KUFUMA 32:12 - Biblia Ilagho Jiboie Kwa Wandu Wose

¹² Kwaki Wamisri widime kughora wei kodewifunya wandu wako Misri kupate kuwibwagha na kuwimeria aho mighondinyi? Lekabonya machu, ghalua nia yako, kusakewiredia wandu wako agho mawiwi.

KUFUMA 32:12 Խաչաձեւ Հղումներ

KUZOYA 6:6

BWANA ukawawa na kusirimika ngolonyi angu oremuumbieghe mdamu na kummbika ndoenyi.

1 WAZURI 8:51

Awo ni wandu wako na ifwa jako, korewifunyireghe Misri ghadi na ghadi ya iwiwi ja modo ghubirie.

EZRA 10:14

Wabaa wedu ndewikaie Jerusalemu wizighaneghe agha malagho, na wandu wose wa mizinyi kedu wilowue waka wa kighenyi wiche kwa ngelo yaro, chiaimweri na waghosi na watanyi wa kula muzi, hata Mlungu wameria kudiinjira machu ghake ghibirie aighu ya ilagho iji.”

ZABURI 106:45

Kwa wundu ghwawo, ukakumbuka ilaghano jake, na kwa wundu ghwa lukundo lwake lukatie, ukahoresha machu ghake.

ZABURI 74:18

Kumbuka seji m'maiza wawuyakuseka ee BWANA, na seji wandu wakelu wijisholiagha irina jako.

ZABURI 78:38

Ela uo kwa kukaia wa wughoma, orewifuyeghe wughoma kaung'a rawo hata nderewitoteshereghe anduangi. Oreghimazirieghe machu ghake mando mengi, eri ghisechewuka ghose.

ZABURI 85:3

Kwasighie kubia kwako kose, kukahoresha machu ghako mabaa.

ZABURI 90:13

Kudibonyera machu hata lii ee BWANA? Ghaluka kudiwonie wughoma isi wadumiki wako.

KUFUMA 32:14

Nao BWANA ukaghalusa nia, ukaleka kuwiredia wandu wake agho mawiwi.

KUFUMA 33:13

Idana nakulomba, ikakaia loli kuboilwagha ni ini, kuniwonyere chia rako idana, nipate kukumanya oho, na oho kuboilo ni ini. Sena kuitale mbari ihi kukaia, ni wandu wako.”

ISAYA 64:7

Ndekuwadie hata umweri ujiwangiagha irina jako kwa malombi, hata ungi ukushashiragha moni kukuchea oho kwa wutesia; angu oho kwakuvisire kodu, kwadileghie na kudida kula kwa wundu ghwa mawiwi ghedu.

ISAYA 64:8

Hata huwo saki ee BWANA, oho ko Aba odu; isi deeka sa wongo, na oho kooka sa mvimbi; deko kazi ra mikonu yako.

JEREMIA 28:16

Kwa huwo BWANA waghamba huwu, ‘Ola nichakuinja kufuma ndoenyi. Kuchafwa ughu mwaka ghoni, kwa kukaia kwaghora malagho ghemlegha BWANA.’”

EZEKIELI 20:14

Ela kwa wundu ghwa irina japo, serebonyereghe huwo, eri jisechesholelwa na kulushwa mesonyi kwa iro mbari ra wandu werekaieghe aghadi kwawo; iro ini nerekumanyishireghe nimoni kwa kuwifunya wandu wa Israeli isanga ja Misri.

EZEKIELI 20:22

Ela nereghughirieghe mkonu ghwapo ghusebonye wuwiwi ghungi kwa wundu ghwa irina japo, eri jisechelushwa aghadi ya iro mbari ra wandu, iro ini nerekumanyishireghe nimoni kwa kuwifunya Israeli isanga ja Misri.

EZEKIELI 20:9

Ela kwa wundu ghwa irina japo serebonyereghe huwo; eri jisechesholelwa na kulushwa imbiri ya mbari ra wandu iro werekaieghe aghadi yawo; awo ini nerekumanyishireghe nimoni kwawo kwa kuwizera Waisraeli nichawifunya isanga ja Misri.

JOELI 2:17

Wakohani wimdumikiagha BWANA ghadi na ghadi ya madhabahu na mnyango ghongia Hekalunyi ndewilile na kughamba, “Kuwifuye wughoma wandu wako ee BWANA; kusakesigha wandu wa mbari zima widiseke na kudimenya wikighamba, ‘Oke Mlungu onyu oko hao?’”

AMOSI 7:3

Nao BWANA ukaghalusa maghesho aighu ya ilagho ijo ukaghamba, “Ndejichaabonyeka kungi.”

AMOSI 7:6

Nao BWANA ukaghalusa maghesho aighu ya ilagho ijo ukaghamba, “Hata iji wori ndejichaabonyeka kungi.”

JONA 3:9

Nani umanyagha kewada Mlungu wadima kughalua maghesho uhoreshe machu ghake ghibirie eri disechetota?”

ZEKARIA 8:14

BWANA Uwadie-Ndighi-Rose waghamba, “Iji weke wawayo werenibonyereghe ngajokwa ni machu, nerebonyereghe mipango ya wuwiwi kwawo, nani serewonyeragha wughoma ghungi kwawo.

MITALO 14:19

Nakulomba kuwifuye wughoma wandu awa ikosa jawo, karakara na wungi ghwa lukundo lwako, na karakara na seji koni korekoghe kwawifuya wughoma kufuma Misri hata idana.”

MITALO 16:21

“Kutanyenyi na awandu niwone-wimeria shwa wori.”

WUKUMBUSO 13:17

Mseshoo kindo chingi cha ivo vimerie kutanywa vipate kutoteshwa; eri BWANA upate kuhoresha machu ghake, na kumfuya wughoma, nao um'bonye mchurikie sa iji koni orewilaghirieghe weke ndeyo,

WUKUMBUSO 32:36

BWANA uchawivuvua wandu wake, ukawona wameria kusirilwa ni ndighi putu. Uchakaia na wughoma kwa awo wawuyamdumikia.

WUKUMBUSO 9:28

Wamisri wicheghamba wei BWANA oolemwa ni kuwighenja ijo isanga orewilaghirieghe, na angu wei weemzamia ukawighenja uendewibwagha kireti.

JOSHUA 7:26

Wikakumba kitungu cha magho aighu yawo, nacho cheko aho hata linu. Niko machu gha BWANA ghikahoa. Kwa huwo, andu aho kwawangwa Vololo ya Akori hata linu.

JOSHUA 7:9

Angu Wakanaani na waisanga wose wichasikira agho malagho; nawo wichadimaria chia rose na kudibwagha isi diwose! Da oho kuchabonya wada kulindia ishima ja ijo irina jako ibaa?”

1 SAMUELI 12:22

Kwa kukaia BWANA ndedimagha kuwisigha wandu wake kwa wundu ghwa ijo irina jake ibaa, angu odeboilwa moni kum'bonya inyo mkaie wandu wake.