JOHANE 7:17 - Biblia Ilagho Jiboie Kwa Wandu Wose

¹⁷ Mndungi ukakunda kubonya agho ughikundagha Mlungu, uchamanya ngera agho mafundisho nifundishagha gheefuma kwa Mlungu angu ngera ni gha nguma rapo reni.

JOHANE 7:17 Խաչաձեւ Հղումներ

ZABURI 119:10

Nadakulola kwa ngolo yapo yose; kusenisighe ngighenda kula na memu yako.

ZABURI 25:12

Umundu umuobuagha BWANA, BWANA uchamfundisha chia imfwanagha kunugha.

ZABURI 25:14

BWANA ni mghenyi wa awo wimuobuagha, nao wadawimanyisha ilaghano jake.

MAKATANISHO 28:5

Wandu wawiwi, ndewiichi kutanya loli, ela awo wimtasagha BWANA, watambukilwa putu.

MAKATANISHO 3:32

BWANA wadazamilwa ni mundu uleghie chia rake, ela wadawirumiria wandu wecha.

ISAYA 35:8

Chia mbaa ichakaia aho, nayo ichawangwa “Chia ya Wueli.” Mundu useelie ndechaidiria iyo chia, na wakelu ndewichaalaghaya aho.

DANIELI 12:10

Wandu wengi wichakuelesha na kukaia wielie, nawo wichaela. Ela wawiwi, wichabonya kiwiwi; na mndungi wawo ndechaatambukilwa jingi. Awo wa hikima, wichatambukilwa.

HOSEA 6:3

Ndedilole kummanya BWANA. Kwa loli uchadichea sa kuela kwa ndoe, na seji vua ya kimu inyagha ndoenyi.”

MIKA 4:2

Mbari ra wandu wengi wichacha na kughora, “Nndokonyi dijoke aighu ya mghondi ghwa BWANA, Hekalunyi kwa Mlungu wa Israeli. Uchadifundisha agho ukunde dighibonye; nesi dichaghenda na chia uisaghue. Kwa kukaia sharia ichafuma Sioni, na ilagho ja BWANA jichafuma Jerusalemu.”

MALAKI 4:2

Ela konyu inyo munisikiragha, ndighi ra kukia kwapo richam'bukia sa iruwa, nenyo mchaboiswa. Mchaghenda mkirama-rama sa ngache rafuma wazenyi.

MATHAYO 6:22

“Iriso nijo taa ya mumbi ghwako. Iji iriso jako jiko banana, mumbi ghwako ghose ghuchakaia na mwengere.

LUKA 8:15

Na iri ripotokie ndoe iwurue, ni sa wandu wijisikiragha ilagho na kujiwadia kwa ngolo ndicha esikira, nawo wadava matunda kwa kurumaghia.

JOHANE 3:21

Ela uo ose ubonyagha maza ra loli, wadacha mwengerenyi, mabonyo ghake ghipate kuwoneka mwengerenyi seji ghabonywa kwa kumsikira Mlungu.”

JOHANE 8:43

Kwaki msetambukilwagha ni agho nighoragha? Ni angu msedimagha kusikira ilagho japo anduangi.

JOHANE 8:44

Inyo mo wana wa ndeyo uja Mmbiwi, na bea rake niro reni mkundagha kuribonya. Uo orekoghe m'bwaghi kufuma kuzoya, hata na jingi ndekaiagha na loli, angu ndekuwadie loli ingi andenyi kwake anduangi. Iji waghora tee, wadaghora kikwake cheni: angu uo moni ni mtee, na ndee wa tee rose.

JOHANE 8:47

Uo uko wa Mlungu wadasikira malagho gha Mlungu. Ela inyo ndemko wa Mlungu, niko msesikiragha.”

MABONYO GHA WADUMI 17:11

Wandu awo werekoghe na suku kuchumba waja wa Thesalonike; wikajiwusa ilagho kwa ngolo mbaa, wikizighana-zighana Maandiko Ghielie kula ituku, wiwone ngera maza iro rerekoghe rikighorwa ni Paulo na Sila ni huwo koni.