JOHANE 7:32 - Biblia Ilagho Jiboie Kwa Wandu Wose

³² Nao Mafarisayo wikasikira wandu wikihohoriana agho malagho gha Jesu, nawo chiaimweri na Wakohani wabaa wikaduma walindiri wimmbwade Jesu.

JOHANE 7:32 Խաչաձեւ Հղումներ

MATHAYO 12:14

Ela Mafarisayo wikafuma shighadi wikabonya njama seji wichaadima kumtotesha Jesu.

MATHAYO 23:13

“Ni bugha konyu inyo walimu wa Sharia na Mafarisayo, waji-kuwi! Angu mwaghurugha mnyango ghwa Wuzuri ghwa mlungunyi; inyo mmbeni ndemngiagha, na awo wikundagha kungia mwawighiria. [

MATHAYO 26:58

Ela Petro orekoghe ukimnugha kwa kula hata wazenyi kwa Mkohani M'baa, ukangia andenyi chiaimweri na walindiri upate kuwona kutua kwake ni wada.

JOHANE 11:46

Ela wazima wikaghenda na kuwighoria Mafarisayo iro maza rerebonyeroghe ni Jesu.

JOHANE 12:19

Nao Mafarisayo wikazerana weni na weni, “Zighanenyi seji disedimagha kubonya ilagho jingi, wurumwengu ghose ghwamnugha.”

JOHANE 18:3

Juda umeria kuwidwa masikari na walindiri wa Hekalu kufuma kwa Wakohani wabaa na Mafarisayo, ukacha nawo aja mbuwenyi, widwae taa na tochi na maswagha ghawo.

JOHANE 7:30

Waja wandu wikakunda kummbwada, ela mndungi nderedimieghe kummbwada angu ngelo yake ndeerevikieghe anduangi.

MABONYO GHA WADUMI 5:26

Nao uja m'baa wa walindiri andwamweri na watini wake, wikaghenda na kuwireda wadumi; ela si kwa ndighi, angu wereobueghe kulaswa na magho ni wandu.

1 SAMUELI 19:20

Ukaduma wandu wiendemuonda Daudi. Nao iji wawona izungu ja walodi wikifunya wulodi, na Samueli uko aghadi kwawo sa m'baa wawo, Roho wa BWANA ukawiseria awo wandu wa Sauli, nawo weni wikazoya kufunya wulodi.