JOHANE 7:39 - Biblia Ilagho Jiboie Kwa Wandu Wose

³⁹ (Agho oreghighorieghe kwa wundu ghwa uo Roho wechaampata awo wirumiriagha kwake. Angu Roho nderefunyiroghe kwa kukaia Jesu nderekasiroghe kande anduangi.)

JOHANE 7:39 Խաչաձեւ Հղումներ

ZABURI 68:18

Orejokieghe aighu, ukiwilongoza wafungwa; ukawusa manosi kufuma kwa wandu, hata kufuma kwa waleghi; eri BWANA Mlungu upate kukaia aho.

MAKATANISHO 1:23

Ngamkania msikire; nichamneka njama ndicha, na kummanyisha agho nighiichi.

ISAYA 12:3

Mchadaya machi visimenyi va kukia kwa kuboilwa.

ISAYA 32:15

Maza richakaia huwo hata Mlungu udie Roho wake aighu kodu, na kireti chiwuye mbuwa inorie na kubusa vindo vingi sa msidu.

ISAYA 44:3

“Nichafunya machi kwa isanga jiomie, na meda ya machi kwa ndoe iomie. Nichadia Roho wapo aighu ya kivalwa chako, na wana wako nichawidiria marasimio ghapo.

JOELI 2:28

“Konyuma nichawidiria wandu wose roho wapo; wana wenyu wa womi na wa waka wichafunya ilagho japo. WAGHOSI wenyu wichaloda ndodo, na wandu wenyu wa irika wichawona mawono.

MATHAYO 16:14

Wikamtumbulia, “Wamu wadaghora oho ko Johane M'baputizi, wazima Elija, na wazima Jeremia angu umu wa walodi.”

MATHAYO 21:11

Wandu wiko izungunyi wikatumbulia, “Uhu ni uja mlodi Jesu ufumie Nazareti muzi ghwa Galilaya.”

LUKA 24:49

Nani olenyi niamdumia aighu konyu uo orelaghiriloghe ni Aba. Ela kaienyi mzinyi, hata mneko rija ndighi rifumagha aighu.”

LUKA 3:16

Johane ukawitumbulia wose ukawizera, “Ini nam'baputiza kwa machi, ela umu oko uchagha uko nandighi kunichumba ini, nisefwane hata kufungua kamba ra vadu vake; uo ucham'baputiza kwa Roho Mweli na modo.

LUKA 7:16

Wikangilwa ni wowa wose wikamkasa Mlungu wikighamba, “Mlodi m'baa wawuka aghadi kodu!” sena “Mlungu wawivikia wandu wake.”

JOHANE 1:21

Nawo wikamkotia, “Da koko ani? Oho ko Elija?” Johane ukawitumbulia, “Ini suo ungi.” Wikamkotia, “Oho ni uja mlodi?” Ukaghamba, “Hata.”

JOHANE 1:25

Wikamkotia Johane, “Ikakaia oho kuseko Kristo angu Elija, angu uja mlodi-lee, kwaki sena kubaputizagha?”

JOHANE 1:33

Hata ini seremmanyireghe; ela Uo orenidumieghe nibaputize kwa machi orenizerieghe huwu, ‘Uo mundu kuchaammbona Roho ukimseria kufuma mlungunyi na kukaria aighu kwake, nuo moni ubaputizagha kwa Roho Mweli.’

JOHANE 12:16

Ngelo iyo wanughi wake ndeweretambukiloghe ni agho, ela iji Jesu wameria kujoswa kwa wubaa, niko wikakumbuka angu maza iri rereandikiloghe aighu yake, na angu werebonyereghe agho kwa wundu ghwake.

JOHANE 12:23

Nao Jesu ukawizera, “Ngelo emkasa Mwana wa Mdamu yameria kuvika.

JOHANE 14:13

Icho chose mchaalomba kwa irina japo, nicham'bonyera; Aba upate kukaswa andenyi ya Mwana.

JOHANE 14:26

ela uja Mtesia uja Roho Mweli, Uo Aba uchaamduma kwa irina japo, uchamfundisha kula ilagho, na kumkumbusa maza rose neremghorieghe.

JOHANE 16:14

Uo moni uchanikasa ini, angu uchamghoria agho gheni uchaaghiwusa kufuma kwapo.

JOHANE 16:7

Elaima namghoria loli, ichamfwana inyo ini ngaghenda, angu ngera niseghendagha, uja Mtesia ndechaamchea anduangi; ela ngaghenda, nichamduma konyu.

JOHANE 17:1

Nao iji Jesu wameria kughora malagho agho, ukazighana aighu mlungunyi ukaghamba, “Aba, ngelo yameria kuvika; mkase Mwana wako, na Mwana wako wori ukukase oho.

JOHANE 17:5

Idana Aba, nikase ini imbiri kwako, kwa ugho wubaa nerekoghe nagho imbiri ya kuumbwa wurumwengu.

JOHANE 20:22

Uendaghora agho, ukawikuya miruke ukawizera, “Wusenyi Roho Mweli.

JOHANE 6:14

Waja wandu wiendawona uo mwakilimbiti orebonyekieghe wikaghamba, “Kwa loli uhu nuo uja Mlodi uchagha wurumwengunyi.”

JOHANE 7:12

Korekoghe na madedo mengi-mengi wandunyi kwa wundu ghwake; wamu wikaghamba, “Ni mundu mucha.” Na wazima wikaghamba, “Hata, ualaghasha wandu.”

JOHANE 8:54

Jesu ukawizera, “Ngakukasa ini moni kukukasa kwapo ni kwa duu. Uo unikasagha ni Aba, uo mummbangagha Mlungu onyu.

MABONYO GHA WADUMI 19:2

Ukawizera, “Welee, iji morerumirieghe, moremmbusireghe Roho Mweli?” Wikatumbulia, “Ha-aa! Hata kusikira koni jingi ndedisikire wei Roho Mweli oko.”

MABONYO GHA WADUMI 2:17

‘Huwu niko ichaakaia matuku gha kutua mbai, waghamba Mlungu, nichawidiria wandu wose Roho wapo; wana wenyu wa womi na wa waka wichafunya wulodi, na wandu wenyu wa irika wichawona mawono, na waghosi wichaloda ndodo.

MABONYO GHA WADUMI 2:33

Nao moni, umeria kujoswa kwa mkonu ghwa kiwomi ghwa Mlungu, na kuwusa kufuma kwa Aba ijo ilaghiro ja Roho Mweli, niko wachidia ichi mchiwonagha na kuchisikira wori.

MABONYO GHA WADUMI 2:38

Petro ukawizera, “Heenyi m'baputizo kula umu onyu kwa irina ja Jesu Kristo mpate kulekwa kwa kaung'a renyu, nenyo mchapata inosi ja Roho Mweli.

MABONYO GHA WADUMI 2:4

Wikachulwa ni Roho Mweli wose, wikazoya kudeda na viteto vizima, sa iji uo Roho orewidimishireghe kughora.

MABONYO GHA WADUMI 3:13

Mlungu wa Abrahamu, Isaaka, na Jakobo; Mlungu wa weke aba wedu, wamneka wubaa mdumiki wake Jesu uo moremfunyireghe na kumlegha imbiri ya Pilato; iji orekundeghe kumfungua.

MABONYO GHA WADUMI 4:31

Hata iji wameria kulomba, andu aja werekwanyikieghe kukasughusika; wikachulwa ni Roho Mweli wose, na kughora Ilagho ja Mlungu kwa wuwana.

WAROMA 8:9

Ela inyo ndemuwuenugha ra mumbi, mwaawuyanugha ra Roho; ikakaia loli Roho wa Mlungu wawuyakaia andenyi konyu. Ngera mndungi wasowa Roho wa Kristo andenyi kwake, ndeuko wake anduangi.

2 WAKORINTHO 3:8

welee, ugho wudumiki ghwa Roho, ndeghuchaakaia na wubaa mungi kuchumba anguwada?

WAEFESO 4:30

Hata msakemvavira Roho Mweli wa Mlungu, uo morekabiloghe muhuri andenyi kwake, hata ituku ja kukombolwa konyu.