JOHANE 7:26 - Biblia Ilagho Jiboie Kwa Wandu Wose

²⁶ Zighanenyi hoyu wawuyadeda worinyi, nawo ndewiwueghora ilagho jingi aighu yake anduangi; kewada na wabaa wemmanya mundu uhu kukaia Kristo anguwada?

JOHANE 7:26 Խաչաձեւ Հղումներ

MAKATANISHO 28:1

Wandu wizamie wadakimbia, hata ngera ndewiwuewingwa ni mndungi; ela wandu wa hachi weko na wuwana sa ghwa shimba.

ISAYA 42:4

Uo ndechaalemwa angu kubwaghwa ngolo, hata umerie kuimangisha hachi ndoenyi; na masanga gha pwani ghaawuyaweseria sharia yake.”

MATHAYO 22:16

Wikamdumia wamu wa wanughi wawo chiaimweri na wanjama wa Herode wikighamba, “Mwalimu, dakumanya angu koko mloli, na chia ya Mlungu kwadaifundisha kwa loli, hata ndekutalagha mndungi, angu kusetalagha mawubaa gha wadamu anduangi.

LUKA 23:13

Niko Pilato ukawikwanya chiaimweri wakohani wabaa, vilongozi na wandu,

LUKA 7:30

Ela Mafarisayo na walimu wa Sharia wereleghieghe ugho mpango ghwa Mlungu, kwa wundu ghwawo, wikalegha kubaputizwa ni Johane.

JOHANE 12:42

Elaima sena, wengi wa vilongozi wa Wayahudi weremrumirieghe Jesu; ela kwa wundu ghwa Mafarisayo, ndewereghorieghe worinyi anduangi, angu wereobueghe kuwingwa sunagoginyi;

JOHANE 18:20

Jesu ukamtumbulia, “Ini nerekoghe ngighora malagho worinyi kwa wandu wose, na kufundisha andenyi ya masunagogi, na Hekalunyi andu Wayahudi wose wikwanagha, hata na jingi sidedie ilagho jingi kivisonyi anduangi.

JOHANE 3:1

Korekoghe na mndumu m'baa wa Wayahudi, Mfarisayo uwangwagha Nikodemo.

JOHANE 4:29

“Choonyi mmbone mundu wanighoria maza rose nereribonyereghe! Kewada uhu nuo moni Kristo-o anguwada?”

JOHANE 7:25

Nao wandu wamu wa Jerusalemu wikaghamba, “Welee, uhu suo moni mundu wawuyalolwa ni vilongozi ubwagho?

JOHANE 7:31

Elaima wengi wa awo werekoghe izungunyi wikarumiria kwake wikighamba, “Welee, iji Kristo uchaacha, uchabonya weke mwakilimbiti kuchumba awa wibonyero ni uhu mundu?”

JOHANE 7:48

Jingi mwawonie m'baa ungi angu Mfarisayo ungi umrumirie mundu uhu?

JOHANE 9:22

Wavi wake wereghorieghe agho kwa kuwiobua vilongozi va Wayahudi, angu ivo vilongozi werepataneghe wei, mndungi ukamghora Jesu kukaia Kristo, uwingo sunagoginyi.

MABONYO GHA WADUMI 4:13

Nao iji waghuwona wuwana ghwa Petro na Johane, na kumanya seji ni wandu wa kawaida wisena kishomo chingi, wikashinika; wikawitambua kukaia ni wandu werekwanyeghe na Jesu.

WAFILIPI 1:14

na kaavui ya wanidu wose, wacheemangishwa andenyi ya kumrumiria Bwana, kwa wundu ghwa kufungwa kwapo; nawo wachua wuwana ghojighora ilagho ja Mlungu kuseko na wowa.