KUFUMA 10:9 - Biblia Ilagho Jiboie Kwa Wandu Wose

⁹ Musa ukamzera, “Dichaghenda chiaimweri na wana wedu na waghosi wedu; dichaghenda chiaimweri na wana wedu wa womi na wa waka, ng'ondi na mfugho redu, angu suti dibonye ndima kwa BWANA.”

KUFUMA 10:9 Խաչաձեւ Հղումներ

KUZOYA 50:8

Wokoni na nyumba yose ya Josefu, waruna wose na kinyumba chose cha ndee, wikaghendanya nao. Wandu weresigharikieghe Gosheni ni wana watini, andwamweri na ng'ondi, mburi, na ng'ombe.

KUFUMA 10:10

Farao ukaghamba, “Aho loli mchakaia na BWANA, ikakaia jingi namsigha mghende na wana wenyu! Nawona moko na maghesho ghizamie inyo.

KUFUMA 10:26

Mfugho redu wori suti dirido; ndeichasigharika kochokocho ingi aha, kwa kukaia ni suti dirido dipate kumdumikia uo BWANA Mlungu odu; angu ndedimanyagha ni nyamandu riao rifwanagha kwa kumdumikia BWANA, hata dameria kuvika aho.”

KUFUMA 12:32

Donyi ng'ondi renyu na ng'ombe renyu mghende, nani moni wori munirasimie!”

KUFUMA 12:37

Waisraeli wikazoya charo kufuma Ramesesi hata Sukothi, mtalo ghwawo sa wandu wa womi elfu maghana arandadu, kuseko na kutala waka na wana.

KUFUMA 12:38

Na wandu wazima walazi wori wikaghendanya nawo, andwamweri na mfugho nyingi, ng'ondi na mburi wori.

KUFUMA 13:6

Mchaja mikate isewadie chachu kwa matuku mfungade. Ituku ja mfungade mchakaia na ndima ya BWANA.

KUFUMA 3:18

“Wandu wapo wichasikira lwaka lwako, na oho chiaimweri na waghosi wa Israeli mchaghenda kwa mzuri wa Misri mumzere, ‘Bwana, uo Mlungu wa Waebrania wakwana nesi, idana dakulomba kudisighe dighende charo cha matuku adadu kireti, dipate kumfunyira uo Mlungu odu kizongona.’

KUFUMA 5:1

Konyuma Musa na Haruni wikaghenda kwa Farao wikamzera, “BWANA, uo Mlungu wa Israeli waghora huwu, ‘Wisighe wandu wapo wighende, eri winibonyere ndima kireti.’”

KUFUMA 5:3

Musa na Haruni wikatumbulia, “Mlungu wa Waebrania wakwane nesi; dakulomba kudisighe dighende charo cha matuku adadu kireti, dipate kumfunyira Mlungu odu kizongona, usechedikaba kwa makongo angu kwa lufu.”

MAKATANISHO 3:9

Kum'bonyere BWANA ishima kwa kumfunyira mali rako, na kwa kumneka mavalo ghako ghose gha imbiri gha mbuwenyi kwako.

MCHILI 12:1

Kwa huwo kumkumbuke Muumbi wako ngelo kuko mdawana; imbiri matuku na miaka ya wasi isechee; ingelo kuchaaghora “Siwueboilwa ni irangi.”

MITALO 29:12

Ituku ja ikumi na isanu ja mori ghwa mfungade, mkaie na ikwanyiko ja wutasi. Msebonye kazi, ela mchakaia na Ndima ya BWANA kwa matuku mfungade.

WAEFESO 6:4

Weke aba, msakewinona ngolo wana wenyu, hata wivikie kukaia na machu; ela muwilele kwa mawonyero na mafundisho gha Bwana.

JOSHUA 24:15

Na ikakaia mwalegha kumdumikia, msaghuo idime iji ngera ni milungu iyo eredumikiloghe ni weke ndeyo aho Mesopotamia angu ngera ni milungu ya Waamori awo mwawuyakaia isanga jawo; ela ini na nyumba yapo nichamdumikia BWANA.”