KUFUMA 23:2 - Biblia Ilagho Jiboie Kwa Wandu Wose

² Kusenughe wungi ghwa wandu kwa kubonya wuwiwi, hata kusakefunya wushuhuda mwandunyi kukinugha wungi ghwa wandu kwa kuilaghasha loli;

KUFUMA 23:2 Խաչաձեւ Հղումներ

KUZOYA 19:4

Ela imbiri wiselale, wandu wose putu wa muzi ghwa Sodoma wabaa kwa watini, wikacha na kuimara nyumba;

KUZOYA 6:12

Mlungu ukazighana nao ukawona seji wurumwengu ghunonekie, angu wandu wose werekoghe wikibonya mawiwi ndoenyi.

KUZOYA 7:1

Nao BWANA ukamzera Nuhu, “Ngia safinenyi, na kinyumba chako chose; angu nakuwona oho kukaia na hachi aghadi ya kivalwa ichi.

1 WAZURI 19:10

Ukatumbulia, “Naabwaghwa ni iriso jako BWANA Mlungu Uwadie-Ndighi-Rose; kwa kukaia wandu wa Israeli wasighie malaghiro ghako, wikachikanya madhabahu ghako, na kubwagha walodi wako kwa lufu. Idana naasighwa niekeri, nawo waawuyalola kunibwagha.”

AYUBU 31:34

Jingi siobue seji wandu widimagha kunighora; jingi sinyame kima angu kukaia nyumbenyi, wei angu niobuagha kusekwa.

ZABURI 72:2

Kum'bonye utanye wandu wako kwa hachi, na wakiwa wako uwitanye kwa loli.

MAKATANISHO 1:15

Mwana wapo kuseghendanye na wandu wifwane huwo; kaia kula nawo.

MAKATANISHO 18:5

Si nicha kumdawiria mmbiwi, na kumuima hachi mundu usena ikosa.

MAKATANISHO 4:14

Kuseghende andu wawiwi wighendagha, hata kusakenugha mfwano ghwa wawiwi.

JEREMIA 37:15

Wabaa wikajokwa ni machu aighu ya Jeremia, wikamkaba na kumfunga andenyi ya nyumba ya muandiki Jonathani, angu niyo erebonyeroghe ikaie kifungo.

JEREMIA 37:21

Kwa huwo Mzuri Zedekia ukafunya momu, wikaniwika wazenyi ya mlindiri, wikanineka mkate kula ituku ghufumagha chienyi ya waochi mikate, hata mikate yose ikasia. Kwa huwo ngakaia aho wazenyi ya mlindiri.

JEREMIA 38:9

“Bwana wapo mzuri, wandu awa wabonya wuwiwi ghuchumbie ghomkumba mlodi Jeremia andenyi ya kisima; nao uchabwaghwa ni njala aho, kwa kukaia ndekuwadie vindo vingi visigharikie mzinyi.”

EZEKIELI 9:9

Nao ukanizera, “Kaung'a ra wandu wa Israeli na wandu wa Juda raaka mbaa nandighi; wandu wachulwa ni kudiana bagha isangenyi, na hachi kusoweka andenyi ya muzi ghwa Jerusalemu; angu waghamba, ‘BWANA wamerie kujisigha isanga; na BWANA ndewuewona.’

WALAWI 19:15

“Iji kwakatanya kusevise hachi; kusebonye wuchumbano ghungi kwa mkiwa, na kukaia wuzima kwa uo uko m'baa, ela kumtanye mmbenyu kwa hachi.

HAGAI 1:4

“Wele wandu wapo, kwaki mlalagha andenyi ya nyumba riboie ingelo Hekalu yapo iduagha inonekie?

MARKO 15:15

Niko Pilato, ukikunda kuwiboia wandu, ukawifunguya Baraba. Ela umeria kumkaba Jesu ukamfunya kwawo usulubisho.

LUKA 23:51

uo ndererumirianeghe na njama yawo, hata na ibonyo jawo anduangi; nao orekoghe ukighuweseria Wuzuri ghwa Mlungu.

MABONYO GHA WADUMI 24:27

Ela miaka iwi iendasia, Porikio Festo orewadieghe wulalo ghwa Felike, na Felike ukikunda kuwiboia Wayahudi, ukamsigha Paulo jela.

MABONYO GHA WADUMI 25:9

Ela Festo ukikunda uwiboie Wayahudi, ukamkotia Paulo, “Kwakunde kujoke Jerusalemu kutanyo ajaeni imbiri kwapo aighu ya maza iri kushitakilwagha naro?” Paulo ukaghamba,

WAROMA 1:32

Hata ngera waichi wori Mlungu walaghirie kukaia awo wibonyagha maza iro yawifwana kufwa, ndewiwuyeribonya tu, ela warumiriana na awo wiribonyagha wori.

WUKUMBUSO 1:17

Mkakatanya, msedawirie mndungi; muwisikire wabaa na watini karakara; msakemuobua mndungi, angu kutanya ni kwa Mlungu; na iyo kesi ichaamkuria, muirede kwapo, nani nichaisikiria.’

WUKUMBUSO 16:19

Msede hachi ya mndungi; msetanye kwa kutala wandu; hata mserumirie kutuwa, kwa kukaia kutuwa kwadaturua meso gha wandu wiko na suku, na kulaghasha hachi ra wandu.

WUKUMBUSO 24:17

“Kuselaghashe hachi ya mghenyi omara-mara, hata mwana mkiwa, hata kusewadie nguwo ya mka-mkiwa ikaie wufunga;

JOSHUA 24:15

Na ikakaia mwalegha kumdumikia, msaghuo idime iji ngera ni milungu iyo eredumikiloghe ni weke ndeyo aho Mesopotamia angu ngera ni milungu ya Waamori awo mwawuyakaia isanga jawo; ela ini na nyumba yapo nichamdumikia BWANA.”

1 SAMUELI 15:24

Nao Sauli ukamzera Samueli, “Nabonya kaung'a; kwa kukaia nalegha kusikira momu ghwa BWANA, na malagho ghako; angu nawiobua wadamu na kusikira mawoni ghawo.

1 SAMUELI 15:9

Ela Sauli chiaimweri na wandu wake wikamsigha Agagi kimoyo, na ng'ondi na ng'ombe ribandie; na wana wa ng'ondi chiaimweri na vose verekoghe viboie; hata nderebwaghieghe kula kilambo putu putu, ela iveni vizamie na va kisha kisha.