JONA 2:6 - Biblia Ilagho Jiboie Kwa Wandu Wose

⁶ Kondonyi kirimbenyi cha mighondi, neremilikieghe ngasea isangenyi, andu nerefinikiroghe sa kufungilwa na vuma kwa kala na kala. Ela oho korenijosereghe sa kufuma kinenyi ee BWANA Mlungu wapo.

JONA 2:6 Խաչաձեւ Հղումներ

AYUBU 33:24

Kwa wughoma ghwake ughambe, ‘Mleke. Kusemsighe ungie kaburinyi; napata wukomboli.’

AYUBU 33:28

Wanikirie nisefo, nani nichakaia moyo ngiboilwa ni mwengere.’

ZABURI 104:6

Kwaifinikire bahari sa nguwo, na machi ghikafinikira mighondi.

ZABURI 104:8

Ghereserieghe aighu mighondinyi na kungia vololonyi; andu korekuwikieghe ghikaieghe.

ZABURI 116:3

Kwa chia rose nedeeka ndengonyi ya kufwa; wowa ghwa kaburi ghorenipatireghe; ngachulwa ni wowa na kukambwa ni chongo.

ZABURI 143:7

Shashira kunitumbulie ee BWANA; nasowekelwa ni isuwirio. Kusakekuvisa nisekuwone, nisechekaia sa wandu wiserwagha kaburinyi.

ZABURI 16:10

Kwa kukaia ndekunisighagha nikaie Andu kwa Wafu, hata kumsigha Mweli wako uwone kuwoa kungi.

ZABURI 18:5

Nerecheloghe ni ndengwa ya kifwa, na shaghala ra kifwa rikakaia imbiri kwapo.

ZABURI 30:3

Ee BWANA kwaivuvue roho yapo isengie Andu kwa Wafu; kwanikirie nisengie kaburinyi.

ZABURI 30:9

“Eko fwaidaki iji nafwa na kungirwa kaburinyi? Welee, wafu wadima kukukasa? Wadima kueresha wuloli ghwako?

ZABURI 55:23

Ela oho ee Mlungu, kuchawikumba wabwaghi na wandu wa mikalo kaburinyi; ndewichaadua moyo hata nusu ya irangi jawo. Ela ini nichakurumiria oho.

ZABURI 65:6

Oho kwaimangishire mighondi kwa ndighi rako, kukifunga na wudimi sa mshipi. Kwaiwikie mighondi kwa ndighi rako.

ZABURI 69:2

Namilika andenyi ya mazozo ghimilie, na andu komaziria maghu ndekuko; nangirwa andenyi ya machi ghimilie nagho ghaawuyaida aighu yapo.

ISAYA 38:10

Nereghambieghe wei niafwa mkoo, nani nichaghenda Andu kwa Wafu, na kukaia aho matuku ghapo ghisigharikie.

ISAYA 38:17

Ola wasi ghwapo ghwaniredia mecha; kwa kunikunda, kwanilindirie nisechunuke andenyi ya kina cha kunoneka, kwa kukaia kwainjire kaung'a rapo rose kuseriwoneghe.

ISAYA 40:12

Mndungi wadima kupima machi na ngonde ya lui lwake? Angu kupima mawingu kwa mkonu ghwake? Nani udimagha kudungiria ndoe ra wurumwengu andenyi ya kikombe, angu kupima wulemeri ghwa mighondi mibaa na mitini?

EZEKIELI 26:20

aho niko nichakusera nokondenyi chiaimweri na wandu wiseagha cha kinenyi, kuendekanya na wandu wa kala, andenyi ya wurumwengu ghwa isi, andu kunonekie kufuma kala; kuchakaianya na wafu wikaigha aho kinenyi, hata ndekuchaakailwa angu kukaia chiaimweri na wandu wiko moyo anduangi.

EZEKIELI 31:14

Agho ghose gheebonyeka eri kughiria midi ingi mizima isezoghuo kuchumba kuvikia mawingunyi, hata ngera yanyoshere machi saki. Midi yose ewikilwa kufwa sa wadamu na kusea chiaimweri na awo wiseagha Andu kwa Wafu.”

HABAKUKI 3:10

Iji mighondi erekuwonieghe ikaobua; vua ikanya kufuma mawingunyi; machi mengi ghikaghona ndoenyi nandonyi, na mivo-mivo yaro ikawuka nokoighu.

HABAKUKI 3:6

Ukakaia kimusi ndoe yadasughusika; ukazighana tu, mbari ra wandu radasughisika. Mighondi mibaa ya kokala ikasaghasika, na mighondi mitini ya kokala ikaneng'ena, iyo mighondi oreiselieghe kokala.

MATHAYO 16:18

Nani nakuzera, Oho ko Petro, na aighu ya igho iji, nichajiagha ikanisa japo, hata kifwa ndechichaadima kujisima anduangi.

WUKUMBUSO 32:22

Nichajokwa ni machu sa lumu lwa modo nani nichakora kula kilambo ndoenyi. Ghuchasea hata Andu kwa Wafu, na kumeria miri ya mghondi.