KUFUMA 24:6 - Biblia Ilagho Jiboie Kwa Wandu Wose

⁶ Musa ukawusa nusu ya bagha ya nyamandu, ukaidungiria bakulinyi, na nusu imu ukaimichira madhabahu.

KUFUMA 24:6 Խաչաձեւ Հղումներ

2 WAZURI 17:15

Weremenyereghe memu ya BWANA na ilaghano jake, ijo orejibonyereghe na weke ndee; ndeweretalieghe hata na mawonyero ghake. Wereinughieghe milimu ya tee wikakalikia, wikanugha tabia ra iro mbari ra wandu ireni BWANA orewikanieghe wisebonye sa awo.

ZABURI 99:6

Musa na Haruni werekoghe wakohani wake, Samueli wori orekoghe umu wa awo weremlombieghe, weremmbangieghe BWANA, nao ukawidika.

KUFUMA 12:22

Mmbwade isawi ja hisopu, mujingire andenyi ya beseni iko na bagha, nao mshinge bagha aighu ya kizingiti cha ighu na vizingiti viwi va mnyango. Mndungi onyu usefume shighadi nakio hata ndoe yaela.

KUFUMA 12:7

Niko aho wichawada bagha imu na kushinga vizingiti viwi na kizingiti cha ighu cha ugho mnyango, andu wichaakaia wikijia awo wana wa ng'ondi.

KUFUMA 24:8

Niko Musa ukawusa bagha erekoghe bakulinyi, ukawimichira wandu ukighamba, “Ihi niyo bagha ya ijo ilaghiro BWANA orebonyereghe nenyo, iji oremnekieghe malaghiro agha ghose.”

KUFUMA 29:16

Nao kuibwaghe, kudo bagha yake na kuimichira chuwaru rose inya ra madhabahu.

KUFUMA 29:20

Kuibwaghe iyo bauru, nao kuwuse bagha yaro na kuishinga midonyi ya madu gha kiwomi gha Haruni na wana wake, vala vawo va kighosi va kiwomi, na mano ghawo gha kighosi gha kiwomi; nao kuimichire iyo bagha yasigharika chuwaru rose inya ra madhabahu.

JEREMIA 31:32

Ilaghano ijo ndejichaakaia sa iji nerejibonyereghe na weke ndee iji nerewifunyireghe isanga ja Misri ngiwidwa na mkonu; ilaghano japo ijo werejichikanyireghe, hata ngera nerekoghe kwawo sa mumi wawo.

WALAWI 1:11

Uchaibwaghia chia ya kaskazinyi ya iyo madhabahu imbiri ya BWANA, na wakohani, awo wana wa Haruni wichaimichira iyo madhabahu bagha chia rose.

WALAWI 1:5

Nao uchaibwagha iyo njau imbiri ya BWANA, na wana wa Haruni, awo wakohani wichafunya iyo bagha, na kuimichira madhabahu chia rose aho mnyangonyi ghwa Hema ekwania.

WALAWI 3:2

Nao uchawikiria mkonu ghwake aighu ya chongo cha iyo nyamandu, na kuibwagha aho mnyangonyi ghwa Hema ekwania; na wana wa Haruni, awo wakohani, wichaimichira madhabahu bagha chia rose.

WALAWI 3:8

ukiwikiria mkonu ghwake aighu ya chongo chake; nao uchaibwagha imbiri ya Hema ekwania, na wana wa Haruni wichamichira bagha yake chuwaru rose ra madhabahu.

WALAWI 4:6

nao uchangira chala chake baghenyi, na kuishinga naimbiri ya pazia ya Andu kwa Wueli mando mfungade imbiri ya BWANA.

1 WAKORINTHO 11:25

Huwo koni, nyuma ya vindo, ukachiwada kikombe ukighamba, “Kikombe ichi ni ilaghano iwishi jibonyero kwa bagha yapo. Bonyenyi huwu kula indo mnywagha kwa kunikumbuka.”

WAKOLOSAI 1:20

na kwa chia ya uo Mwana, uvipatanishe vilambo vose na uo moni; ngera veeka ndoenyi, angu mlungunyi; na kubonya sere kwa chia ya bagha kwa kifwa cha msalaba ghwake.

WAEBRANIA 12:24

na kwa Jesu mpatanishi wa ilaghano iwishi, na bagha imichiro ighoragha nicha kuchumba iyo ya Abeli.

WAEBRANIA 8:9

Ndejiko sa jija ilaghano nerejibonyereghe na weke ndee; iji nerewiwadieghe mkonu na kuwighenja, ngiwifunya isanga ja Misri; angu ndeweredueghe kwa ilaghano japo, na kwa wundu ugho, secheewuyawitala anduangi waghamba Bwana.

WAEBRANIA 9:18

Huwo koni hata ijo ilaghano ja imbiri ndejeredimieghe kumangishwa kuseko na bagha.

WAEBRANIA 9:19

Angu iji Musa wawighoria wandu kula momu ghwa Sharia, orewadieghe bagha ya ngache na mburi, chiaimweri na machi na sufu itinikie na isawi ja hisopu, ukachimichira icho chuo cha Sharia chiaimweri na awo wandu ukighamba,

WAEBRANIA 9:21

Na kwa chia iyo cheni ukaimichira bagha iyo hema chiaimweri na ivo vilambo vose verekoghe vikitumilwa kwa wutasi.

1 PETRO 1:19

ela kwa bagha ya zoghori mbaa ya Kristo, sa ya mwana wa ng'ondi usewadie ikosa hata iboli jingi.

1 PETRO 1:2

Wandu wisaghulo na kuwikwa ni Mlungu uja Aba, na kueleshwa ni uo Roho, wipate kumsikira Jesu Kristo, na kueleshwa kwa bagha yake. Mvono na sere nderichurikie konyu.