KUFUMA 4:22 - Biblia Ilagho Jiboie Kwa Wandu Wose

²² Na oho kuchamzera Farao, ‘BWANA waghora huwu: Israeli ni mwana wapo wa imbiri;

KUFUMA 4:22 Խաչաձեւ Հղումներ

ZABURI 89:27

Nicham'bonya ukaie mwana wapo wa womi wa imbiri, na mzuri m'baa kuchumba wazuri wose wa ndoenyi.

KUFUMA 6:11

“Ngia kumzere Farao, mzuri wa Misri, uwisighe wandu wa Israeli wifume isangenyi kwake.”

KUFUMA 7:16

Nao kumzere Farao, ‘BWANA, uo Mlungu wa Waebrania orenidumieghe kwako nikuzere kuwisighe wandu wake wighende; wipate kumdumikia kireti; ela oho kwaduagha kusesikiragha.’”

ISAYA 63:16

Angu oho koko Aba odu, hata ngera weke wawa wedu Abrahamu na Jakobo ndewidimanyagha; ela oho BWANA koko Aba odu na Mkomboli odu kufuma agho matuku gha kala; niko irina jako jerekoghe huwo.

ISAYA 64:8

Hata huwo saki ee BWANA, oho ko Aba odu; isi deeka sa wongo, na oho kooka sa mvimbi; deko kazi ra mikonu yako.

JEREMIA 2:14

“Huwo Israeli ooka mzumba? Kwani oovailwa nyumba ya wuzumba? Kwaki wawuya madiwo kwa wamaiza wake?

JEREMIA 31:9

Wichacha wikilila, nani nichawiwunja wikilomba. Nichawighenja mbai-mbai ya meda ya machi, na kwa chia ighorokie wisekuwagha; angu ini ne ndee Israeli, na Efraimu ni mvalwa wapo wa imbiri.”

HOSEA 11:1

BWANA waghamba, “Iji Israeli orekoghe mwanake, neremkundeghe; kufuma Misri ngammbanga mwanwapo.

MALAKI 1:6

BWANA Uwadie-Ndighi-Rose wawizera wakohani, “Mwana wamnekagha ndee ishima na mdumiki wamnekagha bwana wake ishima. Ikakaia ini ne ndeyo, kwaki mseninekagha ishima? Na ikakaia ne bwana, kwaki mseninekagha ishima? Mwanimenyere; nenyo mwaawuyakotia, ‘Dakumenyere wada?’

MATHAYO 2:15

Nao ukakaia aho hata Herode ukafwa. Agho gherebonyekieghe, eri malagho gha Bwana ghikatie; agho ghereghoreloghe ni mlodi ghighambagha, “Kufuma Misri, ngammbanga Mwana wapo.”

WAROMA 9:4

Awo ni Waisraeli, na uko kubonywa kukaia wana wa Mlungu ni kwawo, na wubaa ni ghwawo, na ilaghano ni jawo, na uko kunekwa Sharia ni kwawo, na wutasi ni ghwawo, na malaghiro ni ghawo;

2 WAKORINTHO 6:18

Nani nichakaia ndeyo onyu, nenyo mchakaia wana wapo wa womi na wa waka; waghamba Bwana uwadie ndighi rose.”

WUKUMBUSO 14:1

“Inyo mo wandu wa BWANA Mlungu onyu; mkakalila ifwa, msekudeme angu kuara maridia ghenyu sa wandu wazima.

WUKUMBUSO 32:6

Huwo niko mumlipagha BWANA inyo wakelu msewadie akili? Uo ni ndeyo na Muumbi onyu, wam'bonyere mkawuya mbari.

WAEBRANIA 12:23

na ikwanyiko ja wavalwa wa imbiri wa Mlungu, awo wiandikilo mlungunyi. Mwavika kwa Mlungu uo mtanyi wa wose, na kwa roho ra wandu wa hachi wikatishiro,

JAKOBO 1:18

Kwa kukunda kwake moni, oredivaeghe kwa ilagho ja loli, dipate kukaia mavalo gha imbiri gha maumbo ghake.