KUFUMA 4:21 - Biblia Ilagho Jiboie Kwa Wandu Wose

²¹ Nao BWANA ukamzera Musa, “Iji kwawuya Misri, kubonye awo weke mwakilimbiti wose nikunekie ndighi rewibonya imbiri ya Mzuri; ela nichaikurisha ngolo yake, nao ndechaawisigha awo wandu wighende.

KUFUMA 4:21 Խաչաձեւ Հղումներ

KUZOYA 6:3

BWANA ukaghamba, “Roho yapo ndeichaaduanya na mdamu kwa kala, angu uo si odua, kwa huwo miaka yake ichakaia ighana na mirongo iwi.”

1 WAZURI 22:22

BWANA ukaikotia, ‘Kumkalia-kalia wada?’ Ikatumbulia, ‘Nichaghenda ningire malagho gha tee andenyi ya walodi wake, wipate kuloda malagho gha tee.’ BWANA ukaghamba, ‘Oho kudima kumkalia, ghenda kumkalie, kuchasima.’

ZABURI 105:25

Ukawibonya Wamisri wizamilo ni wandu wake; wikawibonyera wadumiki wake mikalo.

ZABURI 78:43

Ingelo orebonyereghe mashiniko Misri, na weke mwakilimbiti wurindinyi ghwa Soani.

KUFUMA 10:1

Niko BWANA ukamzera Musa, “Ghenda kwa Farao, kwa kukaia naikurisha ngolo yake, na ngolo ra wadumiki wake, eri nipate kubonya weke mwakilimbiti wapo aghadi kwawo,

KUFUMA 10:20

Ela BWANA ukaikurisha ngolo ya Farao, nao nderewisighieghe wana wa Israeli wighende anduangi.

KUFUMA 10:27

Ela BWANA ukaikurisha ngolo ya Farao, hata nderewisighieghe wighende anduangi.

KUFUMA 11:10

Musa na Haruni wikabonya agho mashiniko ghose imbiri ya Farao; ela BWANA ukaikurisha ngolo ya Farao, hata nderewisighieghe wandu wa Israeli wifume isangenyi kwake anduangi.

KUFUMA 11:9

Niko BWANA ukamzera Musa, “Farao ndechaamsikira kungi, eri mashiniko ghapo ghipate kuchurikia isanga ja Misri.”

KUFUMA 14:17

Nicharikurisha ngolo ra Wamisri, wipate kuwinugha, nani nichapata kukaswa aghadi ya Farao na majeshi ghake ghose; magare ghake na wajoki farasi wake.

KUFUMA 14:4

Nani nichaikurisha ngolo ya Farao, nao uchamnugha. Na wusimi ghwapo aighu ya Farao na majeshi ghake ghuchaniredia wubaa; niko Wamisri wichamanya kukaia Ini ne BWANA.” Nao Waisraeli wikabonya sa iji koni wereghoreloghe.

KUFUMA 14:8

BWANA ukaikurisha ngolo ya Farao mzuri wa Misri, nao ukawinugha Waisraeli ngelo werekoghe wikighenda kwa wuing'oni.

KUFUMA 3:19

Ini namanya angu mzuri wa Misri ndechaamsigha mghende, usaalazimishwa kubonya huwo.

KUFUMA 3:20

Ela nichatumia ndighi rapo kuikaba Misri kwa kubonya maza reobosha. Konyuma uchamsigha mghende.

KUFUMA 7:13

Hata huwo saki, Farao ukakurisha ngolo yake, ukalegha kuwisikira Musa na Haruni, sa iji koni BWANA oreghorieghe.

KUFUMA 7:3

Ela nichaikurisha ngolo ya Farao, hata ngera nichachuria weke mwakilimbiti na mashiniko andenyi ya isanga ja Misri,

KUFUMA 8:11

Vichula vichainjika kwako, kwa wadumiki wako, na kwa wandu wako, navo vichasigharika modenyi ghwa Naili ghuekeri.”

KUFUMA 8:15

Ela iji Farao orewonieghe angu maza rakaia baa, ukaikurisha ngolo yake sa iji koni BWANA oreghorieghe; hata nderewisikireghe Musa na Haruni anduangi.

KUFUMA 8:32

Ela hata ngelo ihi, Farao ukaikurisha ngolo yake wokoni, hata nderewisighieghe awo wandu wighende anduangi.

KUFUMA 9:12

Ela BWANA ukaikurisha ngolo ya Farao, hata nderewisikireghe Musa na Haruni anduangi, sa iji koni BWANA oremghorieghe Musa.

KUFUMA 9:35

Niko huwo, ngolo ya Farao ikakurishwa, hata nderewisighieghe wandu wa Israeli wighende, sa iji koni BWANA oreghorieghe kwa chia ya Musa.

ISAYA 6:10

Kurikurishe ngolo ra awa wandu, na madu ghawo ghilemie, na meso ghawo ghisewone; wisechewona na meso ghawo, na kusikira kwa madu ghawo na kughaluka wipate kuboiswa.”

ISAYA 63:17

Ee BWANA, kwaki kudisighaa dilaghalo ni chia rako? Kwaki kwarikurisha ngolo redu hata disedime kukuobua? Wuya kwa wundu ghwa wadumiki wako, ee, awo wandu wiko ifwa jako.

JOHANE 12:40

“Mlungu wawifunga meso ghawo, na kurikurisha akili rawo eri meso ghawo ghisepate kuwona, na akili rawo risetambukilo, wisechenighalukia, nipate kuwiboisa.”

WAROMA 1:28

Na kwa kukaia wereleghieghe kumtala Mlungu, Mlungu nao orewisighanyeghe na akili ra kisha na maza risefwane.

WAROMA 9:18

Niko huwu Mlungu wadamfuya wughoma uo ose seji ukundagha, na kumkurisha ngolo uo ose seji ukundagha.

2 WAKORINTHO 2:16

Kwa wamu ni marumba mecha kufuma kifwa kuchivikia kifwa, na kwa wazima ni marumba mecha kufuma irangi kujivikia irangi. Elaima nani udimagha maza iri?

WUKUMBUSO 2:36

Ndekuwadie muzi ghoredilemieghe. Kufuma Aroeri, muzi ghuko mdonyi ghwa vololo ya Arnoni, na kufuma muzi m'baa ghuko vololonyi, hata Gileadi, BWANA Mlungu odu oredinekieghe yose.

JOSHUA 11:20

Angu ni BWANA moni orewikurishireghe ngolo wilo na Waisraeli, eri wipate kutoteshwa wose kuseko na wughoma ghungi sa iji koni BWANA oremlaghirieghe Musa.

1 PETRO 2:8

Na sena, “Ni igho jichaawikuwara wandu, na lwala luchaawighusha.” Wakuwa, angu wisejisikiragha ijo ilagho; sa iji koni werewikiloghe wikaie.