JOHANE 8:44 - Biblia Ilagho Jiboie Kwa Wandu Wose

⁴⁴ Inyo mo wana wa ndeyo uja Mmbiwi, na bea rake niro reni mkundagha kuribonya. Uo orekoghe m'bwaghi kufuma kuzoya, hata na jingi ndekaiagha na loli, angu ndekuwadie loli ingi andenyi kwake anduangi. Iji waghora tee, wadaghora kikwake cheni: angu uo moni ni mtee, na ndee wa tee rose.

JOHANE 8:44 Խաչաձեւ Հղումներ

KUZOYA 3:15

Nichawika wumaiza aghadi yako na uo muka, na aghadi ya kivalwa chako na kivalwa chake. Uo uchachibara chongo chako, na oho kuchamluma ghimbe yake.”

1 WAZURI 22:22

BWANA ukaikotia, ‘Kumkalia-kalia wada?’ Ikatumbulia, ‘Nichaghenda ningire malagho gha tee andenyi ya walodi wake, wipate kuloda malagho gha tee.’ BWANA ukaghamba, ‘Oho kudima kumkalia, ghenda kumkalie, kuchasima.’

1 MALAGHO GHA NGELO 21:1

Nao Shetani ukawuka ukunde kulwa na Israeli, ukamngira Daudi ngolo ewitala wandu wa Israeli.

AYUBU 1:11

Ela idana inja ivi uko navo, kuwone seji uchaakuewia kukiwona woruwu.”

MATHAYO 12:34

Inyo kivalwa cha choka! Mdima wada kughora malagho mecha mkikaia wawiwi? Angu mundu wadadeda ghaja gheni ghachua ngolonyi.

MATHAYO 13:15

Angu wandu awa wafue vongo, na madu ghawo ndeghisikiragha, na meso ghawo ndeghiwonagha. Ngera si huwo kumangu meso ghawo ghawona, na madu ghawo kumangu ghasikira, kumangu kwa akili rawo watambukilwa, wikanighalukia ini, nani kumangu nawikira.’

MATHAYO 13:38

mbuwa ni wurumwengu. Mbeu ndicha ni wana wa ugho wuzuri. Isaka jifwanane na ngano ni wana wa uo Mmbiwi;

JOHANE 6:70

Jesu ukawitumbulia, “Welee, si ini moni neremsaghueghe inyo ikumi na wawi? Ela sena umu onyu ni Mmbiwi!”

JOHANE 7:17

Mndungi ukakunda kubonya agho ughikundagha Mlungu, uchamanya ngera agho mafundisho nifundishagha gheefuma kwa Mlungu angu ngera ni gha nguma rapo reni.

JOHANE 8:38

Ini naghora agho niwonyero ni Aba, ela inyo mwadabonya agho mzerelo ni ndeyo.”

JOHANE 8:41

Inyo mwaawuyabonya sa ndeyo.” Nao wikamzera, “Isi ndederevaloghe kwa chia ya kulaka, deko na Aba umweri, Mlungu moni.”

JOHANE 8:55

Inyo ndemumwichi, ela ini namwichi; nani ngaghamba simwichi, nichakaia mtee karakara na inyo; ela ini namwichi sena nadamsikira.

MABONYO GHA WADUMI 13:10

ukaghamba, “Mwana wa Mmbiwi oho! M'maiza wa hachi yose, kuchue mikalo na mawiwi ghose; ndekulekagha kurinona chia ra Bwana righorokie?

MABONYO GHA WADUMI 24:9

Wayahudi wikawadana wikirumiria kukaia malagho agho ghose ni loli.

MABONYO GHA WADUMI 5:3

Nao Petro ukamzera, “Anania, kwaki kwamneka Shetani wulalo ukachua ngolonyi kwako, hata kumkalie Roho Mweli na kuwikia mbai ifungu jimu ja pesa ra ndoe?

2 WAKORINTHO 11:3

Ela naobua angu mwadima kukalikia seji choka eremkalieghe Hawa kwa wukalo ghwake, nao mdime mwakusigha kuja kukufunya kwa loli kwa kuwadiana na Kristo.

1 PETRO 5:8

Kaienyi na akili mchereshe. M'maiza onyu, uo Ibilisi, waawuyamara-mara sa shimba irurumagha ikimlola mndungi ipate kumja.

2 PETRO 2:4

Mlungu nderewilekieghe awo weke malaika werebonyereghe kaung'a, ela orewikumbieghe jehanamunyi, na kuwingira andenyi ya vina viko ndenyi va kira; andu wawuyawikwa hata Ituku ja Kutanywa.

1 JOHANE 1:8

Dikaghamba wei ndediwadie kaung'a ingi, diakukalia diweni, na iyo loli ndeiko andenyi kodu anduangi.

1 JOHANE 2:21

Namuandikia, si angu wei ndemwichi iyo loli, ela ni kwa kukaia mwaiichi; nenyo mwamanya ndekuwadie tee ingi ifumagha kwa iyo loli anduangi.

1 JOHANE 2:4

Mndungi ukaghamba wei wamwichi, nao ndeisikiragha memu yake, ni mtee; na ija loli ndeiko andenyi kwake anduangi.

1 JOHANE 3:12

si sa Kaini uo orekoghe wa Uja Mmbiwi, hata ukam'bwagha mruna. Na kwaki orem'bwaghagha? Ni angu mabonyo ghake gherekoghe ghizamie, na gha mruna gherekoghe gha hachi.

1 JOHANE 3:15

Mundu uzamilwagha ni mruna ni m'bwaghi-wandu, nenyo mwamanya ndekuwadie m'bwaghi-wandu ungi uko na irangi ja kala na kala jikaiagha andenyi kwake anduangi.

JUDA 1:6

Na awo weke malaika wisererilindirieghe nguma rawo, ela werefumieghe andu werekoghe wikikaia, Mlungu orewifungieghe na minyororo ya kala na kala na kuwiwika andu kwa kira hata Ituku ibaa ja kutanywa.

WUFUNUO 12:9

Na iyo choka mbaa ikapotolwa, iyo choka ya kala, iyo iwangwagha Ibilisi na Shetani, uo mkalii wa wurumwengu ghose; nao ukapotolwa andoenyi chiaimweri na weke malaika wake.

WUFUNUO 13:14

Nayo yawikalia wandu wose wikaiagha ndoenyi kwa awo weke mwakilimbiti ererumiriloghe kuwibonya imbiri ya iyo nyamandu; ikiwilaghira angu wibonye fwana etaswa, kwa ishima ja iyo nyamandu ya imbiri ereshoghonologhe kwa lufu, na kukaia moyo sena.

WUFUNUO 2:10

Kusakeobua agho matiriro ghichaakuchea. Olenyi wamu wenyu mwalighisa kungirwa kifungonyi ni Ibilisi, upate kumtima; nenyo mchatirirwa matuku ikumi. Kukaie mloli hata kufwa, nani nichakuneka kirumbu cha irangi.

WUFUNUO 21:8

Ela weke mawowa, na awo wiserumiriagha, na wawiwi, na wabwaghi wandu, na walaki, na wasawi, na watasi milimu, na watee wose, ifungu jawo jichakaia andenyi ya iyo ndiwa iakagha modo na kibiriti; nacho ni kifwa cha kawi.”

WUFUNUO 22:15

Cha shighadi reko iro koshi, na wasawi, na walaki, na wabwaghi wandu, na awo witasagha milimu, na kula mundu uikundagha tee na kuibonya.

WUFUNUO 9:11

Reko na mzuri aighu yawo, uo malaika wa kina cha abuso; irina jake kwa Kiebrania wawangwa Abaddoni na kwa Kigriki ni Apolioni.