JOHANE 8:56 - Biblia Ilagho Jiboie Kwa Wandu Wose

⁵⁶ Ndeyo onyu Abrahamu oreboiloghe angu ochaajiwona ituku japo, nao ukajiwona ukaboilwa.”

JOHANE 8:56 Խաչաձեւ Հղումներ

WAEBRANIA 11:13

Awo wose werefueghe andenyi ya irumirio wisepatire agho werelaghiriloghe, ela wereghiwonieghe kwa kula wikaboilwanya nagho; wikirumiria angu werekoghe waghenyi, na wandu wiidagha aha ndoenyi.

KUZOYA 22:18

Na kwa kivalwa chako, mbari rose ra ndoenyi richanilomba irasimio, angu oho kwalusikira lwaka lwapo.”

JOHANE 8:39

Nao wikamzera, “Aba odu ni Abrahamu.” Jesu ukawizera, “Ngera loli modeeka wana wa Abrahamu, kumangu mwabonya seji Abrahamu orebonyereghe.

MATHAYO 13:17

Namghoria loli, walodi wengi na wandu wa hachi werekoghe na bea eghiwona agha mughiwonagha ela ndewereghiwonieghe; na kusikira agha mughisikiragha, ela ndewereghisikireghe anduangi.

LUKA 10:24

Angu namghoria welee, walodi wengi na wazuri werekundieghe kuriwona iri muriwonagha inyo wisedime, na kusikira iri murisikiragha inyo, ela ndewerepatireghe anduangi.”

WAEBRANIA 11:39

Wandu awo wose, hata ngera werekumiloghe kwa wundu ghwa irumirio jawo, ndewerepatireghe agho gherelaghiriloghe anduangi.

JOHANE 8:37

Ini naichi angu moko kivalwa cha Abrahamu; ela sena mwawuyakunda kunibwagha, angu msewadagha mafundisho ghapo.

JOHANE 10:25

Jesu ukawitumbulia, “Namerie kumghoria nenyo ndemrumiriagha anduangi. Iro kazi niribonyagha kwa irina ja Aba, niro reni rinishuhudiagha ini.