KUFUMA 1:17 - Biblia Ilagho Jiboie Kwa Wandu Wose

¹⁷ Ela awo waka wevarisha werekoghe wikimuobua Mlungu, kwa huwo wikalemwa ni kubonya seji mzuri orewilaghirieghe, wikawisigha wana wa womi wikaie moyo.

KUFUMA 1:17 Խաչաձեւ Հղումներ

KUZOYA 20:11

Abrahamu ukamzera, “Nedeghesha wei wandu ndewimuobuagha Mlungu aha, nawo wichanibwagha kwa wundu ghwa muka wapo.

KUZOYA 42:18

Nao ituku ja kadadu Josefu ukawizera, “Ini namuobuagha Mlungu, bonyenyi huwu mpate kukaia moyo:

2 SAMUELI 24:4

Ela ilagho ja mzuri jikamsima Joabu chiaimweri na wabaa wose wa majeshi. Niko Joabu na wabaa wa majeshi wikafuma kwa mzuri, wighende kuwitala wandu wa Israeli.

NEHEMIA 5:15

Kula m'baa wa awo werekoghe imbiri yapo, werewidukishireghe wandu misigo ilemere, nawo werekoghe wikiwusa kufuma kwa wandu vindo na divei, kula na vibelele va feza mirongo ina. Hata wadumiki wawo werekoghe wikiwikoronga wandu. Ela ini serebonyagha huwo angu neremuobueghe Mlungu.

ESTA 3:3

Nao wadumiki wamu wa mzuri werekoghe mbengenyi ya ngome wikamkotia Mordekai, “Kwaki oho kumenyagha momu ghwa mzuri?”

ZABURI 31:19

Ni mungi saki ugho wucha ghwako, kuwiwikie awo wandu wikuobuagha oho! Kwaghubonyere imbiri ya wandu wose kwa wundu ghwa awo wikukimbiriagha oho.

KUFUMA 1:18

Mzuri wa Misri ukawiwanga awo waka wevarisha ukawizera, “Kwaki m'bonyagha huwu, muwisighaawana wa womi wikaie moyo?”

KUFUMA 1:21

Na kwa kukaia awo waka wevarisha weremuobueghe Mlungu, Mlungu ukawineka kivalwa.

MAKATANISHO 16:6

Kwa chia ya lukundo na wuloli, kaung'a yalekelwa; kwa chia ekaia na kuobua kwa BWANA, mundu wawikwa kula na wuwiwi.

MAKATANISHO 8:13

Kuobua kwa BWANA ni kuzamilwa ni wuwiwi, Nadazamilwa ni kukuduka na kukukasa, na chia mbiwi na kudeda kisha.

MCHILI 12:13

Kutua kwa malagho ni uku: Maza rose ramerie kusikirwa. Muobuo Mlungu na kuiwadia memu yake, angu ihi niyo kazi ya mdamu.

MCHILI 8:12

Mkaung'a wadima kubonya makosa mando ighana sena ukaie moyo. Naichi wadaghora wei mundu ukamsikira Mlungu, maza rimuendia nicha,

DANIELI 6:13

Nao wikamzera mzuri, “Danieli uja mundu wa waja wibarishiro kufuma isanga ja Juda ndekutalagha oho ee mzuri, hata ndeitalagha ija sharia kuingirie sahihi, ela wadamlomba Mlungu mando adadu kwa ituku.”

HOSEA 5:11

Israeli waawuyakorongeka; walaghashire isanga jerekoghe jake jeni, kwa kukaia orekoghe ukilola wutesia kwa wandu wisewadie kindo chingi.

MIKA 6:16

Kuchapatwa ni agha malagho angu kwaawuyanugha mafundisho gha Mzuri Omri, na gha mwana wake Mzuri Ahabu. Kwanughie njama rawo, nani nichakunona putu, na kula mundu uchakumenya. Kuchamenywa ni wandu kula andu.”

MATHAYO 10:28

Msakewiobua awa wibwaghagha mumbi wisedimagha kubwagha roho; ela muobuonyi uo udimagha kubwagha roho na mumbi kwa jehanamu.

LUKA 12:5

Ela nichammbonyera uo ufwane kuobolwa, muobuonyi uo nyuma ya kubwagha, uko nandighi rekumba jehanamunyi, ee namghoria, muobuonyi Uo.

MABONYO GHA WADUMI 5:29

Ela Petro na wadumi wambao wikatumbulia, “Ni suti dimsikire Mlungu kuchumba wadamu.

1 SAMUELI 22:17

Mzuri ukamzera umu wa walindiri wake, “Bwagha wakohani wose wa BWANA; kwa kukaia wawadane na Daudi; weremanyireghe wakimbia, wikalegha kunighoria.” Ela wadumiki wa mzuri wikalemwa ni kuwusira mikonu wibwaghe wakohani wa BWANA.