KILILO CHA JEREMIA 1:3 - Biblia Ilagho Jiboie Kwa Wandu Wose

³ Wandu wa Juda wadwalo wunyika na kubonywa wazumba; wakaia isanga izima jiseko jawo jeni. Warughailwa ni wamaiza wisedimagha kufufunuka.

KILILO CHA JEREMIA 1:3 Խաչաձեւ Հղումներ

2 WAZURI 25:11

Nebuzaradani, uo m'baa wa walindiri ukadwa masighariko gha wandu wunyika, awo orewikueghe aho, na awo werekimbirieghe cha kwa mzuri wa Babuloni, na izungu ja wandu wose ukaghenda Babuloni.

2 WAZURI 25:21

Mzuri wa Babuloni ukawikaba na kuwibwagha aho Ribla isanga ja Hamathi. Niko wandu wa Juda wikakaia wadwalwa wunyika na kufunywa isangenyi mzawo.

2 WAZURI 25:4

Hata ngera Wababuloni werekoghe waghurughaia ugho muzi, ela wurigha ghwa muzi ghorechikanyiroghe, na masikari ghose ghikakimbia nakio kwa chia ya mbenge ghadi na ghadi ya mawurigha awi, mbuwenyi kwa mzuri; wikaghenda kwa kunugha chia ya Vololo ya Jordani.

2 WAZURI 25:5

Ela masikari gha Babuloni ghikammbinga Mzuri Sedekia na kummbwada awurindinyi ghwa Jeriko; masikari ghake ghikasasarika chia rose, wikamsigha.

JEREMIA 13:19

Mizi ya Juda ya kusinyi yamerie kurughwa, ndekuwadie mndungi orugua minyango yaro; wandu wose wa Juda wamerie kudwalwa, wose putu wamerie kudwalwa cha wubarishonyi.

JEREMIA 16:16

“Olenyi nichadumiria wawadi samaki wengi nawo wichawiwada awo wandu; konyuma nichadumiria wadiwi, nawo wichawidiwa awa wandu kula mghondi na kula mghondi mtini, hata na chukororonyi ra magho.

JEREMIA 24:9

Nichawiredia wuwiwi ghoobolwa ni mawuzuri ghose gha ndoenyi, wipate kukaia masholio, na wandu wetanilwa na kusekwa na kutumia irina jawo sa wandu wiwadilo ni njowe andu kose nichaawisasara ndoenyi.

JEREMIA 39:9

Niko Nebuzaradani, uo m'baa wa majeshi, ukawidwa wunyika cha Babuloni awo wandu weresigharikieghe mzinyi; awo werekimbirieghe cha kwake na awo weresigharikieghe.

JEREMIA 52:15

Nao Nebuzaradani, uo m'baa wa majeshi, ukawidwa wunyika wandu wamu werekoghe wakiwa wichumbie, na masighariko ghose gha wandu werekoghe andenyi ya muzi, chiaimweri na awo werekimbirieghe cha kwa mzuri wa Babuloni, chiaimweri na mafundi gheresigharikieghe.

JEREMIA 52:8

Ela ijeshi ja Wababuloni jikamnugha mzuri; wikammbwada Zedekia aho wurindinyi cha Jeriko, na ijeshi jake jose jikasaghiswa kufuma kwake.

KILILO CHA JEREMIA 2:9

Mbenge raro reerikika, mirigho yaro ikaachika vipande vipande; mzuri na wandu wa ishima weebarishwa. Chuo cha Sharia ndechiwuefundishwa, na walodi ndewiwadie mafunuo ghangi kufuma kwa BWANA.

KILILO CHA JEREMIA 4:15

Wandu werekoghe wikiwikemia, “Ghendenyi noko wandu mseelie; mseniadade!” Kwa huwo wikamara-mara kufuma mbari hata mbari, hata ndewerekaribishiroghe ni mndungi.

KILILO CHA JEREMIA 5:5

Daawuyadumikishwa kwa ndighi; dasirilo, ela ndedinekwagha kuhora kungi.

EZEKIELI 5:12

Ifungu jenyu ja kadadu, jichafwa kwa saka izamie na kumerelwa ni njala aghadi konyu; na ifungu jimu ja kadadu jichafwa kwa wuda ghwa lufu ghuchaammara chia rose; na ifungu jimu ja kadadu nichajisasara andu kose, na kuwinugha nyuma kwa wuda ghwa lufu.

WUKUMBUSO 28:48

kwa wundu ugho, kuchawidumikia wamaiza wako, awo BWANA uchaawiduma kulwa na oho, kuko njala, na kau, kuko duu, sena kwasowekelwa ni vilambo vose. Nao uchakukoronga nandighi, hata umerie kukutotesha putu.