KUFUMA 12:8 - Biblia Ilagho Jiboie Kwa Wandu Wose

⁸ Chija kio wichaja nyama iochelo, chiaimweri na mkate ghusewadie chachu, na malemba ghiwawie.

KUFUMA 12:8 Խաչաձեւ Հղումներ

2 MALAGHO GHA NGELO 35:13

Wikamuocha uo mwana wa ng'ondi wa Pasaka kunughana na Sharia, na vizongona va wueli wikavidoghosa nyungunyi, vighombonyi, na sufurienyi; wikawighenjera wandu wose kwa shwa-shwa.

ZABURI 22:14

Ndighi rapo ranisia sa machi ghadilwa andonyi; maindi ghapo ghose ghawinika, na ngolo yapo yakaia sa sungu yasagha andenyi kwapo.

KUFUMA 1:14

wikabonya maisha ghawo kukaia gha wasi kwa wundu ghwa kazi rikurie; kazi ya chokaa na matofali, na kula kazi ya mbuwenyi; kwa kula kazi yawo, werewidumikishireghe kwa kubia.

KUFUMA 12:9

Msakeja nyama ingi mbishi angu idoghosero kwa machi, ela mchaija iochelo yose putu; chongo chake, chiaimweri na maghu ghake, na vindo vake va ndenyi.

KUFUMA 13:3

Musa ukawizera wandu, “Mjikumbuke ituku iji, ijo morefumieghe Misri, andu morekoghe wuzumbenyi. Kwa kukaia BWANA oremfunyireghe aho kwa ndighi rake mbaa. Msakeja mikate iko na chachu.

KUFUMA 13:7

Mseje mkate ghuko na chachu kwa matuku mfungade; mkate ghwa chachu ghusewoneke kwako, hata chachu isewoneke andenyi ya isanga jako jose.

KUFUMA 23:18

“Kusefunye mkate ghungirilo chachu ngelo ebwagha kizongona; hata kusesighe mavuda gha nyamandu rifunyiro kizongona kwapo ngelo ya ndima iri, ghikaie hata nakesho.

KUFUMA 34:25

“Kusefunye mkate ghuko na chachu, iji kwakanibwaghia kizongona; na kilambo chingi cherebwaghiloghe kwa Ndima ya Pasaka chisakesigharika hata nakesho.

ISAYA 53:10

BWANA waghamba, “Erekoghe ni lukundo lwapo kumvonua, na kumngira wasinyi; ingelo orekufunyagha uo moni kizongona kwa wundu ghwa kaung'a, nao uchawona kivalwa chake, na kudua moyo matuku mengi, lukundo lwapo luchakatishwa kwa chia yake uo;

AMOSI 4:5

Funyenyi vizongona va chawucha va mkate ghwa chachu, mtangaze mafunyo ghifunywagha kwa ngolo, na kughighoragha; angu niko mkundagha inyo wandu wa Israeli!

ZEKARIA 12:10

“Nichawichura wandu wa nyumba ya Daudi na awo wikaiagha Jerusalemu roho ya wughoma na kulomba. Wichamzighana mundu were'bwahieghe kwa kumdunga na ndagha nawo wichamlilia mwana wa ititi; wichalila na ndighi seji mundu uliliagha mwana wake wa imbiri.

MATHAYO 16:12

Niko wanughi wake wikamanya angu odeeka ukiwizera wikulindie na mafundisho gha Mafarisayo na Masadukayo, ela si chachu ya mikate anduangi.

MATHAYO 26:26

Nao iji werekoghe wikija vindo, Jesu ukawusa mkate, ukafunya chawucha ukaghuchikanya ukawineka wanughi wake ukighamba, “Koonyi muje, ughu nigho mumbi ghwapo.”

WAGALATIA 5:9

Chachu ndini yadafurisha mufu ghose.

WUKUMBUSO 16:7

Mchidoghose na kuchija andu BWANA Mlungu onyu uchaakusaghua; nakesho mmbuye hemenyi konyu.

1 WATHESALONIKE 1:6

nenyo mkakufwananisha nesi, na kukufwananisha na Bwana; angu morejiwusireghe ijo ilagho kwa wasi mungi, muko na kuboilwa kufumagha kwa Roho Mweli;