JOHANE 8:11 - Biblia Ilagho Jiboie Kwa Wandu Wose

¹¹ Muka ukatumbulia, “Ndekuwadie ungi Bwana.” Jesu ukamzera, “Hata nani sikutanyagha; ghenda, ela kusebonye kaung'a sena.”]

JOHANE 8:11 Խաչաձեւ Հղումներ

AYUBU 34:31

“Keni Ayubu, jingi kwarumirie kaung'a rako imbiri ya Mlungu, kukamzera ndekuwuyaabonya sena?

MAKATANISHO 28:13

U mundu uvisagha makosa ghake ndepatagha mecha, ela uhu ughirumiriagha na kughisigha uchafuilwa wughoma ni Mlungu.

ISAYA 55:6

Mlolenyi BWANA, ingelo upatikagha, mmbangenyi ingelo uko kaavui;

LUKA 13:3

Namzera si huwo kungi; ela hata inyo ngera mseheagha, mchatota wokoni mmbose.

LUKA 13:5

Namzera si huwo kungi; ela hata na inyo ngera mseheagha, mchatota wokoni mmbose.”

LUKA 15:10

Namghoria, huwo koni koko na kuboilwa kwa weke malaika wa Mlungu, kwa wundu ghwa mkaung'a umweri uheagha.”

LUKA 15:32

Ni hachi putu kubonya maseko na kuboilwa, angu uhu mwanyinyu orekoghe ufue, nao hoyu oko moyo; orekoghe ulagharie, nao idana wawoneka.’”

LUKA 15:7

Namghoria huwo koni, kuchakaia na kuboilwa mlungunyi kwa wundu ghwa mkaung'a uheagha, kuchumba wandu wa hachi mirongo ikenda na ikenda wiseko na wundu ghwa kuhea anduangi.

LUKA 5:32

Ini serechieghe kuwiwanga wandu wa hachi anduangi, ela awo wiko wakaung'a wipate kuhea.”

LUKA 9:56

Nao wikaghenda muzi mzima.

JOHANE 18:36

Jesu ukamtumbulia, “Wuzuri ghwapo si ghwa wurumwengu ughu anduangi. Ngera wuzuri ghwapo ghodeeka ghwa wurumwengu ughu, kumangu wadumiki wapo wabonya wuda, eri nisewado ni Wayahudi; ela wuzuri ghwapo si ghwa wurumwengu anduangi.”

JOHANE 3:17

Angu Mlungu nderemdumieghe Mwana wake ughutanye wurumwengu anduangi, ela ughukire wurumwengu.

JOHANE 5:14

Konyuma Jesu ukamkua uja mundu Hekalunyi, ukamzera, “Ola kwaboisiro, lindia kusebonye kaung'a sena kuchepatwa ni ilagho jizamie kuchumba jija.”

JOHANE 8:15

Inyo mwadatanya kidamu, ela ini simtanyagha mndungi anduangi.

WAROMA 2:4

Angu kwaawuyaghumenya wungi ghwa wucha ghwake, na irumaghio jake ibaa; kusemanyagha angu wucha ghwa Mlungu ghwaawuyakuruda kupate kuhea?

1 WAKORINTHO 5:12

Anguu, ni kazi yapo kuwitanya wandu wa shighadi? Si awo wiko andenyi ya ikanisa ifwaneghe muwitanye?

WUKUMBUSO 16:18

“Mmbike watanyi na wabaa andenyi ya mizi yenyu yose mnekwagha ni BWANA Mlungu onyu, kunughana na vichuku venyu, wipate kutanya wandu kwa hachi.

WUKUMBUSO 17:9

mkavika kwa mkohani Mlawi, na mtanyi uko kazinyi ngelo iyo, muwikotie; nawo wichaghutanya.

2 PETRO 3:15

Nenyo talenyi kuja kurumaghia kwa Bwana odu kukaia ni kukia. Sa iji koni mkundwa odu mwanidu Paulo oremuandikieghe barua, kwa iyo hikima unekelo;