizera Waisraeli, “Farao waghora huwu, ‘Sichaamneka nyasi ra matofali:

KUFUMA 5:19

Wanyapara wa wandu wa Israeli wikawona angu wangia mashakenyi iji werezereloghe, “Kwa ivo vose ndemchaapunguza mtalo ghonyu ghwa matofali gha kula ituku.”

KUFUMA 5:7

“Kufuma idime, msakewineka awa wandu nyasi rebonyea matofali seji morekoghe mkiwibonyera, ela wichaghenda wideme weni.

MAKATANISHO 12:10

Mundu wa hachi wadaitala nyamandu yake, ela mmbiwi ndena wughoma nayo.

MITALO 11:16

Niko BWANA ukamzera Musa, “Nikwanyire waghosi mirongo mfungade wa Israeli, awo kuwiichi kukaia ni waghosi na wabaa wawo, nao kuwirede Hemenyi ekwania, nawo wikaie kimusi aho chiaimweri na oho.

WUKUMBUSO 1:15

Kwa wundu ugho ngawada wabaa wa mbari renyu, wiko na suku, wiichi malagho, ngawiwika wikaie wabaa wenyu; vilongozi va maelfu, vilongozi va maghana, vilongozi va mirongo misanu, vilongozi va makumi na wabaa wa vichuku venyu kula andu.

WUKUMBUSO 16:18

“Mmbike watanyi na wabaa andenyi ya mizi yenyu yose mnekwagha ni BWANA Mlungu onyu, kunughana na vichuku venyu, wipate kutanya wandu kwa hachi.

JOSHUA 24:1

Nao Joshua ukakwanya vichuku vose va Israeli aho Shekemu. Ukawiwanga waghosi na vilongozi, watanyi na wabaa wa Israeli; nawo wikacha imbiri ya Mlungu.

JOSHUA 24:4

na kwa Isaaka ngamneka Jakobo na Esau. Niko ngamneka Esau na isanga ja mighondinyi ja Seiri jikaie ifwa jake, ela Jakobo na wana wake wikasea cha Misri.

JOSHUA 8:33

Waisraeli wose, wa kiwughenyi na awo wa kuvalwa, na waghosi wawo, na wabaa, na watanyi wawo, wikakaia kimusi zaria iwi, kulangaya Sanduku ya Ilaghano ja BWANA eredukiloghe ni awo wakohani. Luzaria lumu mighongo yawo ikalangaya Mghondi ghwa Gerizimu, na luzaria lumu mighongo yawo ikalangaya Mghondi ghwa Ebali, sa iji koni Musa mdumiki wa Mlungu orewilaghirieghe koimbiri, wikaie huwo ngelo ya kuwusa irasimio.