KUFUMA 3:19 - Biblia Ilagho Jiboie Kwa Wandu Wose

¹⁹ Ini namanya angu mzuri wa Misri ndechaamsigha mghende, usaalazimishwa kubonya huwo.

KUFUMA 3:19 Խաչաձեւ Հղումներ

KUFUMA 6:1

Ela BWANA ukamzera Musa, “Idana kuchawona seji nichaam'bonya Farao; angu nichamlazimisha uwifunye wandu wapo, ee nichamlazimisha uwiwinge wifume isangenyi jake.”

KUFUMA 5:2

Ela Farao ukaghamba, “Uo BWANA nani nidimagha kusikira lwaka lwake na kuwisigha Waisraeli wighende? Ini simwichi uo BWANA, sena sidimagha kuwisigha Waisraeli wighende anduangi.”

KUFUMA 4:21

Nao BWANA ukamzera Musa, “Iji kwawuya Misri, kubonye awo weke mwakilimbiti wose nikunekie ndighi rewibonya imbiri ya Mzuri; ela nichaikurisha ngolo yake, nao ndechaawisigha awo wandu wighende.

KUFUMA 8:28

Niko Farao ukaghamba, “Nichamsigha mghende cha kireti kum'bwaghia Mlungu onyu kizongona, ela mseghende kula. Nilombienyi.”

KUFUMA 9:7

Farao ukaduma; nao ikawoneka kukaia nyamandu ingi ya Waisraeli ndeerefueghe anduangi. Ela Farao ukaikurisha ngolo yake, hata nderewisighieghe awo wandu wighende anduangi.

KUFUMA 9:35

Niko huwo, ngolo ya Farao ikakurishwa, hata nderewisighieghe wandu wa Israeli wighende, sa iji koni BWANA oreghorieghe kwa chia ya Musa.

KUFUMA 10:20

Ela BWANA ukaikurisha ngolo ya Farao, nao nderewisighieghe wana wa Israeli wighende anduangi.

KUFUMA 11:9

Niko BWANA ukamzera Musa, “Farao ndechaamsikira kungi, eri mashiniko ghapo ghipate kuchurikia isanga ja Misri.”

KUFUMA 11:10

Musa na Haruni wikabonya agho mashiniko ghose imbiri ya Farao; ela BWANA ukaikurisha ngolo ya Farao, hata nderewisighieghe wandu wa Israeli wifume isangenyi kwake anduangi.

KUFUMA 13:15

Iji Farao orekurishireghe ngolo, na kulegha kudisigha dighende, BWANA orewibwaghieghe wavalwa wa imbiri wose wa isanga ja Misri; mvalwa wa imbiri wa mdamu na mvalwa wa imbiri wa nyamandu wori. Kwa huwu dadamfunyira BWANA kizongona cha wavalwa wa imbiri wa womi wose; ela wavalwa wa imbiri wa wana wedu wa womi dadawikombua.’