KUFUMA 12:12 - Biblia Ilagho Jiboie Kwa Wandu Wose

¹² Angu nichaida aghadi ya isanga ja Misri kio icho, na kuwibwagha wavalwa wa imbiri wose wa isanga ja Misri; mdamu na nyamandu wori; nichaitanya milungu yose ya Misri, Ini ne BWANA.

KUFUMA 12:12 Խաչաձեւ Հղումներ

MITALO 33:4

Ingelo Wamisri werekoghe wikirika wavalwa wawo wa imbiri, awo BWANA orewibwaghieghe aghadi kwawo, ukiwonyera seji uko na ndighi kuchumba milungu yawo.

KUFUMA 12:23

Angu BWANA uchaida ukiwibwagha Wamisri; na iji wawona bagha kizingitinyi cha ighu na vizingitinyi viwi va mnyango, uchaghuida ugho mnyango, nao ndechaamsigha uo mtoteshi ungie andenyi ya nyumba renyu kum'bwagha anduangi.

ZEFANIA 2:11

BWANA uchawiobosha. Uchaimeria milungu yawo na kuibonya kukaia si kindo chingi, na kula mbari ichamtasa BWANA isangenyi kwake.

EZEKIELI 12:16

Ela nichabonya watini wawo wifufunuke icho kifwa cha lufu na cha njala na cha saka izamie, eri ingelo wiko aghadi ya iro mbari ra wandu wirighendiagha, wipate kurumiria ugho wuchafu ghwawo wereghubonyereghe na kumanya kukaia Ini ne BWANA.”

JEREMIA 43:13

Ucharinona fwana retasa riwikilo Heliopolisi aho Misri, na kurikora hekalu ra milungu ya Misri.”

ISAYA 19:1

Agha nigho malagho aighu ya Misri, ola BWANA uacha Misri naiseghe wajoka aighu iwingunyi. Milimu ya Misri ichasughusika imbiri kwake, na wandu wa Misri wichafwa ngolo.

ZABURI 82:6

Ini naghamba, “Inyo mo milungu; inyo mmbose, mo wana wa Uo-Uko-Aighu-Nandighi.

ZABURI 82:1

Mlungu waseria kifumbi chake cha mwandu ghwa mlungunyi; waawuyatanya aghadi ya milungu.

KUFUMA 6:2

Nao Mlungu ukamzera Musa, “Ini ne BWANA.

AMOSI 5:17

wandu wichakaia wikilila andenyi ya mbuwa rose ra mizabibu, kwa kukaia nichaida aghadi konyu ngimkaba;” waghamba BWANA.

1 MALAGHO GHA NGELO 14:12

Wafilisti wikasigha milungu yawo aho, na Daudi ukafunya momu ikoro, nayo ikakorwa.

1 SAMUELI 5:3

Nao ituku ja kawi nakesho kio, wandu wa Ashdodi wikawona kukaia Dagoni wamerie kughwa kiwushu-wushu imbiri ya Sanduku ya Mlungu. Niko wikammbusira na kummbika kimusi andu orekoghe.

KUFUMA 22:28

“Kusakemdukana Mlungu, hata kusakemmbwasira njowe m'baa wa wandu wako.

1 SAMUELI 6:5

Kwa huwo ni suti m'bonye fwana ra mbama renyu na fwana ra mbewa renyu iro rawuyanona isanga, nao mumneke Mlungu wa Israeli wubaa, aho kewada wadima kuleka kumkaba inyo, na milungu yenyu, na isanga jenyu.

KUFUMA 21:6

niko BWANA wake uchamghenja kwa Mlungu, mnyangonyi ghwa nyumba etasira, nao uchamturua kudu kwake na uma; nao uchamdumikia irangi jake jose.

KUFUMA 18:11

Idana namanya angu BWANA ni m'baa kuchumba milungu yose, angu orekirieghe wandu kufuma mikonunyi kwa Wamisri, iji werekoghe wikiwikoronga.”

ZABURI 135:8

Orewibwaghieghe wavalwa wa imbiri wa Misri, wa wadamu na wa nyamandu wori.

JEREMIA 43:12

Nichakora hekalu ra milungu ya Misri, naro richahia; na Nebukadnezari uchaikora milungu yawo, angu kuidwa wunyika. Na sa iji koni mlisha uoghoshagha nguwo rake risekaie na inda, huwo koni mzuri wa Babuloni uchaelesha isanga ja Misri na kughala kwa sere.

JEREMIA 46:25

BWANA wa majeshi uo Mlungu wa Israeli waghamba, “Ola nichareda ikabo aighu ya Amoni mlungu ghwa Thebesi, na aighu ya mzuri wa Misri na milungu yake, na wazuri wake; aighu ya Farao chiaimweri na wose wawuyamsuwiria.

KUFUMA 9:6

Nakesho yaro, BWANA ukabonya ijo ilagho; na mfugho rose ra Wamisri rikafwa; ela mfugho ra wandu wa Israeli ndererefueghe hata imweri anduangi.

ZABURI 91:7

Wandu elfu wadima kufwa kaavui nakumoni; elfu ikumi chia rose kwako; ela oho ndekuchaawona ilagho jingi.

ZABURI 95:3

Angu BWANA ni Mlungu m'baa, na Mzuri m'baa kuchumba milungu yose.