KUFUMA 12:6 - Biblia Ilagho Jiboie Kwa Wandu Wose

⁶ Kummbike hata ituku ja ikumi na inya ja ughu mori, ngelo ikwanyiko jose ja Waisraeli wichaabwagha wana wa ng'ondi wawo nakenyi.

KUFUMA 12:6 Խաչաձեւ Հղումներ

2 MALAGHO GHA NGELO 35:1

Josia ukabonya Pasaka ya BWANA andenyi ya Jerusalemu, nawo wikabwagha mwana wa ng'ondi wa Pasaka ituku ja ikumi na inya ja mori ghwa imbiri.

EZRA 6:19

Wandu werewurieghe kufuma wubarishonyi werebonyereghe Pasaka ituku ja ikumi na inya ja mori ghwa imbiri, ugho mwaka ghunughie.

KUFUMA 12:14

Mchakaia mkibonya ndima ya BWANA kwa wundu ghwa kukumbuka ituku iji vivalwa venyu vose; nenyo mchaitala kukaia ni Sharia ya matuku ghose.

KUFUMA 12:17

Nenyo mchaitala iyo Ndima ya Mikate Isewadie Chachu, angu ituku ijo jeni niko nerewifunyireghe wandu wenyu kufuma isanga ja Misri. Kwa huwo mchajitala ituku iji vivalwa venyu vose, kukaia ni sharia ya matuku ghose.

KUFUMA 12:18

Kufuma luma lwa kenyi lwa ituku ja ikumi na inya ja mori ghwa imbiri, hata luma lwa kenyi lwa ituku ja mirongo iwi na imweri ja mori ghwa imbiri, mchaja mikate isewadie chachu.

KUFUMA 12:47

Waisraeli wose wichaiwadia sharia ihi.

KUFUMA 16:1

Nao ikwanyiko jose ja wandu wa Israeli wikafuma Elimu; na ituku ja ikumi na isanu ja mori ghwa kawi, nyuma ya kufuma Misri, wikavika kireti cha Sini; chiko ghadi na ghadi ya Elimu na Sinai.

KUFUMA 16:12

“Nasikira mazughunuko gha Waisraeli. Wizere angu wichaja nyama ngelo ya lumisimisi, na mikate ngelo ya luma lwa nakesho; niko aho mchamanya angu Ini ne BWANA Mlungu onyu.”

KUFUMA 19:1

Ituku ja imbiri ja mori ghwa kadadu, nyuma ya wandu wa Israeli kufuma Misri; wikacha kufuma Refidimu na kuvika kireti cha Sinai.

KUFUMA 29:39

Kuchafunya kizongona mwana wa ng'ondi umweri nakesho, na mwana wa ng'ondi umweri nakenyi.

KUFUMA 29:41

Mwana wa ng'ondi wa kawi kumfunye kizongona nakenyi, na vipimo vija veni va mufu, mavuda, na divei; seji kubonyereghe nakesho. Agho ghichakaia kizongona cha vindo kwapo. Irumba jaro janiboiagha na ndighi.

ISAYA 53:6

Isi diwose dalagharie kara kara na ng'ondi, kula umu odu ukaighalukia chia yake moni; na BWANA ukamdukishira mawiwi ghedu ghose.

EZEKIELI 45:21

“Ituku ja ikumi na inya ja ugho mori ghwa imbiri, m'bonye Ndima ya Pasaka; mchaja mkate ghusewadie chachu kwa matuku mfungade.

WALAWI 23:5

“Ndima ya Pasaka, iwikilo kwa wundu ghwa kumneka BWANA ishima, ichazolwa nakenyi ya ituku ja ikumi na inya ja mori ghwa imbiri.

MITALO 28:16

Ituku ja ikumi na inya ja mori ghwa imbiri ni Pasaka ya BWANA.

MITALO 28:18

Ituku ja imbiri mkwanyike kwa wutasi; mndungi usebonye kazi;

MITALO 9:11

Wiibonye luma lwakenyi lwa ituku ja ikumi na inya ja mori ghwa kawi; wiije na mkate ghusewadie chachu, chiaimweri na mbogha ra malemba ghiwawie.

MATHAYO 27:20

Wakohani wabaa na waghosi werewishingirieghe wandu wimlombe Baraba, na Jesu utotesho.

MATHAYO 27:25

Wandu wose wikaghamba, “Bagha yake ndeikaie aighu yedu na aighu ya wana wedu!”

MARKO 15:1

Hata nakesho kio, wakohani wabaa, waghosi, walimu wa Sharia na wandu wa mwandu wose, wikabonya njama chia imweri, wikamfunya Jesu na kumghenja kwa Pilato.

MARKO 15:11

Nao wakohani wabaa wikajishingira izungu wilombe wifunguilo Baraba, wulalo ghwa Jesu.

MARKO 15:25

Erekoghe saa idadu nakesho iji weremsulubishagha.

MARKO 15:8

Nao izungu ja wandu wikakwanyika, wikazoya kumkotia Pilato uwibonyere sa iji mzango ghwake ghorekoghe.

LUKA 23:1

Niko wandu wose wikawuka kimusi na kumghenja Jesu kwa Pilato.

LUKA 23:18

Ela wose wikaghora kwa lwaka lubaa, “Mwinje noko uhu kudifunguye Baraba!”

MABONYO GHA WADUMI 2:23

Uo Jesu, orefunyiroghe konyu kwa mpango tiki ghoremanyikieghe kwa Mlungu; nenyo mkamsulubisha na kum'bwagha kwa mikonu ya wandu wawiwi.

MABONYO GHA WADUMI 3:14

Ela inyo moremleghieghe uja Mweli, uo Mhachi; mkakunda mfunguilo m'bwaghi wandu.

MABONYO GHA WADUMI 4:27

Angu loli Herode na Pontio Pilato, chiaimweri na wandu wa mbari zima na Waisraeli, werekwanyikieghe andenyi ya muzi ughu wilo na mdumiki wako Jesu, uo koremshingieghe mavuda.

JOSHUA 5:10

Ngelo wandu wa Israeli weredungieghe kambi Gilgali, werebonyereghe Pasaka luma lwa kenyi lwa ituku ja ikumi na inya ja ugho mori.