KUFUMA 4:31 - Biblia Ilagho Jiboie Kwa Wandu Wose

³¹ Wandu wikarumiria; nawo iji wasikira wei BWANA wawichea wandu wa Israeli na angu wamerie kuwona seji wawuyakorongwa, wikaghoghomesha vongo vawo na kutasa.

KUFUMA 4:31 Խաչաձեւ Հղումներ

KUZOYA 17:3

Abramu ukaghwa kiwushu-wushu na Mlungu ukamzera,

KUZOYA 24:26

Uja mdumiki ukaghoghomesha chongo chake, ukamtasa BWANA

KUZOYA 29:32

Lea ukapata kifu, ukava mwana wa womi, ukammbanga irina jake Reubeni; angu oreghambieghe, “Loli BWANA waghuzighana wasi ghwapo, idana mumi wapo uchanikunda.”

KUZOYA 50:24

Nao Josefu ukawizera waruna, “Ini neko kaavui na kufwa, ela Mlungu uchamchea na kumfunya isanga iji, umghenje jija isanga oremghenjereghe Abrahamu, Isaaka na Jakobo.”

1 MALAGHO GHA NGELO 29:20

Niko Daudi ukajizera ikwanyiko jose, “Mkasenyi BWANA Mlungu odu.” Na iwkanyiko jose jikamkasa BWANA Mlungu wa weke ndee, wikaghoghomesha vongo vawo, wikamtasa BWANA na kumneka ishima mzuri.

2 MALAGHO GHA NGELO 20:18

Niko Jehoshafati ukaghoghomesha chongo chake wushu ghwake ghukadunga andonyi, na wandu wose wa Juda na awo wikaiagha Jerusalemu wikaghwa andonyi imbiri ya BWANA, wikamtasa.

2 MALAGHO GHA NGELO 32:8

Uo ooka na ndighi ra kidamu, ela isi deeka na BWANA Mlungu odu, uditesie na kulwa mawuda ghedu.” Wandu wikaghirumiria malagho gha Hezekia, mzuri wa Juda.

2 MALAGHO GHA NGELO 7:3

Wandu wa Israeli wose wiendawona modo ghwasea, na wubaa ghwa BWANA aighu ya Hekalu, wikaghoghoma na mawushu ghawo ghikadunga andonyi sakafunyi; wikatasa na kumfunyira BWANA chawucha wikighamba, “BWANA ni mucha, angu lukundo kwake lukatie lwadua matuku ghose.”

NEHEMIA 8:6

Nao Ezra ukaghamba, “BWANA, uo Mlungu m'baa ndekaso!” Wandu wose wikarumiria “Amen! Amen!” wikiwusira mikonu yawo; wikadunga ngokoro wikatasa wikikughoghomesha, na mawushu ghawo ghikadunga andonyi.

AYUBU 1:20

Ayubu ukawuka, ukarashua nguwo yake kwa wasi, ukaara iridia jake ukaghwa andonyi ukatasa.

KUFUMA 12:27

Mchaghamba, ‘Ni kizongona cha Pasaka ya BWANA, kwa kukaia oreriidieghe nyumba ra wandu wa Israeli aja Misri, iji orebwaghagha Wamisri, ela isi ukadikira.’” Niko awo wandu wikaghoghomesha mawushu ghawo, wikatasa.

KUFUMA 14:31

Waisraeli wikawona kazi mbaa iyo BWANA oreibonyereghe kwa kuwisima Wamisri, nawo wikamuobua BWANA; wikamrumiria BWANA na mdumiki wake Musa.

KUFUMA 19:8

Wandu wose wikamtumbulia wikighamba, “Dichabonya malagho agho ghose BWANA ughorie.” Musa ukamghoria BWANA seji wandu weretumbulieghe.

KUFUMA 19:9

BWANA ukamzera Musa, “Ola nichakuchea andenyi ya iwungu jikambie kira kudedanya na oho; wandu wipate kusikira ngidedanya na oho, nawo wikurumirie matuku ghose.” Niko Musa ukamghoria BWANA malagho gha awo wandu.

KUFUMA 2:25

Mlungu ukawiwona wandu wa Israeli, ukaghumanya wasi ghwawo.

KUFUMA 3:16

Ghenda kuwikwanye waghosi wa Israeli chiaimweri kuwizere, ‘Bwana Mlungu wa weke ndeyo, Mlungu wa Abrahamu, wa Isaaka na wa Jakobo wanifutukie ukighamba, “Namerie kumzighana inyo na kuwona agho mwawuyabonyerwa Misri;

KUFUMA 3:18

“Wandu wapo wichasikira lwaka lwako, na oho chiaimweri na waghosi wa Israeli mchaghenda kwa mzuri wa Misri mumzere, ‘Bwana, uo Mlungu wa Waebrania wakwana nesi, idana dakulomba kudisighe dighende charo cha matuku adadu kireti, dipate kumfunyira uo Mlungu odu kizongona.’

KUFUMA 3:7

Niko BWANA ukaghamba, “Namerie kuwona seji wandu wapo wawuyakorongwa andenyi ya isanga ja Misri; nasikire kililo chawo kwa wundu ghwa wanyapara wawo. Naichi wasi ghwawo,

KUFUMA 33:10

Wandu wose wikameria kuwona ija nguro ya iwingu yamanga mnyangonyi ghwa Hema, werekoghe wikiwuka kimusi na kutasa, kula mundu hemenyi kwake.

KUFUMA 34:8

Musa ukabonya shwa-shwa kughoghoma hata chongo chake chikadunga andonyi, ukatasa.

KUFUMA 4:5

BWANA ukaghamba, “Bonya huwo wipate kurumiria angu Mlungu wa weke ndee, Mlungu wa Abrahamu, wa Isaaka, na wa Jakobo wakufutukie.”

ZEFANIA 2:7

Isanga ja pwani jichawuya ifwa ja masighariko gha wandu wa Juda. Wichakaia wikilisha mfugho rawo aho, nawo wichakaia wikilala nyumba ra Ashkeloni. BWANA Mlungu wawo uchakaia andwamweri nawo, nao uchawiwunjira andu kwawo.

LUKA 1:68

“Ndekaso Bwana Mlungu wa Israeli, angu wawivikia wandu wake na kuwikombua.

LUKA 8:13

Iri rerepotokieghe maghonyi, ni sa wandu wijisikiragha ilagho na kujiwusa kwa kuboilwa, ela kwa kukaia wisewadie miri ingi, ngelo ya matimo wadawuya nyuma.

RUTHU 1:6

Konyuma Naomi ukasikira angu BWANA wamerie kuwirasimia wandu wake kwa vindo, ukakutumbanya kusigha isanga ja Moabu chiaimweri na waka wa wana wake.