KUFUMA 32:8 - Biblia Ilagho Jiboie Kwa Wandu Wose

⁸ Wameria kuisigha ija chia nerewilaghirieghe kuinugha, nawo wakubonyera weni ngache ya dhahabu, wikaitasa na kuifunyira vizongona wikighamba wei uo nuo mlungu wawo uwifunyire Misri.

KUFUMA 32:8 Խաչաձեւ Հղումներ

1 WAZURI 12:28

Nyuma ya kujipima, ukachana ngache iwi ra dhahabu. Ukawizera wandu, “Mduajokali Jerusalemu; milungu yenyu hei ee wandu wa Israeli, iyo eremjosereghe kufuma isanga ja Misri.”

NEHEMIA 9:18

Werekubonyereghe weni mlimu ghufwanane na ngache; wikaghamba wei uo nuo mlungu wawo uwifunyire isanga ja Misri. Werekuvavirieghe na ndighi BWANA.

ZABURI 106:19

Werebonyereghe ngache ya dhahabu aho Sinai, wikaitasa iyo fwana ichanilo.

ZABURI 78:36

Ela weremkalieghe kwa memu yawo, wikatumia chumi rawo kumghoria tee.

KUFUMA 20:23

Msakekubonyera mmbeni milungu ya feza angu dhahabu kuitasa chiaimweri nani.

KUFUMA 22:20

“Mundu uo ose uchaafunyira milungu mizima vizongona isaakaia ni kwa BWANA moni, utotesho putu.

KUFUMA 32:4

Haruni ukaviwada ivo vipini, ukaviyeyusha na kuwibonyera wandu ngache kwa patasi. Wandu wikaghamba, “Ee Israeli, ughu nigho mlungu ghodu ghudifunyire na kudireda kufuma isanga ja Misri.”

KUFUMA 34:15

Kusebonye mapatano ghangi na wandu wa ijo isanga, kwa kukaia ngelo yawo etasa na kuibwaghia milungu yawo vizongona wichamkaribisha mnughane nawo; na aho mchangia matimonyi gheja ivo vindo vawo wivifunyiragha milungu yawo.

ISAYA 46:6

Awa wifunyagha dhahabu mifukonyi kwawo, na kupima feza rawo kwa ratili, wadamneka mchani dhahabu, upate kubonya mlungu, nawo waighoghomia na kuitasa!

JEREMIA 31:32

Ilaghano ijo ndejichaakaia sa iji nerejibonyereghe na weke ndee iji nerewifunyireghe isanga ja Misri ngiwidwa na mkonu; ilaghano japo ijo werejichikanyireghe, hata ngera nerekoghe kwawo sa mumi wawo.

WALAWI 17:7

Wandu wa Israeli ndewichaafunyira vizongona vawo shighadi ya kambi sena, kwa kubwaghia pepo na kulegha kaia waloli kwa BWANA; ela wichawadia momu ughu kwa kala na kala, vivalwa vawo vose.

WUKUMBUSO 32:17

Wereifunyireghe milungu ya tee vizongona, milungu ya kighenyi weke wawae wisereimanyireghe jingi, iyo Israeli wisereisikireghe jingi.

WUKUMBUSO 9:12

“Niko BWANA ukanizera, ‘Wuka kusee mghondinyi shwa-shwa, angu wandu wako awo kuwiredie kufuma Misri wakunona weni kwa kughaluka shwa-shwa na kuisigha iyo chia nerewilaghirieghe; nawo wakubonyera weni mlimu ghuchanilo.’

WUKUMBUSO 9:16

Nao iji nazighana, ngawona kukaia mwameria kum'bonyera BWANA Mlungu onyu kaung'a kwa kukuchania mmbeni mlimu ghwa ngache na kusigha shwa iyo chia BWANA orekoghe wamlaghira.

JOSHUA 22:15

Wikacha Gileadi kwa Wareubeni, na Wagadi, na nusu ya kichuku cha Manase wiko isanga ja Gileadi, wikawizera,

WATANYI 2:17

Ela Waisraeli ndewerewisikireghe watanyi wawo, hata ndewerekoghe waloli kwa BWANA, nawo wikatasa milungu mizima; shwa wori wikaghaluka na mbai kwa kuisigha ija chia erenughwagha ni weke ndee, awo weresikireghe malaghiro gha BWANA na kughibonya.

WATANYI 8:24

Gideoni ukawizera, “Lekenyi nimlombe kilambo chimu; kula umu onyu unineke kipuli cha madu orechidwaeghe wunyika;” (angu Waishmaeli werekoghe wikirwa vipuli va dhahabu)