KUFUMA 24:4 - Biblia Ilagho Jiboie Kwa Wandu Wose

⁴ Musa ukaandika malaghiro ghose gha BWANA. Nakesho yaro kokio, ukaagha madhabahu kirimbenyi cha mghondi; ukadunga magho ikumi na awi kunughana na mbari ikumi na iwi ra Israeli.

KUFUMA 24:4 Խաչաձեւ Հղումներ

KUZOYA 12:7

BWANA ukamchea Abramu ukamzera, “Kivalwa chako nichachineka iji isanga.” Abramu ukamuaghia BWANA madhabahu uo oremfutukieghe.

KUZOYA 28:18

Nao Jakobo ukawuka kokesho kio, ukawada jija igho orejirarishireghe chongo chake, ukajidunga kimusi sa nguro, ukajiwika wakfu kwa kujidunga mavuda aighu yaro.

KUZOYA 28:22

Na igho iji najidunga sa nguro, jichakaia nyumba emtasira Mlungu, nani nichafunya ifungu ja ikumi ja ivo vose uchaanineka.”

KUZOYA 31:45

Niko Jakobo ukawada igho ukajidunga sa nguro.

1 WAZURI 11:30

Nao Ahija ukaiwada iyo nguwo mbishi oreirwaeghe, ukairashua vibelele ikumi na viwi.

1 WAZURI 18:31

Ukashoa magho ikumi na awi kunughana na vichuku ikumi na viwi va wana wa Jakobo, uo orewangiloghe Israeli ni BWANA.

EZRA 6:17

Wikafunya kwa wundu ghwa kuwika Hekalu wakfu njau ighana jimweri, bauru maghana awi, wana wa ng'ondi maghana ana, na kizongona kwa wundu ghwa kaung'a, oro ikumi na iwi kunughana na mbari ikumi na iwi ra Israeli.

NEHEMIA 10:1

Wandu wa imbiri kungiria sahihi ni m'bonyi nguma Nehemia mwana wa Hakalia, na Zedekia.

KUFUMA 17:14

Nao BWANA ukamzera Musa, “Kuandike agha malagho chuonyi ghikaie lukumbuso; sena kughighore madunyi kwa Joshua kukaia, nichawimeria Waamaleki putu, wisekumbuko jingi ndoenyi.”

KUFUMA 17:15

Musa ukaagha madhabahu ukaghiwanga, “Bwana nuo kiweto chapo,”

KUFUMA 21:1

“Idana kuwineke Waisraeli malaghiro agha:

KUFUMA 24:7

Ukawusa chuo cha malaghano, andu malaghiro gha BWANA ghereandikiloghe; ukaghishomia wandu kwa lwaka. Nawo wikaghamba, “Dichamsikira BWANA, na kubonya agho ghose oreghilaghirieghe.”

KUFUMA 28:21

Aighu ya agho magho gha zoghori ikumi na awi, kuchakota marina ikumi na awi gha wana wa Israeli; ghipate kuwonyera mbari ikumi na iwi ra Israeli.

KUFUMA 34:27

BWANA ukamzera Musa, “Andika agha malagho, kwa kukaia nigho gheni naghitumia kwa kubonya ilaghano na oho, na Israeli wori.”

ISAYA 19:19

Ngelo iyo ikavika, kuchakaia na madhabahu ya BWANA andenyi ya isanga ja Misri, na mnara ghwa BWANA ghuchakaia mpakenyi ghwa isanga ijo.

WALAWI 24:5

“Kuwade kilo ikumi na iwi ra mufu ghudendere nao kubonye mikate ikumi na iwi.

MITALO 17:2

“Ghora na wandu wa Israeli, wikuneke mizata ikumi na iwi, kula kilongozi cha kichuku chikaie na mzata ghwaro. Kula mzata kughuandike irina ja kichuku charo;

LUKA 22:30

mpate kuja na kunywa mezenyi kwapo, kwa wuzuri ghwapo; na kusea kidombo vifumbinyi va nguma, mkiritanya iro mbari ikumi na iwi ra Israeli.”

WAGALATIA 2:9

nawo iji wawona seji ninekelo ghuja mvono, Jakobo, Kefa na Johane, wandu weretaliloghe kukaia sa nguro, werediwadieghe mkonu ghwa kiwomi ghwa wungara ini na Barnaba, dipate kughenda kwa wandu wa mbari zima, nawo wighende kwa wandu wishamishiro.

WUKUMBUSO 31:9

Nao Musa ukaiandika iyo sharia na kuwineka wakohani awo Walawi widukagha Sanduku ya ilaghano ja BWANA, na waghosi wose wa Israeli.

JOSHUA 4:20

Joshua ukadunga agho magho ikumi na awi wereghidwaeghe Jordani, aho Gilgali.

JOSHUA 4:5

ukawizera, “Seenyi mngie modenyi ghwa Jordani, muide andu Sanduku ya BWANA Mlungu onyu iko, mshoo kula mundu igho na kughiduka maweghenyi konyu kunughana na mtalo ghwa wandu wa Israeli;

WUFUNUO 21:14

Wurigha ghwa muzi ghorekoghe na magho gha misingi ikumi na awi, na aighu yaro, korekoghe na marina ikumi na awi gha wadumi wa Mwana wa Ng'ondi.