KUFUMA 32:1 - Biblia Ilagho Jiboie Kwa Wandu Wose

¹ Nao iji wandu werewonieghe angu Musa wamuka luma aho mghondinyi, wikakwanyika chiaimweri kwa Haruni wikamzera, “Isi ndedimanyagha malagho ghimpatire uo mundu Musa udijosere kufuma isanga ja Misri. Kwa huwu wuka kudibonyere milungu edighenja.”

KUFUMA 32:1 Խաչաձեւ Հղումներ

KUZOYA 19:14

Niko Loti ukafuma na kuwighendia waghosi wake awa werewilowugha wai wake ukawizera, “Wukenyi mfume aha angu BWANA oko kaavui kughutotesha muzi ughu.” Ela madedo ghake ghikawoneka kukaia gha wukelu kwa waghosi wake.

KUZOYA 21:26

Abimeleki ukaghamba, “Ini simanyire mundu ubonyere ilagho ijo, hata na oho wori ndekunighorie anduangi, ijo ilagho naajisikira linu koni.”

KUZOYA 39:8

Ela ukalegha na kumzera uo muka wa bwana wake, “Zighana bwana wapo ndesumbukiagha vilambo va nyumbenyi kwake angu niko aha, nao waniwikie mzighaniri wa vilambo vake vose;

KUZOYA 44:15

Nao Josefu ukawizera, “Mwabonya wada huwu? Ndemwichi angu mundu wa daraja sa yapo wadima kulaghua na kummanya seji mwabonya?”

KUZOYA 44:4

Hata iji wameria kughenda mwendo mvui tu kufuma mzinyi, Josefu ukamzera mdumiki wake, “Nugha waja wandu shwa-shwa; kukameria kuwiwada kuwizere, ‘Kwaki mwalipa kiwiwi kwa nicha? Kwaki mwaniiwia kikombe chapo cha feza?

ZABURI 106:19

Werebonyereghe ngache ya dhahabu aho Sinai, wikaitasa iyo fwana ichanilo.

KUFUMA 13:21

BWANA ukakiria kuwiwonyera chia; na dime, andenyi ya nguro ya iwungu, na nakio andenyi ya nguro ya modo ghowineka mwengere, wipate kudamba nadime hata na nakio wori.

KUFUMA 14:11

Nawo wikamzera Musa, “Welee, makaburi ndegherekoghe Misri ekorediredagha dichefuya aha kireti? Kwadibonya wada huwu kudifunya isanga ja Misri?

KUFUMA 16:3

wikawizera, “Erekaiagha nicha ngera BWANA odedibwaghia isanga ja Misri, aho dereserieghe kidombo aghadi ya sufuria ra nyama, dikija mikate na kughuda. Ela inyo mwadireda ichi kireti kubwagha iji ikwanyiko jose kwa njala.”

KUFUMA 20:23

Msakekubonyera mmbeni milungu ya feza angu dhahabu kuitasa chiaimweri nani.

KUFUMA 24:12

BWANA ukamzera Musa, “Joka cha kwapo mghondinyi, kuweserie aho nani nichakuneka vitongo viwi va magho viko na sharia na malaghiro ghose nighiandikie kwa kuwifundisha wandu.”

KUFUMA 24:18

Musa ukajoka mghondinyi na kungia andenyi ya ijo iwingu. Ukakaia aho matuku mirongo ina, kio na dime.

KUFUMA 32:11

Ela Musa ukamvoya BWANA Mlungu wake ukighamba, “Ee BWANA, kwaki kwakaia na machu ghibirie kwa wandu wako, awo korewifunyireghe isanga ja Misri kwa ndighi mbaa na kudima?

KUFUMA 32:22

Haruni ukatumbulia, “Kusenibonyere machu bwana; oho kwaichi seji awandu wiko iji wakunda kubonya kiwiwi.

KUFUMA 32:23

Waanizera, ‘Isi ndedimanyire malagho ghimpatire uo mundu Musa, udijosere kufuma isanga ja Misri; kwa huwu kudibonyere milungu edighenja.’

KUFUMA 32:7

BWANA ukamzera Musa, “Bonya shwa-shwa kusee, angu wandu wako awo korewifunyireghe isanga ja Misri wabonya kaung'a na kunisigha.

KUFUMA 33:3

Muaghenda isanga jinorie nandighi; ela ini sichaaghendanya nenyo, nichemmeria chienyi; kwa kukaia inyo mo wandu mghilikie.”

EZEKIELI 20:8

Ela wikanilegha hata ndewerenisikireghe anduangi, mndungi wawo nderedeeghe milimu yake, hata kuisigha milimu ya Misri anduangi. Neregheshereghe ngera kumangu nawikaba kwa machu ghapo aghadi ya isanga ja Misri.

HOSEA 12:13

BWANA oremdumieghe mlodi kuwifunya wandu wa Israeli isanga ja Misri; kwa chia ya uo mlodi, wikalindilwa.

MIKA 6:4

Ini namredie kufuma isanga ja Misri; namkombue kufuma wuzumbenyi. Namdumie Musa, Haruni, na Miriamu umlongoze.

MITALO 14:22

mndungi wa awo wighuwonie wubaa ghwapo, na weke mwakilimbiti wapo niwibonyere Misri na aho kireti, nawo wikanitima agha mando ikumi wikilegha kulusikira lwaka lwapo,

MATHAYO 24:43

Ela manyenyi ilagho iji: angu ngera mundu wa nyumba odemanya ni ngelo iao ya nakio uchelwagha ni kitoi, kumangu orechereshagha; hata ndereisighagha nyumba yake ibaro ni vitoi anduangi.

MATHAYO 24:48

Ela iji uja mdumiki mmbiwi waghamba ngolonyi kwake, ‘Bwana wapo wamuka luma kuwuya.’

MABONYO GHA WADUMI 17:29

Kwa kukaia deko wana wa Mlungu, ndeidifwane digheshe wei Uo ooka sa dhahabu, angu feza, angu igho jiwachilo kwa wuya na maghesho gha mdamu.

MABONYO GHA WADUMI 19:26

Nenyo mwawona na kusikira si aha Efeso kuekeri, ela na Asia yose; seji uhu Paulo wakumba wandu wurumu na kuwighalusa wandu wengi, ukighamba wei milungu ibonywagha ni mikonu ya wandu si milungu ingi anduangi.

MABONYO GHA WADUMI 7:40

wikamzera Haruni, ‘Dibonyere milungu ihi ichaadighenja; uo Musa udifunyire isanga ja Misri ndedimanyire ngera wawonieki.’

WUKUMBUSO 31:8

BWANA nuo ukiriagha, nao uchakaia andwamweri na oho; ndechaakusigha, hata kukuda anduangi; kusekambo ni chongo.”

WUKUMBUSO 9:1

“Sikirenyi inyo wandu wa Israeli, mcharuwuka Jordani idime, mngie na kuwusa mizi ya iro mbari riko mbaa, sena riwadie ndighi kumchumba. Mizi yawo ni mibaa, iko na mawurigha ghivikagha hata mawingunyi.

WUKUMBUSO 9:9

Nani iji nerejokieghe mghondinyi kuwusa vishawalata va magho, ivo va ilaghano BWANA orejibonyereghe nenyo, nerekaieghe aighu ya mghondi matuku mirongo ina kio na dime; serejieghe vindo, hata kunywa machi ghangi.

JOSHUA 7:13

Wuka! Elesha awa wandu kuwizere wikueleshe weni kwa wundu ghwa kesho, angu BWANA Mlungu wa Israeli waghora, ‘Veko vilambo venonwa viko aghadi konyu ee Israeli, nenyo ndemchaadima kuwisima wamaiza wenyu, msaainja ivo vilambo venonwa viko aghadi konyu.’

2 PETRO 3:4

wikighamba, “Orelaghirieghe wei uchacha; da uao sena? E hoku kufuma weke aba wafwa, vilambo vose veeka sa iji koni vereumbiloghe?”