KUFUMA 3:20 - Biblia Ilagho Jiboie Kwa Wandu Wose

²⁰ Ela nichatumia ndighi rapo kuikaba Misri kwa kubonya maza reobosha. Konyuma uchamsigha mghende.

KUFUMA 3:20 Խաչաձեւ Հղումներ

KUZOYA 15:14

Ela nichaitanya iyo mbari wichaaidumikia; konyuma wikakafuma wichadwa mali nyingi.

NEHEMIA 9:10

Korewonyereghe weke mwakilimbiti na mashiniko kwa mzuri na wadumiki wake wose, na wandu wose wa isanga jake, angu koremanyireghe seji wiwikorongie wandu wako. Kukakubonyera kumoni irina, sa iji koni jiko idime.

ZABURI 105:27

Wikabonya mabonyo gha ndighi gha Mlungu, na weke mwakilimbiti andenyi ya isanga ja Hamu.

ZABURI 105:38

Wiendafuma, Wamisri wikaboilwa, kwa kukaia werekoghe wangilwa ni kiture chawo.

ZABURI 106:22

Orebonyereghe kazi ra mashiniko isanga ja Hamu, na maza reobosha Bahari ya Shamu.

KUFUMA 11:1

Nao BWANA ukamzera Musa, “Jaasighwa ikabo jimweri tu nichaajireda kwa Farao na wandu wa Misri, niko aho uchaamlekeria mghende; ukakamlekeria mghende, uchammbinga mfume putu.

KUFUMA 12:39

Wikaocha mikate isewadie chachu kwa ghuja mufu wereghudwaeghe Misri, angu werefunyiroghe kwa shwa-shwa, hata ndewerepatireghe wulalo ghobonya mufu ghwa chachu, angu kukuboisira vindo vingi anduangi.

KUFUMA 13:3

Musa ukawizera wandu, “Mjikumbuke ituku iji, ijo morefumieghe Misri, andu morekoghe wuzumbenyi. Kwa kukaia BWANA oremfunyireghe aho kwa ndighi rake mbaa. Msakeja mikate iko na chachu.

KUFUMA 13:9

Mawiko agha ghichakaia lukumbuso, sa kilambo chifungilo kikoto na wushunyi kwako; kupate kuiwadia Sharia ya BWANA, angu orekufunyireghe Misri kwa ndighi mbaa.

KUFUMA 15:11

“Nani uko sa oho ee BWANA aghadi ya milungu? Nani uko sa oho kwa wubaa andenyi ya wueli? Mabonyo ghako gha wubaa ghiaobosha, ghiko gha mashiniko?

KUFUMA 15:6

Mkonu ghwako ghwa kiwomi ee BWANA, ghoko na wubaa na kudima, mkonu ghwako ghwa kiwomi ee BWANA, ghwamfasha-fasha m'maiza.

KUFUMA 4:21

Nao BWANA ukamzera Musa, “Iji kwawuya Misri, kubonye awo weke mwakilimbiti wose nikunekie ndighi rewibonya imbiri ya Mzuri; ela nichaikurisha ngolo yake, nao ndechaawisigha awo wandu wighende.

KUFUMA 6:1

Ela BWANA ukamzera Musa, “Idana kuchawona seji nichaam'bonya Farao; angu nichamlazimisha uwifunye wandu wapo, ee nichamlazimisha uwiwinge wifume isangenyi jake.”

KUFUMA 6:6

Kwa huwu kuwizere wandu wa Israeli, ‘Ini ne BWANA, nani nichamfunya mfume kwa iyo mizigo ya Wamisri, mfume wuzumbenyi ghwawo. Nichamkombua kwa mkonu ghughorokie ghwa ndighi, nani nichawitanya;

KUFUMA 9:15

Wei nedeghorua mkonu ghwapo kukukaba oho na wandu wako kwa saka ya ngawawi, kumangu ndekuko ndoenyi;

ISAYA 19:22

Na BWANA uchaikaba Misri, ukikaba na kuboisa; nawo wichamghalukia BWANA, nao uchasikira kuvoya kwawo na kuwikira.

ISAYA 26:11

Mkonu ghwako ghwawusirwa ighu ghukabe ee BWANA, ela ndewighuwonagha. Ndewiwone kufunga ndighi kwako kwa wundu ghwa wandu wako, wipate kufwa waya. Modo ghuwikilo kwa wundu ghwa wamaiza wako, ndeghuwimerie.

EZEKIELI 20:33

“Sa iji ini Bwana MLUNGU nikaiagha moyo, naghamba, kwa loli nicham'bonyera nguma kwa kudima kwapo, na kwa ndighi, na kwa machu ghapo.

MIKA 7:15

Diwonyere maza ra mashiniko seji korebonyereghe ingelo koredifunyagha isanga ja Misri.

MABONYO GHA WADUMI 7:36

Ukawifunya na kuwighenja, nyuma ya kubonya mashiniko na weke mwakilimbiti Misri, na Bahari ya Shamu, na kireti kwa miaka mirongo ina.

WUKUMBUSO 4:34

Angu ghoko mlungu ghungi jingi ghutimie kughenda na kuwusa wandu kufuma kwa mbari imu wikaie kwa chia ya matimo, na weke mwakilimbiti, na mashiniko, na kwa wuda, na kwa mkonu ghwa wusimi ghuwadie ndighi, na maza reobosha karakara na seji BWANA Mlungu onyu orebonyereghe Misri kwa wundu ghonyu mkiwona?

WUKUMBUSO 6:22

BWANA orewonyereghe weke mwakilimbiti dikiwona, na mashiniko mabaa gheobosha aighu ya Misri, na aighu ya mzuri na nyumba yake yose;

WATANYI 6:8

BWANA ukawidumia mlodi na kuwizera, “BWANA Mlungu wa Israeli waghamba huwu, Neremfunyireghe Misri isanga ja wuzumba;

WATANYI 8:16

Ukawiwada waja waghosi wa muzi, nao ukawada minjwa ya kireti na mtaranganga, ukawifundisha wandu wa Sukothi kwa kuwikaba nayo;