KUFUMA 14:4 - Biblia Ilagho Jiboie Kwa Wandu Wose

⁴ Nani nichaikurisha ngolo ya Farao, nao uchamnugha. Na wusimi ghwapo aighu ya Farao na majeshi ghake ghuchaniredia wubaa; niko Wamisri wichamanya kukaia Ini ne BWANA.” Nao Waisraeli wikabonya sa iji koni wereghoreloghe.

KUFUMA 14:4 Խաչաձեւ Հղումներ

NEHEMIA 9:10

Korewonyereghe weke mwakilimbiti na mashiniko kwa mzuri na wadumiki wake wose, na wandu wose wa isanga jake, angu koremanyireghe seji wiwikorongie wandu wako. Kukakubonyera kumoni irina, sa iji koni jiko idime.

KUFUMA 10:2

na oho kupate kuwighoria wana wako, na weke wawayo seji nerewikitireghe Wamisri, na awo weke mwakilimbiti nerewibonyereghe aghadi kwawo, mpate kumanya angu Ini ne BWANA.”

KUFUMA 10:27

Ela BWANA ukaikurisha ngolo ya Farao, hata nderewisighieghe wighende anduangi.

KUFUMA 12:28

Wikaghenda na kubonya sa iji koni BWANA orewilaghirieghe Musa na Haruni.

KUFUMA 14:23

Wamisri wikawinugha na kungia ghadi na ghadi ya bahari, farasi rose ra Farao, magare ghake, na wajoki farasi wake.

KUFUMA 14:25

Ukaghikwamisha magurudumu gha magare ghawo hata ghikakaia ghikighenda kwa wasi. Wamisri wikaghamba, “Nndokonyi diwikimbie Waisraeli, angu BWANA wawuyalwa nesi kwa wundu ghwawo.”

KUFUMA 14:3

Na Farao uchaghesha wei Waisraeli waatangalwa ni kireti, nawo waawuyamara-mara isangenyi.

KUFUMA 14:5

Hata iji mzuri wa Misri waghorelwa angu awo wandu wameria kughenda, Farao na wadumiki wake wikaghalusa maghesho aighu ya Waisraeli na kughamba, “Dabonya wada huwu? Dawilekeria Waisraeli wighende wisedidumikie!”

KUFUMA 14:8

BWANA ukaikurisha ngolo ya Farao mzuri wa Misri, nao ukawinugha Waisraeli ngelo werekoghe wikighenda kwa wuing'oni.

KUFUMA 18:11

Idana namanya angu BWANA ni m'baa kuchumba milungu yose, angu orekirieghe wandu kufuma mikonunyi kwa Wamisri, iji werekoghe wikiwikoronga.”

KUFUMA 6:7

nani nichammbusa mkaie wandu wapo, nani nikaie Mlungu onyu; niko mchamanya angu ini ne BWANA, Mlungu onyu; Uo umfunyire mfume kwa wuzumba ghwa Wamisri.

KUFUMA 7:17

BWANA waghora huwu, “Mchanimanya kukaia ne BWANA kwa chia ihi, nichaghikaba machi gha moda ghwa Naili kwa zobo ihi iko mkonunyi kwapo, nagho ghichawuya bagha.

KUFUMA 7:3

Ela nichaikurisha ngolo ya Farao, hata ngera nichachuria weke mwakilimbiti na mashiniko andenyi ya isanga ja Misri,

KUFUMA 7:5

Niko Wamisri wichamanya angu ini ne BWANA, ngelo nichaaghorua mkonu ghwapo aighu ya Misri, na kuwifunya wandu wa Israeli kufuma kwawo.”

KUFUMA 9:16

ela neekusigha moyo tu nipate kuwonyera ndighi rapo, eri irina japo jipate kughorwa ndoenyi kose.

EZEKIELI 20:9

Ela kwa wundu ghwa irina japo serebonyereghe huwo; eri jisechesholelwa na kulushwa imbiri ya mbari ra wandu iro werekaieghe aghadi yawo; awo ini nerekumanyishireghe nimoni kwawo kwa kuwizera Waisraeli nichawifunya isanga ja Misri.

EZEKIELI 28:22

kughambe kukaia ini, Bwana MLUNGU naghamba huwu: Ola nichalwa na oho ee Sidoni, nani nichawonyera wubaa ghwapo aghadi kwako; na wandu wichamanya kukaia ini ne BWANA, iji nichaareda kutanya aighu yako, na kufunukua wueli ghwapo kwako.

EZEKIELI 32:15

Ngelo nichaajibonya isanga ja Misri jisigho iduu, na kuinja kula kilambo chiko andenyi yaro, ngameria kuwikaba wandu wose wikaiagha aho, niko wichaamanya kukaia ini ne BWANA.

EZEKIELI 38:16

Kuchawichea wandu wapo Israeli sa ikungughu, kupate kulwa nawo; kuchafinikira isanga jose. Matuku gha kutua nichakureda kupate kujikaba isanga japo, eri iro mbari ra wandu ripate kunimanya, ingelo nichaawonyera wueli ghwapo imbiri kwawo kwa kukutumia oho ee Gogu.

EZEKIELI 38:23

Nani nichawonyera wubaa ghwapo na wueli ghwapo, na kukumanyisha ini moni imbiri ya iro mbari nyingi ra wandu. Niko wichamanya kukaia ini ne BWANA.”

EZEKIELI 39:13

Wandu wose wa isangenyi wichawirika, nawo wichanekwa ishima kwa ijo ibonyo, ituku nichaakaia ngiwonyera wubaa ghwapo, ini Bwana MLUNGU naghamba.

WALAWI 10:3

Nao Musa ukamzera Haruni, “Huwu niko BWANA oreghoragha, ‘Nichakuwonyera ini moni kukaia mweli kwa kula mundu unisoghoderagha, nani nichanekwa wubaa imbiri ya wandu wose.’” Haruni ukanyama kima chake.

WAROMA 11:8

sa iji koni iandikilo, “Mlungu oowineka roho ya wukelu, meso ghisewonagha, na madu ghisesikiragha hata idime.”

WAROMA 9:17

Angu Maandiko ghaghora huwu kwa Farao, “Nakuwikie kukaie m'baa, kwa wundu ghwa kuriwonyera ndighi rapo kwako; eri irina japo jieresho ndoenyi kose.”

WAROMA 9:18

Niko huwu Mlungu wadamfuya wughoma uo ose seji ukundagha, na kumkurisha ngolo uo ose seji ukundagha.

JOSHUA 11:20

Angu ni BWANA moni orewikurishireghe ngolo wilo na Waisraeli, eri wipate kutoteshwa wose kuseko na wughoma ghungi sa iji koni BWANA oremlaghirieghe Musa.

WATANYI 4:7

Nani nichamreda Sisera, m'baa wa majeshi gha Jabini, chiaimweri na majeshi ghake, na magare ghake, upate kulwa na oho modenyi ghwa Kishoni; nani nichamfunya mikonunyi kwako kupate kumsima.’”