KUFUMA 10:22 - Biblia Ilagho Jiboie Kwa Wandu Wose

²² Musa ukaghorua mkonu ghwake nokoighu, na kira kibaa na ndighi chikangia isanga jose ja Misri kwa matuku adadu.

KUFUMA 10:22 Խաչաձեւ Հղումներ

AYUBU 5:14

Waserelwa ni kira nadime, nawo waadada-adada dimeghadi seji ni kio.

ZABURI 105:28

Mlungu ukasera kira isangenyi, ela Wamisri ndeweremsikireghe anduangi.

KUFUMA 20:21

Ela wandu wikakia kula wokoni, ingelo Musa orekoghe ukisoghoda kaavui na ijo iwingu jikambie kira, aho Mlungu orekoghe.

ISAYA 8:22

Sena wichazighana andoenyi, nawo ndewichaawona kindo chingi ela bugha na wasi ghobwagha ngolo; nawo wichakumbwa andenyi ya kira kibaa.

EZEKIELI 32:7

Ngelo nakunona, nichafinikira mlungunyi, na nyerinyeri richawuya kira; nichajifinikira iruwa na mawingu, na mori ndeghuchaafunya miengere yaro anduangi.

EZEKIELI 32:8

Miengere yose ya mlungunyi nichaibonya iwuye kira, na kungira kira isangenyi kwako, ini Bwana MLUNGU naghamba.

JOELI 2:2

Ni ituku ja kira na wasi, ituku ja mawingu na kira kibaa. Izungu ja zighe jangia na kufinikira mighondi. Jareda kukamba kwa kira jingi chisewonekie, hata ndechichaawoneka huwu sena anduangi.

JOELI 2:31

Iruwa jichasera kira, na mori ghuchawuya ghwa ngundu sa bagha, imbiri ijo ituku ibaa ja BWANA jeobosha jisechee.

AMOSI 4:13

BWANA nuo orebonyereghe mighondi. Nuo ubonyere mbeo iweteghe, na kumghoria mdamu maghesho ghake; nuo ughalusagha dime iwuye kio. Wadasela aighu ya mighondi ya ndoenyi. Irina jake ni BWANA, uo Mlungu Uwadie-Ndighi-Rose.

AMOSI 4:7

Nereghirieghe vua isenye ingelo eresighiloghe meri idadu tu ekuwida. Ngakaia nginyesha vua muzi ghumu na kuima muzi ghumu; vua erenyieghe mbuwa imu, na mbuwa imu ndeerenyieghe hata viro vikaoma.

WUKUMBUSO 4:11

“Muwighorie wana wenyu seji morekaieghe kimusi aisi ya ugho mghondi ghorefinikiroghe ni iwingu jikambie, na ikungughu ja mosi na lumu lwa modo lukumbikagha cha mawingunyi.

WUKUMBUSO 5:22

“BWANA oreghorieghe malagho agha kwa ikwanyiko jenyu jose aho mghondinyi, aghadi ya modo, iwingu na kira chikambie, na lwaka lubaa; hata nderechurieghe ilagho jingi. Nao ukaghiandika aighu ya vishawalata viwi va magho, ukanineka.

WUFUNUO 16:10

Nao malaika wa kasanu ukawada bakuli yake, na kudia aighu ya kifumbi cha nguma cha iyo nyamandu, na wuzuri ghwake ghukangilwa ni kira. Wandu wikaluma chumi rawo kwa kuwawa kubaa,