JOHANE 8:32 - Biblia Ilagho Jiboie Kwa Wandu Wose

³² nenyo mchaimanya ija loli, nayo loli icham'bonya kukaia wakitina.”

JOHANE 8:32 Խաչաձեւ Հղումներ

ZABURI 119:45

nani nichadua moyo kwa wuhuru, angu naghinugha mafundisho ghako.

ZABURI 25:5

Kunifundishe niduo moyo kunughana na loli yako. Angu oho ko Mlungu Mkiri wapo; nadakusuwiria oho matuku ghose.

MAKATANISHO 1:23

Ngamkania msikire; nichamneka njama ndicha, na kummanyisha agho nighiichi.

MAKATANISHO 1:29

Kwa kukaia morezamiloghe ni kumanya, mkalegha kumuobua BWANA.

MAKATANISHO 4:18

Ela chia ya wahachi ni sa mwengere ghwa ndoe kuela; ghuchuriagha kung'ala-ng'ala hata dime ivike.

ISAYA 2:3

Wandu wengi wichacha wikighamba, “Nndokonyi dighende mghondinyi ghwa BWANA, Hekalunyi kwa Mlungu wa Jakobo; upate kudifundisha seji ifwane dibonye, nesi dipate kubonya. Kwa kukaia sharia ichafuma Sioni, na ilagho ja BWANA jichafuma Jerusalemu.”

ISAYA 30:21

Kuchasikira lwaka lukighora nyuma yako, “Ola chia ni iyo, muinughe; ngelo mghalukagha mkonu ghwa kiwomi angu ghwa kiwaka.”

ISAYA 35:8

Chia mbaa ichakaia aho, nayo ichawangwa “Chia ya Wueli.” Mundu useelie ndechaidiria iyo chia, na wakelu ndewichaalaghaya aho.

ISAYA 54:13

Nichawifundisha wana wako wose, nawo wichawona nicha na sere.

ISAYA 61:1

Roho wa Bwana MLUNGU oko aighu kwapo, kwa kukaia BWANA orenishingieghe mavuda, nipate kuwiredia wandu wikorongelo malagho mecha; wanidumie niwirighite awa wifue ngolo, na kuwitangazira wuhuru ghwawo awo wandu widwalo wunyika; na awo wiko kifungonyi, malagho gha kufungulwa kwawo.

JEREMIA 6:16

BWANA waghora huwu, “Kaienyi kimusi chienyi ra matano mzighane, mkotie iro chia ra kala, andu iyo chia ndicha iko; mpate kughenda nayo, na kuhora rohonyi konyu. Ela wikaghamba, ‘Isi ndedichaaghenda nayo anduangi.’

HOSEA 6:3

Ndedilole kummanya BWANA. Kwa loli uchadichea sa kuela kwa ndoe, na seji vua ya kimu inyagha ndoenyi.”

WALAWI 25:41

niko ufume kwako chiaimweri na wana wake, na kughenda cha mzawo andu ifwa ja ndee jerekoghe.

MALAKI 4:2

Ela konyu inyo munisikiragha, ndighi ra kukia kwapo richam'bukia sa iruwa, nenyo mchaboiswa. Mchaghenda mkirama-rama sa ngache rafuma wazenyi.

MATHAYO 11:29

Mkungire ghongolo yapo, mkufundishe kwapo, angu ne mundu wa wumboa ini, na wa ngolo ekusera, nenyo mchasikira kuhoa rohonyi konyu.

JOHANE 1:14

Nao Ilagho ukawuya mdamu uchue mvono na loli; ukakaia aghadi kodu, nesi dikaghuwona wubaa ghwake; nagho ni wubaa sa ghwa mwana wa ititi ufumie kwa Aba.

JOHANE 1:17

Angu Mlungu orefunyireghe Sharia kwa chia ya Musa, ela mvono na loli verechieghe kwa chia ya Jesu Kristo.

JOHANE 14:6

Jesu ukamtumbulia, “Ini nuo Chia, na Loli, na Irangi; mndungi ndedimagha kucha kwa Aba useidirie kwapo.

JOHANE 16:13

Ela kasikira wacha uja Roho wa loli, uchamghenja kwa loli rose; angu ndechaaghora kwa nguma yake moni anduangi, ela uchamghoria agho gheni ughisikiragha, sena uchamghoria maza richagha.

JOHANE 17:17

Kuwiwike wikaie wako weni kwa chia ya iyo loli; ijo ilagho jako niyo loli.

JOHANE 6:45

Walodi wereandikieghe, ‘Kula mundu uchafundishwa ni Mlungu.’ Uo ose umsikiragha uja Aba, na kukufundisha kwake, uchacha kwapo.

JOHANE 7:17

Mndungi ukakunda kubonya agho ughikundagha Mlungu, uchamanya ngera agho mafundisho nifundishagha gheefuma kwa Mlungu angu ngera ni gha nguma rapo reni.

JOHANE 8:36

Na Mwana ukam'bonya kukaia wakitina, mchakaia wakitina tiki.

WAROMA 6:22

Ela idana mmeria kufunywa kaung'enyi, na kuwuya wazumba wa Mlungu, fwaida mpatagha ni kueleshwa, na kutua kwaro irangi ja kala na kala.

WAROMA 8:15

Kwa kukaia ndemorewusireghe Roho wa wuzumba sena um'bonyagha kuobua, ela morewusireghe Roho um'bonyagha kukaia wana wa Mlungu, udidimishagha kummbanga, “Abba! Aba.”

WAROMA 8:2

Angu ija Sharia ya Roho wa irangi jiko andenyi ya Kristo Jesu, yanibonyere nisekaie aisi ya sharia ya kaung'a na kifwa.

1 WAKORINTHO 7:22

Angu uo orewangiloghe ni Bwana ngelo uko mzumba, ni mundu ufungulo andenyi ya Bwana. Huwo koni uo orewangiloghe usefungilo, ni mzumba wa Kristo.

WAGALATIA 5:1

Kwa wundu ghwa wuhuru, Kristo wadiwikie huru; kwa huwo, mangenyi gi, hata msakerumiria kungirwa ghongolo ya wazumba sena.

WAGALATIA 5:13

Angu inyo wanidu morewangiloghe mkaie huru, manyenyi mseghutumie wuhuru ghonyu kwa maza ra mumbi; ela mdumikiane mmbeni na mmbeni kwa lukundo.

2 TIMOTHEO 3:7

nawo wakufundisha tulituli, ela na jingi ndewidimagha kuvikia kuimanya iyo loli anduangi.

JAKOBO 1:25

Ela uo uizighanagha sharia ikatie, iyo iwikagha wandu huru, nao urumaghie, ukisikira useliwagha, ela wakaia m'bonyi ukatishagha, mundu uo ucharasimilwa kwa agho ubonyagha.

JAKOBO 2:12

Kwa wundu ugho, dedenyi na kubonya sa wandu mchaatanywa ni Sharia ya wuhuru.

1 PETRO 2:16

Mkaie sa wandu wiko huru, ela mseghutumie wuhuru ghonyu kukaia kifuniko cha mawiwi; ela mkaie sa wadumiki wa Mlungu.

2 JOHANE 1:1

Ini mghosi, nakuandikia oho mkeku msaghulwa na wana wako, niwikunde kwa loli; hata si ini moni niekeri anduangi, ela na awo wose wiimanyagha iyo loli wori;