KUFUMA 19:9 - Biblia Ilagho Jiboie Kwa Wandu Wose

⁹ BWANA ukamzera Musa, “Ola nichakuchea andenyi ya iwungu jikambie kira kudedanya na oho; wandu wipate kusikira ngidedanya na oho, nawo wikurumirie matuku ghose.” Niko Musa ukamghoria BWANA malagho gha awo wandu.

KUFUMA 19:9 Խաչաձեւ Հղումներ

1 WAZURI 8:12

Niko Solomoni ukaghamba, “BWANA kwawikie iruwa mawingunyi, ela sena kwaghambie kwadima kukaia andenyi ya iwingu jikambie.

2 MALAGHO GHA NGELO 20:20

Wikawuka nakesho kio, wikaghenda cha kireti cha Tekoa; hata iji werekoghe wikighenda, Jehoshafati ukawuka kimusi ukaghamba, “Nisikirenyi inyo wandu wa Juda nenyo mkaiagha Jerusalemu! Mrumirienyi BWANA Mlungu onyu nenyo mchamangishwa; wirumirienyi walodi wake, nenyo mchasima.”

2 MALAGHO GHA NGELO 6:1

Niko Solomoni ukaghamba, “BWANA kwaghambie kuchakaia andenyi ya kira chikambie.

ZABURI 97:2

Mawingu na kira kibaa vammara chia rose, wabonya nguma kwa hachi na loli.

ZABURI 99:7

Oreghorieghe nawo uko andenyi ya nguro ya iwingu; wereriwadieghe Sharia na memu yake iyo orewinekieghe.

KUFUMA 14:31

Waisraeli wikawona kazi mbaa iyo BWANA oreibonyereghe kwa kuwisima Wamisri, nawo wikamuobua BWANA; wikamrumiria BWANA na mdumiki wake Musa.

KUFUMA 19:16

Nao ituku ja kadadu luma lwa nakesho, korekoghe chukuwa na chuhehia, na iwingu jikambie kira jikacha mghondinyi; lwaka lubaa lwa tarumbeta lukasikirika, na wandu wose werekoghe kambinyi wikasughusika kwa wowa.

KUFUMA 20:21

Ela wandu wikakia kula wokoni, ingelo Musa orekoghe ukisoghoda kaavui na ijo iwingu jikambie kira, aho Mlungu orekoghe.

KUFUMA 34:5

BWANA ukasea andenyi ya iwingu, ukakaia kimusi andwamweri nao aja, ukajighora irina jake, BWANA.

KUFUMA 4:31

Wandu wikarumiria; nawo iji wasikira wei BWANA wawichea wandu wa Israeli na angu wamerie kuwona seji wawuyakorongwa, wikaghoghomesha vongo vawo na kutasa.

KUFUMA 4:5

BWANA ukaghamba, “Bonya huwo wipate kurumiria angu Mlungu wa weke ndee, Mlungu wa Abrahamu, wa Isaaka, na wa Jakobo wakufutukie.”

ISAYA 19:1

Agha nigho malagho aighu ya Misri, ola BWANA uacha Misri naiseghe wajoka aighu iwingunyi. Milimu ya Misri ichasughusika imbiri kwake, na wandu wa Misri wichafwa ngolo.

ISAYA 7:9

Muzi m'baa ghwa Israeli ni Samaria, na m'baa waro ni Mzuri Peka mwana wa Remalia. Kukalegha kurumiria, loli ndekuchaamanga.’”

MITALO 12:5

BWANA ukasea andenyi ya nguro ya iwingu, na kukaia kimusi mnyangonyi ghwa Hema; ukawiwanga Haruni na Miriamu, nawo wose wikasoghoda imbiri.

MATHAYO 17:5

Nao iji orekoghe ukighora agho, iwingu ja chokwa jikawifinikira, na lwaka lukasikirika andenyi ya ijo iwingu, “Uhu ni Mwana wapo mkundwa, uniboiagha loli-loli, msikirenyi.”

MARKO 9:7

Aho jikacha iwingu, jikawingiria kiju, na lwaka lukasikirika kufuma iwingunyi, “Uhu ni Mwana wapo mkundwa, msikirenyi.”

LUKA 10:16

Nao Jesu ukawizera wanughi wake, “Uo umsikiragha inyo, uanisikira ini, na uo umleghagha inyo, uanilegha ini, na uo unileghagha ini, uamlegha uo orenidumieghe.”

WUKUMBUSO 4:10

seji morewonieghe iji morekoghe kimusi imbiri ya BWANA Mlungu onyu aja Mghondi ghwa Sinai ngelo orenizerieghe, ‘Nikwanyire wandu, nipate kuwibonya wisikire malagho ghapo, eri wipate kukufundisha kuniobua matuku ghose wichaakaia moyo ndoenyi; nawo wipate kuwifundisha wana wawo wokoni.’

WUKUMBUSO 4:36

Orekusighieghe kusikire lwaka lwake kufuma mlungunyi, eri upate kukufundisha; ukakusigha kuwone modo ghwake m'baa andoenyi, na oho kukalusikira lwaka lwake kufuma modonyi.

WUFUNUO 1:7

Olenyi uacha mawingunyi, na kula iriso jichammbona, na kula mundu oremdungieghe, na wandu wa mbari rose ra ndoenyi, wichakema mchungu kwa wundu ghwake. Niko koni. Amen.