KUFUMA 13:16 - Biblia Ilagho Jiboie Kwa Wandu Wose

¹⁶ Mawiko agha ghichakaia lukumbuso sa kilambo chifungilo kikoto na wushunyi kwako; kwa kukaia BWANA orekufunyireghe Misri kwa ndighi mbaa.”

KUFUMA 13:16 Խաչաձեւ Հղումներ

NEHEMIA 1:10

“Awa ni wadumiki wako BWANA korewivuvueghe kwa ndighi na kudima kwako kubaa.

ZABURI 136:11

Orewifunyireghe wandu wa Israeli kufuma Misri; lukundo lwake lukatie lwadua kwa kala;

KUFUMA 12:13

Bagha niyo ichaakaia alama enyu aighu ya nyumba mchaakaia, hata iji naiwona bagha, nichamuida; na ikabo jingi ndejichaampata jemtotesha ngelo nichaakaia ngijikaba isanga ja Misri.

KUFUMA 12:41

Na kutua kwa iyo miaka maghana ana na mirongo idadu, jija ituku jeni, majeshi gha BWANA ghikafuma isanga ja Misri.

KUFUMA 13:14

Matuku ghichagha, mwana wako wa womi ukakukotia kutambua kwaro agho mawiko, kuchamzera, ‘Derefunyiroghe wuzumbenyi Misri ni BWANA, kwa ndighi mbaa.

KUFUMA 13:9

Mawiko agha ghichakaia lukumbuso, sa kilambo chifungilo kikoto na wushunyi kwako; kupate kuiwadia Sharia ya BWANA, angu orekufunyireghe Misri kwa ndighi mbaa.

KUFUMA 6:1

Ela BWANA ukamzera Musa, “Idana kuchawona seji nichaam'bonya Farao; angu nichamlazimisha uwifunye wandu wapo, ee nichamlazimisha uwiwinge wifume isangenyi jake.”

KUFUMA 6:6

Kwa huwu kuwizere wandu wa Israeli, ‘Ini ne BWANA, nani nichamfunya mfume kwa iyo mizigo ya Wamisri, mfume wuzumbenyi ghwawo. Nichamkombua kwa mkonu ghughorokie ghwa ndighi, nani nichawitanya;

MAKATANISHO 6:21

Kughiwike ngolonyi kwako ngelo rose; kughifunge singonyi kwako.

DANIELI 9:15

“Idana ee BWANA Mlungu odu, oho korewifunyireghe wandu wako kufuma isanga ja Misri kwa mkonu ghwa ndighi, na irina jako jikamanyika hata idime. Isi dabonyere kaung'a, dabonyere makosa.

MATHAYO 23:5

Mabonyo ghawo ghose wadabonya wikikunda kuwonwa ni wandu, angu waghibonya mafindikio ghawo na hemu ra nguwo rawo rikaie mbaa;

MABONYO GHA WADUMI 13:17

Mlungu wa awa wandu wa Israeli, orewisaghueghe weke aba, ukawibonya wikaie mbari mbaa iji werekoghe isanga ja Misri, na kwa ndighi mbaa ukawifunya aho;

WUKUMBUSO 11:18

“Kwa huwo mughiwike malagho ghapo ngolonyi konyu na akilinyi konyu, nenyo mughifunge vikotonyi konyu, na chamunyi konyu eri mughikumbukeghe.

WUKUMBUSO 26:8

nao ukadifunya Misri kwa ndighi rake mbaa reobosha; kwa alama na mashiniko.

WUKUMBUSO 5:15

Kumbuka angu korekoghe mzumba andenyi ya isanga ja Misri, na ini BWANA Mlungu wako ngakufunya aho kwa ndighi rapo mbaa na kudima; kwa huwo niko ini BWANA Mlungu wako nawuyakulaghira kujiwadie ituku ja Sabato.

WUKUMBUSO 6:21

Kuchamtumbulia huwu, ‘Isi dedeeka wazumba wa mzuri aja Misri, na BWANA ukadifunya aho kwa wudimi m'baa.

WATANYI 2:12

Wikasigha kumtasa BWANA, uo Mlungu wa weke ndee uo orewifunyireghe isanga ja Misri; wikazoya kutasa milungu mizima, na milungu ya awo wandu werekoghe mbai mbai kwawo. Wikaighoghomia hata BWANA ukajokwa ni machu.