KUFUMA 40:13 - Biblia Ilagho Jiboie Kwa Wandu Wose

¹³ kumrushe Haruni agho marwao gha wueli, nao kumshinge mavuda; kwa chia ihi kuchammbika wakfu, upate kunidumikia sa mkohani.

KUFUMA 40:13 Խաչաձեւ Հղումներ

KUFUMA 28:41

Kumrushe mwanyinyu Haruni na wana wake agho marwao, nao kuwidunge mavuda na kuwiwika wakfu kwa wundu ghwa wudumiki ghwa wukohani.

1 JOHANE 2:27

Ela inyo mwaduagha mmbikilo wakfu kwa kunekwa Roho Mweli, hata ndemne haja efundishwa ni mndungi; angu uo Roho Mweli mnekelo, wawuyamfundisha maza rose; nao ni wa loli, hata ndeghoragha tee anduangi; nenyo kaienyi andenyi kwake Kristo, sa iji koni umfundishire.

1 JOHANE 2:20

Idana inyo mwamerie kuwikwa wakfu kwa kunekwa Roho Mweli ni Kristo, nenyo mwaichi maza rose.

WAEBRANIA 10:29

Mwamanya ni ikabo ibaa saki jichaamfwana mundu ummenyere Mwana wa Mlungu, ukaibonya bagha ya ilaghano kukaia kilambo cha kisha, iyo cheni oreelesheroghe nayo, sena wammenya Roho wa mvono?

WAEBRANIA 10:10

na kwa ulo lukundo lwa Mlungu, damerie kueleshwa kwa chia ya kufunywa kwa mumbi ghwa Jesu Kristo ijo indo jimweri tua.

JOHANE 17:19

na kwa wundu ghwawo, nakuwika ini moni kwako, eri nawo weni wibonyo kukaia wako weni kwa iyo loli.

JOHANE 3:34

Uo udumilo ni Mlungu wadaghora malagho gha Mlungu, angu Mlungu wadamneka roho wake kuseko na kupima.

ISAYA 61:1

Roho wa Bwana MLUNGU oko aighu kwapo, kwa kukaia BWANA orenishingieghe mavuda, nipate kuwiredia wandu wikorongelo malagho mecha; wanidumie niwirighite awa wifue ngolo, na kuwitangazira wuhuru ghwawo awo wandu widwalo wunyika; na awo wiko kifungonyi, malagho gha kufungulwa kwawo.

KUFUMA 40:14

Na wana wake wori kuwirede na kuwirusha majoho;

WALAWI 7:36

BWANA orelaghirieghe winekoghe vindo ivi ni wandu wa Israeli, kufuma ituku jija werewikiloghe wakfu kwa kushingwa mavuda, vikaie mafungu ghawo gha kari kose kufuma kwa wandu wa Israeli vivalwa vichagha.”

WALAWI 8:13

Sena ukawireda wana wa Haruni imbiri, ukawirusha majoho na kuwifunga mikowa na kuwingira kofia sa iji koni BWANA oremnekieghe momu.

KUFUMA 29:7

Kuwade mavuda ghewika wakfu, kumdirie chongonyi kwake, na kumshinga mavuda.

WALAWI 7:35

Ijo ni ifungu ja Haruni na wana wake jifunyiro kufuma kwa mafunyo gha vizongona vekorwa kwa BWANA, jikawikwa kukaia jawo kufuma ituku werewikiloghe wakfu wikaie wakohani wa BWANA.